ᑭᒡᓕᒋᔭᐅᔪᓄᑦ ᑲᑎᒪᔩᑦ ᑐᓴᕐᒃᑎᑦᑎᔪᑦ ᐃᓄᓗᒃᑖᓂᒃ ᑲᑎᖃᑎᖃᖃᑦᑕᕐᖕᓂᕐᒃ ᐱᒋᐊᕐᖕᓂᐊᕐᖕᓂᖓᓂᒃ ᔭᓄᐊᕆ 11, 2011ᖑᓕᕐᒃᐸᑦ

17/12/2010

ᐃᖃᓗᐃᑦ, ᓄᓇᕗᑦ − ᑭᒡᓕᒋᔭᐅᔪᓄᑦ ᑲᑎᒪᔩᑦ ᐅᑉᓗᒥ ᑐᓴᕐᒃᑎᑦᑎᔪᑦ ᓯᕗᓪᓕᕐᒃᐹᖑᓂᐊᕐᒃᑐᕐᒃ ᐃᓄᖕᓂᒃ ᑲᑎᒪᖃᑎᖃᕐᖕᓂᕐᒃ ᓄᓇᕘᑉ ᓄᓇᓕᐸᐅᔭᖓᓂᑦ, ᐃᖃᓗᖕᓂᑦ, ᑐᒡᓕᐊᖑᓕᕐᒃᐸᑦ, ᔭᓄᐊᕆ 11, 2011ᒥᑦ.

ᑭᒡᓕᒋᔭᐅᔪᓄᑦ ᑲᑎᒪᔩᑦ ᓴᕿᑕᐅᓚᐅᕐᒃᑐᑦ ᒪᓕᒐᓕᐅᕐᕕᐅᑉ ᑲᑎᒪᔨᖏᓐᓄᑦ ᐅᒃᑑᐱᕆ 25, 2010ᒥᑦ. ᑭᒡᓕᒋᔭᐅᔪᓄᑦ ᑲᑎᒪᔨᐅᔪᑦ ᐃᖃᕐᒃᑐᐃᔨ ᑎᐊᑦ ᕆᑦᓱᑦ, ᑰᕐᑦ ᐃᔨᓯᐊᕐᒃ ᐊᒪᓗ ᒍᐊᑕᓐ ᒪᐄᓐ.

ᒪᓕᒃᖢᒋᑦ ᓄᓇᕗᒻᒥ ᓂᕈᐊᕐᒃᑐᓕᕆᓂᕐᖕᒧᑦ ᐱᖁᔭᖏᑦ, ᑭᒡᓕᒋᔭᐅᔪᓄᑦ ᑲᑎᒪᔩᑦ ᐱᔭᕆᐊᖃᕐᒃᑎᑕᐅᔪᑦ ᑲᑎᒪᖃᑎᖃᖃᑦᑕᕐᖕᓂᕐᖕᒥᒃ ᐃᓄᓗᒃᑖᓂᒃ ᑐᓂᓯᓂᐊᓵᕐᓗᑎᒃ ᐅᓂᑉᑳᓕᐊᒥᖕᓂᒃ ᒪᓕᒐᓕᐅᕐᕕᖕᒧᑦ. ᓄᕕᐱᕆ 1, 2010ᖑᑎᓪᓗᒍ, ᑲᑎᒪᔩᑦ ᑲᑎᖃᑎᖃᕈᒪᓚᐅᕐᒃᑐᑦ ᓄᓇᕗᑦ ᒪᐃᔭᖏᓐᓂᒃ ᐃᓱᒪᒃᓴᕐᒃᓯᐅᖁᔨᑉᓗᑎᒃ  ᑭᒡᓕᒋᔭᐅᔪᑦ ᑲᑎᒪᔩᑦ ᐃᓄᓗᒃᑖᓂᒃ ᑲᑎᖃᑎᖃᕈᖕᓇᓛᕐᖕᓂᖏᓐᓄᑦ ᓄᓇᓕᖓᓐᓂᑦ.

ᐃᒃᓯᕙᐅᑕᕆᔭᐅᔪᕐᒃ ᐃᖃᕐᒃᑐᐃᔨ ᑎᐊᑦ ᕆᑦᓱᑦ ᐅᖃᕐᒃᑐᕐᒃ, “ᑲᑎᒪᔩᑦ ᐃᓱᒪᓕᐊᖏᑦ ᐱᔾᔪᑎᖃᕐᒃᑐᑦ ᓇᓕᖏᑦ ᓄᓇᓕᐅᔪᑦ ᐅᕐᖕᓂᒃᑕᐅᓂᐊᕐᖕᒪᖕᒑᖏᑦᑕ ᐱᔾᔪᑕᐅᔪᑦ ᖃᑉᓯᐊᕐᔪᐃᑦ ᒪᓕᒃᖢᒋᑦ, ᐃᓚᐅᑉᓗᓂ ᖃᐃᖁᔨᓂᕆᔭᖏᑦ ᒪᐃᔭᐅᔪᑦ ᐊᒪᓗ ᐊᓯᖏᑦᑕ ᑕᒪᑐᒥᖓᑦ ᐃᒃᐱᒋᔭᖃᕐᒃᑐᓄᑦ.”

ᓇᓕᖏᓐᓄᑦ ᓄᓇᓕᖕᓄᖓᐅᕙᓪᓕᐊᓂᐊᕐᖕᓂᕆᔭᖏᓐᓄᑦ ᐊᑐᕐᖕᓂᐊᕐᒃᑕᖓᑦ ᑲᑎᒪᔩᑦ ᐃᓄᓗᒃᑖᓂᒃ ᑲᑎᒪᖃᑎᖃᖃᑦᑕᕐᖕᓂᐊᕐᓗᑎᒃ ᑐᓴᕐᒃᓴᐅᓛᕐᒃᑐᕐᒃ 2011 ᐱᒋᐊᓕᓵᕐᒃᑎᓪᓗᒍ.

ᑐᑭᓯᒋᐊᑲᓐᓂᕈᒪᒍᕕᑦ ᖃᐅᔨᒋᐊᕐᕕᒋᓗᒍ:

ᐃᖃᕐᒃᑐᐃᔨ ᑎᐊᑦ ᕆᑦᓱᑦ J.E. (Ted) Richard
ᐃᒃᓯᕙᐅᑕᕆᔭᐅᔪᕐᒃ, ᑭᒡᓕᒋᔭᐅᔪᓄᑦ ᑲᑎᒪᔨᓂᑦ
ᐅᖃᓘᑦ: (867) 873-7105