ᓂᕈᐊᕐᓂᖅ

ᑭᓇ ᓂᕈᐊᕈᖕᓇᖅᐸ ᐊᐱᖅᑯᑎᓄᑦ ᓂᕈᐊᖅᑎᑦᑎᓂᕐᒥᑦ?

ᐃᓚᖏᑦ ᐊᐱᖅᑯᑎᓄᑦ ᓂᕈᐊᖅᑎᑦᑎᓃᑦ ᓄᓇᕗᓗᒃᑖᒨᖓᔪᑦ ᐊᒻᒪᓗ ᐅᒃᑯᐃᖓᑉᓗᑎᒃ ᓂᕈᐊᖅᑎᓗᒃᑖᓄᑦ.  ᐃᓚᖏᑦ ᑭᒡᓕᖃᖅᑐᑦ ᐃᓚᐃᓐᓇᖏᓐᓄᑦ ᓄᓇᓕᐅᔪᓄᑦ ᐅᕝᕙᓘᓐᓃᑦ ᐃᓄᖕᓄᑦ ᑐᕌᖅᑕᐅᔪᓄᑦ.  ᐊᐱᖅᑯᑎᓄᑦ ᓂᕈᐊᖅᑎᑦᑎᓂᖃᕐᕕᐅᔪᖅ ᐊᒻᒪᓗ ᓂᕈᐊᖅᑎᐅᓂᐊᖅᑐᑦ ᑎᑎᕋᖅᑕᐅᓯᒪᖃᑦᑕᖅᑐᑦ ᐊᐱᖅᑯᑎᓄᑦ ᓂᕈᐊᖅᑎᑦᑎᓂᕐᒥᒃ ᑐᓴᖅᑎᑦᑎᓂᖃᕌᖓᑕ.

ᓂᕈᐊᕐᓂᐊᕐᓗᑎᑦ, ᓂᕈᐊᖅᑎᑦᑎᓂᖃᕐᕕᐅᔪᒦᑦᑕᕆᐊᖃᖅᑐᑎᑦ ᐊᒻᒪᓗ ᑐᕌᖓᔪᓂᒃ ᓂᕈᐊᖅᑎᐅᖃᑕᐅᓗᑎᑦ.  ᐃᒪᓐᓇᐃᑦᑕᕆᐊᖃᕐᒥᔪᑎᑦ: 

  • ᑲᓇᑕᒥᐅᑕᖅ;
  • 18-ᓂᒃ ᐅᖓᑖᓂᓘᓐᓃᑦ ᐅᑭᐅᓕᒃ;
  • ᓄᓇᕗᒻᒥᐅᑕᖅ; ᐊᒻᒪᓗ,
  • ᓂᕈᐊᖃᑕᐅᓂᕐᒧᑦ ᐊᔪᓕᖅᑎᑕᐅᓯᒪᙱᓪᓗᑎᑦ (ᑕᑯᓗᒍ “ᐊᔪᓕᖅᑎᑕᐅᓯᒪᔪᑦ” ᐊᑖᓂ).

ᑭᓇ ᓄᓇᕗᒻᒥᐅᑕᐅᕙ?

ᓄᓇᕗᒻᒥᐅᑕᐅᔪᑎᑦ ᐃᒪᓐᓇᐃᒃᑯᕕᑦ:

  • ᓄᓇᕗᒻᒥᐅᑕᐅᓯᒪᓕᕋᕕᑦ ᐊᑕᐅᓯᕐᒥᑦ ᐅᑭᐅᒥᑦ ᐅᖓᑖᓄᓪᓘᓐᓃᑦ ᐊᐱᖅᑯᑎᓄᑦ ᓂᕈᐊᖅᑎᑦᑎᓂᐅᑉ ᐅᑉᓗᐊᓂᑦ; ᐅᕝᕙᓘᓐᓃᑦ,
  • ᓄᓇᓕᖕᓂᑦ ᐊᐅᓪᓚᖅᓯᒪᓚᐅᐱᓪᓚᒃᑯᕕᑦ, ᑭᓯᐊᓂ ᓄᓇᕗᑦ ᐊᖏᕐᕋᕆᑉᓗᒍ ᓱᓕ (ᐆᒃᑑᑎᒋᓗᒍ, ᐃᓕᓐᓂᐊᖅᑏᑦ, ᐋᓐᓂᐊᕐᕕᓕᐊᖅᓯᒪᔪᑦ, ᐊᒻᒪᓗ ᐃᓄᐃᑦ ᑎᒍᔭᐅᓯᒪᔪᑦ).

ᓄᓇᕗᒻᒥᐅᑕᐅᖏᑦᑐᑎᑦ ᓄᓇᕗᒻᒥᑦ ᐊᐅᓪᓚᕈᕕᑦ ᐱᔾᔪᑎᖃᖅᖢᑎᑦ ᐱᓕᕆᐊᖅᑖᕐᓂᖕᓄᑦ ᐱᓕᕆᐊᕇᓐᓇᕐᓂᐊᖅᑕᖕᓂᑦ.

ᐊᔪᓕᖅᑎᑕᐅᓃᑦ

ᓂᕈᐊᕐᓂᖅ ᐊᔪᖅᑐᑎᑦ ᐃᒪᓐᓇᐃᒃᑯᕕᑦ:

  • ᐃᖅᑲᖅᑐᐃᕝᕕᒃᑯᑦ ᐅᖃᖅᓯᒪᖕᒪᑕ ᑐᑭᓯᐊᕌᓂᙱᓐᓇᒃᑎᒃ ᖃᓄᐃᓕᐅᕐᓂᕆᔭᑎᑦ ᐅᕝᕙᓘᓐᓃᑦ ᐃᓕᖕᓂᒃ ᐃᓱᒪᓕᐅᕐᓂᖅ ᐊᔪᖃᑦᑕᕋᕕᑦ;
  • ᐱᕋᔭᓚᐅᕋᕕᑦ ᐃᓱᒪᒃᑯᑦ ᐋᓐᓂᐊᖃᖅᑐᓄᓪᓗ ᐃᓂᒋᔭᐅᔪᒦᖦᖢᑎᑦ; ᐅᕝᕙᓘᓐᓃᑦ,
  • ᐸᓯᔭᐅᓚᐅᕋᕕᑦ ᓯᖁᒻᒥᑦᑎᓂᕐᒧᑦ ᓂᕈᐊᖅᑐᓕᕆᓂᕐᒧᑦ ᒪᓕᒐᕐᒥᑦ ᓇᓂᑐᐃᓐᓇᖅ ᑲᓇᑕᒥᑦ ᐅᑭᐅᑦ ᑕᓪᓕᒪᑦ ᐃᓗᐊᓂᑦ ᐅᑉᓗᒥᒧᑦ ᑎᑭᖦᖢᒍ.

ᓂᕈᐊᕈᖕᓇᖅᑐᑦ ᐊᑎᖏᑦ

ᓂᕈᐊᕐᓂᐊᕐᓗᑎᑦ ᐊᐱᖅᑯᑎᓄᑦ ᓂᕈᐊᖅᑎᑦᑎᓂᕐᒥᑦ, ᓂᕈᐊᕈᖕᓇᖅᑐᑦ ᐊᑎᖏᓐᓃᑦᑕᕆᐊᖃᖅᑐᑎᑦ.  ᑖᒻᓇ ᓄᓇᕗᒻᒥ ᓂᕈᐊᖅᑐᓕᕆᔨᒃᑯᑦ ᑎᑎᖅᑲᐅᑎᖓᑦ ᑭᑐᓗᒃᑖᖑᔪᑦ ᓄᓇᕗᒻᒥ ᓂᕈᐊᕈᖕᓇᖅᖢᑎᒃ ᓂᕈᐊᖅᑎᑦᑎᓂᕐᓂᑦ, ᑕᒪᐅᓇᒥᐊᖅ ᓂᕈᐊᖅᑎᑦᑎᓂᕐᓂᑦ, ᐊᒻᒪᓗ ᐊᐱᖅᑯᑎᓄᑦ ᓂᕈᐊᖅᑎᑦᑎᓂᕐᓂᑦ.  ᓂᕈᐊᕈᖕᓇᖅᑐᑦ ᐊᑎᖏᓐᓄᐊᖃᑕᐅᔪᖕᓇᖅᑐᑎᑦ ᖃᖓᒃᑯᑐᐃᓐᓇᖅ, ᐃᓚᐅᑉᓗᑎᒃ ᐅᑉᓗᕐᒥᑦ ᓂᕈᐊᕈᕕᑦ ᓈᒻᒪᒋᔭᐅᔪᒥᒃ ᓇᓗᓇᐃᑯᑕᖃᕈᕕᑦ ᑭᓇᐅᓂᕐᓄᑦ.  ᑕᑯᓗᒍ ᓂᕈᐊᕈᖕᓇᖅᑐᑦ ᐊᑎᖏᑦ ᑐᑭᓯᐊᒪᔾᔪᑎᒃᑲᓐᓂᕐᓂᒃ ᐱᔪᒪᒍᕕᑦ.

ᖃᓄᖅ ᓂᕈᐊᕋᔭᖅᐳᖓ ᐊᐱᖅᑯᑎᓄᑦ ᓂᕈᐊᖅᑎᑦᑎᓂᕐᒥᑦ?

ᓂᕈᐊᕐᓂᐊᕐᓗᓂ ᓄᓇᕗᒻᒥᓗᒃᑖᖅ ᐊᐱᖅᑯᑎᓄᑦ ᓂᕈᐊᖅᑎᑦᑎᓂᕐᒥᑦ ᐊᔾᔨᒋᔭᖓ ᓄᓇᕗᒻᒥ ᓂᕈᐊᖅᑎᑦᑎᓂᕐᓄᑦ.  ᓄᓇᓕᖕᒥᑦ ᓂᕈᐊᕐᓂᐊᕐᓗᓂ ᐊᐱᖅᑯᑎᓄᑦ ᓂᕈᐊᖅᑎᑦᑎᓂᕐᓂᑦ ᐊᔾᔨᒋᒐᔪᒃᑕᖓ ᓄᓇᓕᖕᒥᑦ ᖃᓄᐃᑦᑐᑐᐃᓐᓇᕐᓄᑦ ᓂᕈᐊᖅᑎᑦᑎᓂᕐᒥᑦ.