ᑭᓇ ᓂᕈᐊᕈᖕᓇᖅᐸ?

ᓂᕈᐊᕈᖕᓇᖅᑐᑎᑦ ᐃᒪᓐᓇᐃᒃᑯᕕᑦ:

  • ᑲᓇᑕᒥᐅᑕᖅ;
  • 18-ᓂᒃ ᐅᖓᑖᓂᓘᓃᑦ ᐅᑭᐅᖃᕈᕕᑦ;
  • ᓄᓇᕗᒻᒥᐅᑕᐅᒍᕕᑦ; ᐊᒻᒪᓗ,
  • ᐊᔪᓕᖅᑎᑕᐅᓯᒪᙱᒃᑯᕕᑦ ᓂᕈᐊᖃᑕᐅᓂᕐᒧᑦ (ᑕᑯᓗᒍ “ᐊᔪᓕᖅᑎᑕᐅᓯᒪᔪᑦ” ᐊᑖᓂ).

ᑭᓇ ᓄᓇᕗᒻᒥᐅᑕᐅᕙ?

ᓄᓇᕗᒻᒥᐅᑕᐅᔪᑎᑦ ᐃᒪᓐᓇᐃᑯᕕᑦ:

  • ᓄᓇᕗᒻᒥᐅᑕᐅᓯᒪᓕᕋᕕᑦ ᐊᑕᐅᓯᕐᒥᑦ ᐅᑭᐅᒥᑦ ᑐᖔᓂᐅᖏᑦᑐᖅ ᓂᕈᐊᕐᓇᐅᑉ ᐅᑉᓗᐊᑕ ᓯᕗᓂᐊᓂᑦ; ᐅᕝᕙᓘᓐᓃᑦ,
  • ᓄᓇᒋᔭᕐᓂᑦ ᐊᐅᓪᓚᖅᓯᒪᓚᐅᐱᓪᓚᒃᑲᕕᑦ, ᑭᓯᐊᓂ ᓄᓇᕗᑦ ᐊᖏᕐᕋᕆᑉᓗᒍ ᓱᓕ (ᐆᒃᑑᑎᒋᓗᒍ, ᐃᓕᓐᓂᐊᖅᑏᑦ, ᐋᓐᓂᐊᕐᕕᓕᐊᖅᓯᒪᔪᑦ, ᐊᒻᒪᓗ ᐃᓄᐃᑦ ᑎᒍᔭᐅᓯᒪᔪᑦ).

ᓄᓇᕗᒻᒥᐅᑕᐅᙱᑦᑐᑎᑦ ᓄᓇᕗᒻᒥᑦ ᐊᐅᓪᓚᕈᕕᑦ ᐱᓕᕆᐊᒃᓴᖅᑖᕈᕕᑦ ᐱᓕᕆᐊᕇᓐᓇᕐᓂᐊᖅᑕᖕᓄᑦ.
ᒪᕐᕉᖕᓂᒃ ᐊᖏᕐᕋᖃᖃᑦᑕᕈᕕᑦ ᐅᑭᐅᑉ ᐃᓗᐊᓂᑦ, ᓂᕈᐊᕆᐊᖃᖅᑐᑎᑦ ᐊᖏᕐᕋᖃᕐᕕᒋᖃᑦᑕᖅᑕᖕᓂᒃ ᐊᕐᕕᓂᓖᑦ ᑕᖅᑮᑦ ᐅᖓᑕᓄᑦ ᐅᑭᐅᑉ ᐃᓗᐊᓂᑦ.

ᐊᔪᓕᖅᑎᑕᐅᓃᑦ

ᓂᕈᐊᕐᓂᖅ ᐊᔪᖅᑐᑎᑦ ᐃᒪᓐᓇᐃᒃᑯᕕᑦ:

  • ᐃᖅᑲᖅᑐᐃᕝᕕᒃᑯᑦ ᐅᖃᖅᓯᒪᖕᒪᑕ ᑐᑭᓯᐊᕌᓂᙱᓐᓇᒃᑎᒃ ᖃᓄᐃᓕᐅᕐᓂᕆᔭᑎᑦ ᐅᕝᕙᓘᓐᓃᑦ ᐃᓕᖕᓂᒃ ᐃᓱᒪᓕᐅᕐᓂᖅ ᐊᔪᖃᑦᑕᕋᕕᑦ;
  • ᐱᕋᔭᓚᐅᕋᕕᑦ ᐃᓱᒪᒃᑯᑦ ᐋᓐᓂᐊᖃᖅᑐᓄᓪᓗ ᐃᓂᒋᔭᐅᔪᒦᖦᖢᑎᑦ; ᐅᕝᕙᓘᓐᓃᑦ,
  • ᐸᓯᔭᐅᓚᐅᕋᕕᑦ ᓯᖁᒻᒥᑦᑎᓂᕐᒧᑦ ᓂᕈᐊᖅᑐᓕᕆᓂᕐᒧᑦ ᒪᓕᒐᕐᒥᑦ ᓇᓂᑐᐃᓐᓇᖅ ᑲᓇᑕᒥᑦ ᐅᑭᐅᑦ ᑕᓪᓕᒪᑦ ᐃᓗᐊᓂᑦ ᐅᑉᓗᒥᒧᑦ ᑎᑭᖦᖢᒍ.

ᓂᕈᐊᕆᐊᖃᖅᑐᑎᑦ ᑭᒡᒐᖅᑐᖅᑕᐅᕝᕕᒋᔭᕐᓂᑦ

ᓂᕈᐊᖅᑎᑦᑎᓂᕐᓄᑦ, ᓂᕈᐊᕈᖕᓇᖅᑐᑎᑦ ᓂᕈᐊᕐᓇᐅᑉ ᐅᑉᓗᖓᓂᑦ ᑭᒡᒐᖅᑐᖅᑕᐅᕝᕕᒋᔭᕐᓂᑦ.  ᑕᒪᐅᓇᒥᐊᖅ ᓂᕈᐊᖅᑎᑦᑎᓂᕐᓄᑦ, ᓂᕈᐊᕈᖕᓇᖅᑐᑎᑦ ᑭᒡᒐᖅᑐᖅᑕᐅᕝᕕᒋᔭᕐᓂᑦ ᑕᒪᐅᓇᒥᐊᖅ ᓂᕈᐊᖅᑎᑦᑎᓂᖃᖁᔨᓂᖃᖅᑎᓪᓗᒍ.

ᓂᕈᐊᕈᖕᓇᖅᑐᑦ ᐊᑎᖏᑦ

ᓂᕈᐊᕐᓂᐊᕐᓗᑎᑦ, ᓂᕈᐊᕈᖕᓇᖅᑐᑦ ᐊᑎᖏᓐᓃᑦᑕᕆᐊᖃᖅᑐᑎᑦ. ᑖᒻᓇ ᓄᓇᕗᒻᒥ ᓂᕈᐊᖅᑐᓕᕆᔨᒃᑯᑦ ᑎᑎᖅᑲᐅᑎᖓᑦ ᑭᑐᓗᒃᑖᖑᔪᑦ ᓄᓇᕗᒻᒥ ᓂᕈᐊᕈᖕᓇᖅᖢᑎᒃ ᓂᕈᐊᕈᖕᓇᖅᑐᑦ ᐊᑎᖏᓐᓄᐊᖃᑕᐅᔪᖕᓇᖅᑐᑎᑦ ᖃᖓᒃᑯᑐᐃᓐᓇᖅ, ᐃᓚᐅᑉᓗᑎᒃ ᐅᑉᓗᕐᒥᑦ ᓂᕈᐊᕈᕕᑦ ᓈᒻᒪᒋᔭᐅᔪᒥᒃ ᓇᓗᓇᐃᑯᑕᖃᕈᕕᑦ ᑭᓇᐅᓂᕐᓄᑦ. ᑕᑯᓗᒍ ᓂᕈᐊᕈᖕᓇᖅᑐᑦ ᐊᑎᖏᑦ ᑐᑭᓯᐊᒪᔾᔪᑎᒃᑲᓐᓂᕐᓂᒃ ᐱᔪᒪᒍᕕᑦ.

ᐊᓯᖏᑦ ᑕᑕᑎᒐᒃᓴᐃᑦ ᐊᒻᒪᓗ ᐱᕝᕕᐅᖃᑦᑕᖅᑐᑦ

ᓂᕈᐊᕐᓂᐅᑉ ᐊᒻᒪᓗ ᓂᕈᐊᖅᑎᑦᑎᓃᑦ ᒥᒃᓵᓄᑦ ᐱᒃᑲᓐᓂᕈᒪᒍᕕᑦ, ᐅᖃᓕᒫᕐᓗᒋᑦ:

ᓄᓇᕗᒻᒥ ᓂᕈᐊᖅᑐᓕᕆᔨᒃᑯᓐᓂᑦ ᐊᓯᖏᑦ ᐊᒥᓱᑦ ᒪᓂᒪᔪᑦ ᐅᕙᓂ: