Niruarvikhanut Ayurnaittunik

Una Nunavut Niruarvikhanut Maligaq maligautauvlutik malikhimayavut tiliurnahuarlugu Maligaliurvit Ministakhanut (MLAt). Nunavunmiut piyunnautiqaqhutik niruaqtakhait ikayuutauvluni ihumaliurahuariami kinaliqaak nunallaami kavamaliuqpaktunut.

Una hivunikhaliurutikhait haffumani Nunavunmi Niruarvikhanut Maligaq imailiuqtukhat:

  • Ikayurnahuarlugit inungnut niruaqtunut.
  • Ayurnaiqhimalugu niruarnahuaqtit niruariami piyumagumik.
  • Ahivaqhimalugit ayuqhautit inungnut niruaqtauyumayunut.
  • Ikayuqhimalugit kitunuliqaak ilittuqhimagiaqaqtut niruarvikhanut.
  • Titirarlugit kitunuliqaak ilitturvikhait iluani tamainnut Nunavutiup ilitariyauyut uqauhinut.
  • Havaqatigilugit aahiit —inuit aulapkaivaktut aahiit niruarvikhainut Nunavunmi—avvautilugit ilitturvikhait, ilihimalugillu, ilihautilugit havaktit, turaarviulugillu nakuuyumik niruarvikhanut ikayuuhiat.
  • Aulapkailugit nakuuqpiaqtumik, ihuaqtumik niruarvikhaq.
  • Ihumagittiarlugit nunamiuttait, uqauhingit, aallallu hunanigluuniit Nunavunmi.
  • Ihivriurlugit niruarvikhaq piliriangit katilviuhimattiarlugillu piyumayainnit Nunavunmiunut.

 

Tamainnut Niruarvikhaq

Tamainnut niruarvikhaq

Hamna tamainnut niruarvikhauyuq Nunavunmiut niruaqtut tamaat Maligaliuqtikhanut (MLAt). MLAt Nunavunmi Kavamaliuqpaktut maligautiliuqhutik. Tamainnut niruarvikhaqaqpaktugut hitamanit ukiunnguraangat niruariangani MLA-khamik iluani niruaqtauhimavinkhanut. Tamaat angiqtauhimayut niruaqtut nirualaaqtut iluani tamatkiumayumik niruarvikhanut.

Inmikkuurniq Niruaqtauniq

Inmikkuurniq-niruaqtauniq angiqhimayangit nirualaaqtut iluani atauhirmik niruaqtaunirnut niruaqhimayaa MLAkhamik. Taimailiulaaqtut una MLA havaamingnut havaguiqhimagaangat niruarvikharniaqtinnatik. Tahapkuat niruaqtukhat nayuqhimayangit niruaqtaunirnut hamna CEO titirariiqhimagumik ihuaqhainikhanut ilitturnikhanut nirualaaqtut iluani inmikkut niruaqtittiniq.