Niruaqtut Ihumaliurutighanit Niruaqtittiyunit

Kinaliqqaaq vutiqtaqtuq Apirhuutinut Vutirnami?

Ilait apirhuutinut vutiqtittiniit Nunavunlimaamuuqtut vutiqtiluktaanullu turaaqtut. Ilait kigliqaqtut pidjutimut uvalluunniit katimayinut. Apirhuutinut vutiqtittiniuyuq vutiqtiillu taiguqtauhimayut apirhuutinut vutiqtittiniq tuhaqtittidjutaungmat.

Vutirniarluni, vutiqtittiniqaqtumiillutit vutiqtiulutillu. Imaillutillu:

  • Kanatamiutauguvit;
  • 18-nik ukiuqarlutit angayukhiulutilluuniit;
  • Nunavunmiutaulirlutit; UVALU,
  • Vutiqatauniq piyungnanngititaunngillutit (takulug “Piyungnanngititauyut” ataani).

Kinaliqqaaq Nunavunmiutaq?

Nunavunmiutaq imaittuq:

  • Nunavunmiutauliqtuq atauhirmik ukiumik hivuagut apirhuutinut vutiqtittiniup upluanit; UVALLUUNNIIT,
  • Kilamik aulaqhimagavit, Nunavut nunagiblugu (uuktuutigilugu, sikuuqtut, ihuaqhaqtauyut, uvalu itiqtauhimayut).

Nunavunmiutaulaittut Nunavunmi aularuvit havayaqtaaravit.

Piyungnanngititauniit

Vutilaittutit imaillutit:

  • Apirhuqtauvvingmut uqautiyauygavit ihumaliurutiqaqqat uqaqtumik hulitjutingnik kangiqhianngitutit uvalluunniit ilingnu tihumaliulimaittutit;
  • Ahiguihimaguvit maligarmik maligarjuatigut iliruvit igluqpangmi inuit ihumamikkut aanniarrutilingnut. UVVALUUNIIT,
  • Ahiguihimaguvit maligarmik vutirnarnirmut, vutirnirmut apirhuuumunluuniit humiliqaak Kanatami kingullini talimani ukiuni ilihimayauliqhutillu.

Vutiqtiit atiliurviat

Vutirniarluni apirhuutinut vutiqtittinirmit, atiit vutiqtiit atiliurvianiiluni. Tahamana Vutiqtuliriyikkut Nunavunmi kinaliqqaaq vutiqtit titiqqangat vuitiqtittinirnut, vutiffaarngnirnut, apirhuutinut vutiqitittinirnullu. Atiliuqtaqtutit piyumaguvit, vutiqtillutillu ilvilt naunaitkutait takutillugit. Takulugu Vutiqtiit atiliurviat ilitturipkaidjutinut.

Qanurliqqaaq vutirlangna Apirhuutinut Vutiqtittinirmit?

Atuqtauyut vutirnirmut Nunavulimaamut apirhuutinut vutiqtittinirmut adjiit nunavunmi vutiqtittinirnut. Vutirluni nunalingni apirhuutinut vutiqtittinirnit adjinga nunalingmit vutirluni.