Qanuq Niruaqpaktut

Maliguarlugit ilvit piyumayait adjigiingittut vutiqtarniit. Talva atuqtauttaqtut Nunavunmiunut vutiqtittinirnit uvalu Nunavulimaamit apirhuutinut vutiqtittinirnit.

Qauyimagit! Vutiqtiit atiliurvianit atiit ittariaqaqtuq vutirniarlutit. Vutiqtiit atiliurvianit atiit pitaqalaippat, vutiruvit atiliurlutit vutiqtaqtut atiliurvianuarlutit. Takulugu Vutiqtiit Atiliurviat ilittuqhiffaarumaguvit.

 

Atuqtauttaqtuq

Vutirvik Nunalingnit (vutirviup upluanit)

Vutirviup upluanit ikaarningit:

  • Qitirmiunit - 8 uplaami 6 unnukpat
  • Kivallirmit - 9 uplaami 7 unnukpat
  • Qikiqtaalungmit - 10 uplaami 8 unnukpat.

Utiqtittiyip Affisianit (vutirviup upluata hivuanit)

Manimayuq nunalingnit Utiqtittiyip Affisiqaqtunit.

  • Manimayuq 10 uplunut (14 upluit hivuanit 4 upluit hivuanut vutirviup upluanit)
  • Ikaarningit: 12 qitiqqutpat 7 unnukpat (nunalingmit)

Vutirnarigvik (vutirviup upluata hivuanit)

Manimayuq nunalingnit Utiqtittiyip Affisianit piqanngittunit.

  • Manimayuq kihimi atauhiq upluq (7 upluit vutirviup upluata hivuanit)
  • Ikaarningit: 12 qitiqqutpat 7 unnukpat (nunalingmit)

Turaangayukkut

Titiqqiqilvikkut Vutiut

Vutiqtinut aulaqhimallaktunut aimavingmingnit vutiqtillugit, ilihaqtut, aaniaqtut, uvalu itiqtauhimayut.

  1. Iniqtirlugu Turangayuq Titiqqiqilvikkut Vutiutimut Tukhirauti. faaksikkut uvaluuniit titiraqarvikkut aullaqtillugu Nunavunmi Vutiqtuliriyikkunnut. (Tuharuvit vutiqtittinirmi kilamik aullaqtillugu tukhirauti kinguvaqhimaittumik).
  2. Tukhirautiit angirutautpat, tuyuqtaulutit turangayuq titiqqiqilvikkut vutiutimut atuqtukhanik.
  3. Maliguarlugit tiliuriyut titiqqiqilvikkullu aullaqtillugu Nunavunmi Vutiqtuliriyikkunnut. iniqtiqhimayuq vutiuti. tikittukhauyut Kangiqhinirmut 5-mungarniagut upluummaat (nunalingmit) vutirviup upluani.

Hanngupkatitauyuq Vutirvik (Vutirvik aimaviinnunngauniaqtuq)

Vutiqtinut inmingnik titilimaittunut vutirvingmut, ittuit, timirluktut, uvalu kamayingit.

  • Hivayarlugu Utiqtittiyi uvaluunniit Nunavunmi Vutiqtuliriyikkut Hanngupkatitauyuq vutirvingmit aturumalutit.
  • Vutirnirmut upluq uvalu ikarniit Hanngupkatitauyuq Vutirvingmut:
    • Kihimi atauhiq upluq – 7 upluit hivuani vutirviup upluanit
    • 9 qitiqqutpat 11:30 unnukpat (nunalingmit)

Naalautikkututaq SAT talafuutikkuinnarluuniit

Vutiqtinut ahiqpaniitunut (ujaraktarianit ahiqpagvingnit) Ahiagut vutiutikhailutik.

  • Hivayarlugit Nunavunmi Vutiqtuliriyikkut vutirniarlutit naalautikkut talafuutikkuluuniit.
  • Vutirlutit aturlug, tamaita nalliutimayunut maliguagait:
    • Vutiqtiit Atiliurvinganit atiqaravit.
    • Ahiagut vutiutikhaqalairavit.
    • Ahiagut vutiutikhainavit aulaqtinatit ahiqpanut.