ᖃᓄᖅ ᓂᕈᐊᕈᖕᓇᕐᓂᖅ

ᐱᔪᒪᔭᑎᑦ ᐊᑐᕐᓗᒋᑦ ᐊᔾᔩᒋᖏᑦᑐᓂᒃ ᓂᕈᐊᕈᖕᓇᖅᑐᑦ. ᐅᕝᕙ ᑎᑎᕋᖅᓯᒪᔪᑦ ᖃᓄᖅ ᓂᕈᐊᖅᑎᑦᑎᓂᕐᓂᑦ ᓂᕈᐊᕈᖕᓇᕐᓂᖏᑦ ᓄᓇᕗᒻᒥᐅᑦ ᐊᒻᒪᓗ ᓄᓇᕗᒻᒥᓗᒃᑖᖅ ᐊᐱᖅᑯᑎᓄᑦ ᓂᕈᐊᖅᑎᑦᑎᓂᕐᓂᑦ.

ᖃᐅᔨᒪᒋᑦ! ᓂᕈᐊᕈᖕᓇᖅᑐᑦ ᐊᑎᖏᓐᓃᑦᑕᕆᐊᖃᖅᑐᑎᑦ ᓂᕈᐊᕐᓂᐊᕐᓗᑎᑦ. ᐊᑎᖏᓐᓃᙱᒃᑯᕕᑦ, ᐃᓕᔭᐅᖃᑕᐅᔪᖕᓇᖅᑐᑎᑦ ᓂᕈᐊᕆᐊᖅᑐᕈᕕᑦ. ᑕᑯᓗᒍ ᓂᕈᐊᕈᖕᓇᖅᑐᑦ ᐊᑎᖏᑦ ᑐᑭᓯᐅᒪᔾᔪᑎᓂᒃ ᐱᓂᐊᕐᓗᑎᑦ.

 

ᓂᕈᐊᕆᐊᖅᑐᕐᓗᑎᑦ

ᓄᓇᓕᖕᓂᑦ ᓂᕈᐊᕆᐊᖅᑐᕐᕕᖕᒥᑦ (ᓂᕈᐊᕐᓇᐅᑉ ᐅᑉᓗᖓᓂᑦ)

ᓂᕈᐊᕐᓇᐅᑉ ᐅᑉᓗᖓᓂᑦ ᐃᑲᕐᕋᕆᔭᐅᔪᑦ:

  • ᕿᑎᕐᒥᐅᓂᑦ - 8-ᒥᑦ ᐅᑉᓛᒃᑯᑦ 6-ᒧᑦ ᐅᓐᓄᒃᓴᒃᑯᑦ
  • ᑭᕙᓪᓕᕐᒥᑦ - 9-ᒥᑦ ᐅᑉᓛᒃᑯᑦ 7-ᒧᑦ ᐅᓐᓄᒃᓴᒃᑯᑦ
  • ᕿᑭᖅᑖᓗᖕᒥᑦ - 10-ᒥᑦ ᐅᑉᓛᒃᑯᑦ 8-ᒧᑦ ᐅᓐᓄᒃᓴᒃᑯᑦ

ᓂᕈᐊᖅᑐᓕᕆᔨᐅᑉ ᑎᑎᕋᕐᕕᖓᓂᑦ (ᓂᕈᐊᕐᓇᐅᑉ ᐅᑉᓗᐊᑕ ᓯᕗᓂᐊᒍᑦ)

ᓂᕈᐊᕈᖕᓇᕐᓂᖅ ᓄᓇᓕᖕᓂᑦ ᓂᕈᐊᖅᑐᓕᕆᔨᐅᑉ ᑎᑎᕋᕐᕕᖃᖅᑐᑐᐃᓐᓇᕐᓂᑦ.

  • ᖁᓕᓄᑦ ᐅᑉᓗᕐᓄᑦ (14 ᐅᑉᓗᐃᑦ ᓂᕈᐊᕐᓇᐅᑉ ᐅᑉᓗᐊᑕ ᓯᕗᓂᐊᓂᑦ ᓯᑕᒪᑦ ᐅᑉᓗᐃᑦ ᓂᕈᐊᕐᓇᐅᑉ ᐅᑉᓗᐊᑕ ᓯᕗᓂᐊᓄᑦ
  • ᐃᑲᕐᕋᕆᔭᐅᔪᑦ: 12-ᒥᑦ ᐅᑉᓗᕈᒥᑕᕐᓇᒥᑦ 7-ᒧᑦ ᐅᓐᓄᒃᓴᒃᑯᑦ (ᓄᓇᓕᐅᑉ ᖃᐅᔨᓴᐅᑎᖓ ᒪᓕᒡᓗᒍ)

ᓂᕈᐊᖅᐸᒌᕐᓇᖅ (ᓂᕈᐊᕐᓇᐅᑉ ᐅᑉᓗᐊᑕ ᓯᕗᓂᐊᒍᑦ)

ᓄᓇᓕᖕᓂᑦ ᓂᕈᐊᖅᑐᓕᕆᔨᐅᑉ ᑎᑎᕋᕐᕕᐊᓂᑦ ᐱᖃᙱᑦᑐᓂᒃ.

  • ᐊᑕᐅᓯᖅ ᐅᑉᓗᕐᒥᑐᐃᓐᓇᖅ (7 ᐅᑉᓗᐃᑦ ᓂᕈᐊᕐᓇᐅᑉ ᐅᑉᓗᐊᑕ ᓯᕗᓂᐊᒍᑦ)
  • ᐃᑲᕐᕋᕆᔭᐅᔪᑦ: 12-ᒥᑦ ᐅᑉᓗᕈᒥᑕᕐᓇᒥᑦ 7-ᒧᑦ ᐅᓐᓄᒃᓴᒃᑯᑦ (ᓄᓇᓕᐅᑉ ᖃᐅᔨᓴᐅᑎᖓ ᒪᓕᒡᓗᒍ)

ᐊᔾᔨᐅᖏᑦᑐᑦ ᓂᕈᐊᕐᓃᑦ

ᑎᑎᖅᑲᑎᒎᕆᐊᓕᒃ ᓂᕈᐊᕈᑎ

ᑭᓇᑐᐃᓐᓇᕐᒧᑦ ᓂᕈᐊᖅᑎᒧᑦ ᐊᖏᕐᕋᒥᑦ ᐊᐅᓪᓚᖅᓯᒪᔪᖅ ᓂᕈᐊᖅᑎᑦᑎᓂᕐᒥᑦ, ᓲᕐᓗ ᐃᓕᓐᓂᐊᖅᑏᑦ, ᐋᓐᓂᐊᕐᕕᓕᐊᖅᓯᒪᔪᑦ, ᐊᒻᒪᓗ ᑎᒍᔭᐅᓯᒪᔪᑦ.

  1. ᑕᑕᑎᕐᓗᒍ ᐊᔾᔨᐅᖏᑦᑐᖅ ᓂᕈᐊᕈᑎᒧᑦ ᑐᒃᓯᕋᐅᑎ ᑕᑕᑎᕆᐊᓕᒃ (ᒪᓂᒪᔪᖅ ᖃᑉᓗᓈᑎᑐᑐᐃᓐᓇᖅ). ᓱᑲᔪᒃᑯᑦ ᐅᕝᕙᓘᓐᓃᑦ ᑎᑎᖅᑲᑎᒍᑦ ᐊᐅᓚᖅᑎᓪᓗᒍ ᐅᕙᑉᑎᖕᓄᑦ.  (ᑕᐃᒪᓐᓇᐃᓗᑎᑦ ᑐᓴᑐᐊᕈᕕᑦ ᓂᕈᐊᕐᓂᖃᕐᓂᐊᖅᑐᒥᒃ ᐱᓕᕆᐊᕆᒋᐊᑲᐅᑎᒋᓂᐊᕋᑉᑎᒍᑦ ᑐᒃᓯᕋᐅᑏᑦ ᓈᒻᒪᐅᑎᓗᒍ).
  2. ᑐᒃᓯᕋᐅᑏᑦ ᓈᒻᒪᒋᔭᐅᒃᐸᑦ, ᓇᒃᓯᐅᑎᓂᐊᖅᑕᑉᑎᒋᑦ ᑎᑎᖅᑲᑎᒎᕆᐊᓕᖕᒥᒃ ᓂᕈᐊᕈᑎᒧᑦ ᑲᑎᕐᒪᔪᓂᒃ.
  3. ᒪᓕᒡᓗᒋᑦ ᖃᓄᐃᓕᐅᖁᔨᓃᑦ ᓂᕈᐊᕈᑎᒋᔭᐃᓪᓗ ᑎᑎᖃᑎᒍᑦ ᐊᐅᓚᖅᑎᓪᓗᒍ ᑎᑎᕋᕐᕕᑉᑎᖕᓄᑦ. ᓄᓇᕗᒻᒥ ᓂᕈᐊᖅᑐᓕᕆᔨᒃᑯᓐᓄᐊᕆᐊᖃᖅᑐᖅ ᑲᖏᖅᖠᓂᕐᒧᑦ 5-ᒧᐊᖅᑳᖅᑎᓐᓇᒍ ᖃᐅᔨᓴᐅᑎ (ᓄᓇᓕᐅᑉ ᖃᐅᔨᓴᐅᑎᖓ ᒪᓕᒡᓗᒍ) ᓂᕈᐊᕐᓇᐅᑉ ᐅᑉᓗᖓᓂᑦ.

ᐅᕐᓂᒍᑎᔪᖕᓇᖅᑐᖅ ᓂᕈᐊᕐᕕᒃ (ᐊᖏᕐᕋᕆᔭᖕᓄᙵᐅᑎᔭᐅᓗᓂ)

ᑭᓇᑐᐃᓐᓇᕐᒧᑦ ᓂᕈᐊᖅᑎᒧᑦ ᓄᓇᓕᖓᓂᑦ ᓂᕈᐊᕐᓇᐅᑉ ᐅᑉᓗᖓᓂᑦ ᓂᕈᐊᕆᐊᖅᑐᕐᕕᖕᒧᙵᐅᓂᖅ ᐊᔪᖅᑐᒧᑦ, ᓲᕐᓗ ᐃᓐᓇᕆᔭᐅᔪᑦ, ᑎᒥᒥᒍᑦ ᐊᔪᕈᑎᖃᖅᑐᑦ, ᐊᒻᒪᓗ ᒥᐊᓂᖅᓯᔨᒋᔭᖏᑦ.

  • ᖃᐅᔨᒋᐊᕐᕕᒋᓗᒍ ᓄᓇᓕᖕᓂᑦ ᓂᕈᐊᖅᑐᓕᕆᔨᒋᔭᐃᑦ ᐅᕝᕙᓘᓐᓃᑦ ᓄᓇᕗᒻᒥ ᓂᕈᐊᖅᑐᓕᕆᔨᒃᑯᑦ ᐋᕿᒃᓯᓗᑎᑦ ᐅᕐᓂᒍᑎᔪᖕᓇᖅᑐᒥᒃ ᓂᕈᐊᕐᕕᖕᒥᑦ.
  • ᐅᕐᓂᒍᑎᔪᖕᓇᖅᑐᒧᑦ ᓂᕈᐊᕐᕕᖕᒧᑦ ᓂᕈᐊᕐᓂᕐᒧᑦ ᐅᑉᓗᖅ ᐊᒻᒪᓗ ᐃᑲᕐᕋᕆᔭᐅᔪᑦ:
    • ᐊᑕᐅᓯᖅ ᐅᑉᓗᕐᒥᑐᐃᓐᓇᖅ - 7 ᐅᑉᓗᐃᑦ ᓂᕈᐊᕐᓇᐅᑉ ᐅᑉᓗᐊᑕ ᓯᕗᓂᐊᒍᑦ
    • 9-ᒥᑦ 11:30-ᒧᑦ ᐅᑉᓛᒃᑯᑦ (ᓄᓇᓕᐅᑉ ᖃᐅᔨᓴᐅᑎᖓ ᒪᓕᒡᓗᒍ)

ᓈᓚᐅᑎᒃᑯᑦ ᖃᖓᑦᑕᖅᑎᑕᐅᓯᒪᔪᒃᑯᓪᓘᓐᓃᑦ ᐅᖃᓘᑎᒃᑯᑦ

ᓂᕈᐊᖅᑎᓄᑦ ᓄᓇᓕᐅᑉ ᓯᓚᑖᓃᑦᑐᓄᑦ (ᓲᕐᓗ ᐅᔭᕋᒃᑕᕆᐊᕐᒦᑦᑐᑦ ᐊᒻᒪᓗ ᓄᓇᓕᐊᓛᕆᔭᐅᔪᓂᑦ) ᐊᒻᒪᓗ ᐊᓯᐊᒍᑦ ᓂᕈᐊᕐᓂᖅ ᐊᔪᖅᖢᑎᒃ

  • ᖃᐅᔨᒋᐊᕐᕕᒋᓗᒋᑦ ᓄᓇᕗᒻᒥ ᓂᕈᐊᖅᑐᓕᕆᔨᒃᑯᑦ ᐋᕿᒃᓯᓂᐊᕐᓗᑎᑦ ᑕᐃᒪᓐᓇ ᓂᕈᐊᕐᓂᐊᕐᓂᕐᒧᑦ.
  • ᑕᐃᒪᓐᓇ ᓂᕈᐊᕐᓂᐊᕐᓗᑎᑦ, ᑎᑭᐅᑎᓯᒪᔭᕆᐊᖃᖅᑐᑎᑦ ᐅᑯᐊᓗᒃᑖᑦ ᖃᓄᐃᖓᓂᐅᔪᓄᑦ:
    • ᓂᕈᐊᕈᖕᓇᖅᑐᑦ ᐊᑎᖏᓐᓃᕌᓂᒃᑲᕕᑦ.
    • ᐊᓯᐊᒍᑦ ᓂᕈᐊᕐᓂᖅ ᐊᔪᕋᕕᑦ.
    • ᐊᓯᐊᒍᑦ ᓂᕈᐊᕐᓂᖅ ᐊᔪᓚᐅᕋᕕᑦ ᓄᓇᓕᐅᑉ ᓯᓚᑖᓄᙵᐅᓂᐊᓵᖅᖢᑎᑦ.