ᐊᒥᓱᑦ ᐊᓯᐊᙳᖅᑐᑦ ᕼᐋᒻᓚᒃᑯᓐᓄᑦ ᑲᑎᒪᔩᑦ ᐊᒻᒪᓗ ᐃᓕᓐᓂᐊᖅᑐᓕᕆᔨᐊᓛᓄᑦ ᑲᑎᒪᔩᑦ ᓂᕈᐊᖅᑎᑦᑎᓂᖏᓐᓂᑦ. ᐆᒃᑑᑎᒋᓗᒍ, ᐊᑕᐅᑦᑎᒃᑯᑦ ᑕᒡᕙᓂᑦᑕᐃᓐᓇᖅ ᐅᑉᓗᕐᒥᑦ ᓂᕈᐊᖅᑎᑦᑎᓂᖃᖃᑦᑕᕐᓂᐊᓕᖅᑐᑦ. ᓱᖕᒪᑦ ᐊᓯᐊᙳᖅᐸᑦ ᑕᒪᒃᑯᐊ?

ᔫᓂ 2017-ᒥᑦ, ᒪᓕᒐᓂᒃ ᑐᒃᓯᕋᐅᓯᐅᓚᐅᖅᑐᑦ (ᐱᖁᔭᒃᓴᖅ 49) ᓅᑕᐅᑉᓗᓂ, ᕼᐋᒻᓚᒃᑯᓐᓄᑦ ᑲᑎᒪᔨᓄᑦ, ᒪᐃᔭᒧᑦ ᐊᒻᒪᓗ ᐃᓕᓐᓂᐊᖅᑐᓕᕆᔨᐊᓛᓄᑦ ᑲᑎᒪᔨᓄᑦ ᓂᕈᐊᖅᑎᑦᑎᓂᐅᔪᑦ ᒪᓕᒐᖏᑦ ᓄᓇᕗᒻᒥ ᓂᕈᐊᖅᑐᓕᕆᓂᕐᒧᑦ ᐱᖁᔭᖏᓐᓂᒃ ᐊᑐᕐᓂᐊᓕᕐᓗᑎᒃ, ᓄᓇᕗᒻᒥ ᓂᕈᐊᖅᑐᓕᕆᔨᒃᑯᓪᓗ ᐱᔭᒃᓴᖃᓕᖅᑎᖦᖢᒋᑦ ᑲᒪᒋᓗᒋᑦ ᓄᓇᓕᖕᒥᑦ ᓂᕈᐊᖅᑎᑦᑎᓃᑦ ᐃᓚᒋᓗᒋᑦ ᓄᓇᕗᒻᒥ ᓂᕈᐊᖅᑎᑦᑎᓂᐅᖃᑦᑕᖅᑐᑦ ᐊᐅᓛᖅᑎᖃᑦᑕᖅᑕᑐᖃᖏᓪᓕ.  ᐱᔾᔪᑎᖓ ᓄᑖᖅ ᒪᓕᒐᐅᑉ ᐊᔾᔨᒌᓕᒃᑲᓐᓂᕆᐊᖁᑉᓗᒋᑦ ᕼᐋᒻᓚᒃᑯᓐᓄᑦ ᐊᒻᒪᓗ ᓄᓇᕗᒻᒥ ᒪᓕᒐᐅᔪᑦ, ᑕᐃᒪᓐᓇᐃᓕᐅᖅᖢᑎᒃ, ᓂᕈᐊᖅᑎᑦᑎᓂᐅᔪᓗᒃᑖᑦ ᐊᔪᕐᓇᙱᓐᓂᖅᓴᐅᓕᖅᑎᖦᖢᒋᑦ ᐊᒻᒪᓗ ᐱᐅᓂᖅᓴᐅᓕᖅᑎᖦᖢᒋᑦ.