ᓂᕈᐊᖅᑐᓕᕆᔨᒃᑯᑦ ᐊᖓᔪᖅᑳᖓᑦ ᐅᑉᓗᒥ ᑐᓂᓯᔪᖅ ᓂᕈᐊᕐᖕᓂᖃᖁᔨᓂᕐᖕᒧᑦ ᑎᓕᓯᔾᔪᑎᒥᒃ ᑕᒪᐅᓇᒥᐊᖅ ᓂᕈᐊᕐᖕᓂᐅᓂᐊᕐᒃᑐᒧᑦ ᑭᒡᒐᖅᑐᖅᑕᐅᕝᕕᒃ ᓇᑦᑎᓕᖕᒥᑦ ᐃᐳᕆ 26-ᖑᓕᖅᐸᑦ

22/03/2010

ᑲᖏᖠᓂᖅ, ᓄᓇᕗᑦ ᒫᑦᓯ 22, 2010 -

ᓂᕈᐊᖅᑐᓕᕆᔨᒃᑯᑦ ᐊᖓᔪᖅᑳᖓᑦ ᐅᑉᓗᒥ ᑐᓂᓯᔪᖅ ᓂᕈᐊᕐᖕᓂᖃᖁᔨᓂᕐᖕᒧᑦ ᑎᓕᓯᔾᔪᑎᒥᒃ ᑕᒪᐅᓇᒥᐊᖅ ᓂᕈᐊᕐᖕᓂᐅᓂᐊᕐᒃᑐᒧᑦ ᑭᒡᒐᖅᑐᖅᑕᐅᕝᕕᒃ ᓇᑦᑎᓕᖕᒥᑦ ᐃᐳᕆ 26-ᖑᓕᖅᐸᑦ. ᑭᒡᒐᕐᒃᑐᕐᒃᑕᐅᕕᒃ ᓇᑦᑎᓕᒃ ᒪᕐᕉᖕᓂᒃ ᓄᓇᓕᖁᑎᖃᕐᒃᑐᕐᒃ ᐅᖅᓱᖅᑑᕐᓗ ᑕᓗᕐᔪᐊᕐᓗ.

ᓂᕈᐊᕐᖕᓂᕐᒃ ᐊᔪᖏᑦᑐᑦ ᓂᕈᐊᒐᒃᓴᖑᕈᒪᒍᑎᒃ ᓂᕈᐊᒐᒃᓴᖑᕈᒪᔾᔪᑎᒥᒃ ᐱᔪᖕᓇᖅᑐᑦ ᓂᕈᐊᖅᑐᓕᕆᔨᒥᒃ ᑕᑦᑎ ᑳᑕᒥᑦ ᐅᖅᓱᖅᑑᕐᖕᒥᑦ, ᓂᕈᐊᖅᑐᓕᔨᐅᑉ ᐃᑲᔪᖅᑎᖓᓂᒃ ᐹᑉ ᓚᐃᔪᒥᑦ ᑕᓗᕐᔪᐊᕐᖕᒥᑦ ᐊᒻᒪᓗ ᓄᓇᕗᒻᒥ ᓂᕈᐊᕐᒃᑐᓕᕆᔨᒃᑯᓐᓂᑦ ᖃᕆᑕᐅᔭᒃᑯᑦ ᖃᐅᔨᒋᐊᕐᕕᖓᓐᓂᒃ ᑐᕌᕈᑎᖓ − www.elections.nu.ca. ᑕᑕᑎᖅᓯᒪᔪᑦ ᓂᕈᐊᒐᒃᓴᖑᕈᒪᔾᔪᑏᑦ ᑐᓂᔭᐅᓯᒪᔭᕆᐊᖃᕐᒃᑐᑦ ᓂᕈᐊᖅᑐᓕᕆᔨᒧᑦ ᐃᑲᔪᖅᑎᖓᓄᓪᓘᓃᑦ ᖃᐅᔨᓴᐅᑎ ᒪᕐᕈᖕᓄᐊᖅᑳᖅᑎᓐᓇᒍ ᕿᑎᕐᖕᒥᐅᑦ ᖃᐅᔨᓴᐅᑎᖓ ᒪᓕᒡᓗᒍ ᒫᑦᓯ 26-ᒥᑦ.

ᑕᒪᐅᓇᒥᐊᖅ ᓂᕈᐊᕐᖕᓂᐅᔪᒧᑦ ᐃᓄᒃ ᓄᓇᖃᕆᐊᖃᕐᒃᑐᕐᒃ ᑭᒡᒐᖅᑐᖅᑕᐅᕝᕕᖕᒥᑦ ᓂᕈᐊᕐᖕᓂᖃᖁᔨᓂᕐᖕᒧᑦ ᑎᓕᓯᔾᔪᑎ ᐅᑉᓗᕐᖕᒥᑦ ᓴᕿᑕᐅᖕᒪᑦ, ᒫᑦᓯ 22−ᒥᑦ, ᐃᓚᐅᖃᑕᐅᑉᓗᑎᒃ ᐱᔪᖕᓇᐅᑕᐅᔭᕆᐊᖃᕐᒃᑐᑦ. ᓂᕈᐊᒐᒃᓴᐅᓚᐅᕐᒃᑐᑦ ᑮᓇᐅᔭᓕᕆᔨᐅᓚᐅᕐᒃᑐᓪᓗ ᑐᓂᓯᓚᐅᖏᑉᐸᑕ ᑮᓇᐅᔭᐃᑦ ᒥᒃᓵᓄᑦ ᐅᓂᑉᑳᓂᑦ ᐅᑎᕐᒃᑎᑦᑕᕆᐊᓕᖕᓂᒃ 60 ᐅᑉᓗᐃᑦ ᑭᒡᓕᒋᔭᐅᔫᑉ ᑐᓂᓯᓯᒪᔭᕆᐊᖃᕐᖕᓂᕐᖕᒧᑦ ᐃᓗᖏᓐᓂᑦ ᓄᓇᕗᒻᒥᑦ ᓂᕈᐊᕐᖕᓂᕐᒃᑕᖃᓚᐅᕐᒃᑎᓪᓗᒍ ᑕᓪᓕᒪᐃᑦ ᐅᑭᐅᑦ ᐱᐊᓂᓵᖅᑐᑦ ᐃᓗᐊᓂ ᓂᕈᐊᒐᒃᓴᐅᓂᕐᒃ ᐊᔪᕐᒃᑎᑕᐅᔪᑦ ᑕᒡᕙᓂ ᑕᒪᐅᓇᒥᐊᖅ ᓂᕈᐊᕐᖕᓂᐅᔪᒥᑦ.

ᓄᓇᕗᒻᒥ ᓂᕈᐊᖅᑐᓕᕆᔨᒃᑯᑦ ᑎᑎᖃᑎᒍᑦ ᐊᐅᓪᓚᖅᑎᑦᑎᓂᐊᖅᑐᑦ ᐊᑐᓂ ᐊᑎᓕᐅᕐᒃᑕᐅᓯᒪᔪᓄᑦ ᓂᕈᐊᕐᒃᑎᐅᔪᓄᑦ ᓂᕈᐊᖅᑎᐅᑉ ᑐᑭᓯᐅᒪᔾᔪᑎᖏᓐᓂᒃ ᐃᓗᓕᖃᕐᒃᑐᓂᒃ. ᓂᕈᐊᕐᒃᑎᐅᑉ ᑐᑭᓯᐅᒪᔾᔪᑎᖏᓐᓂᒃ ᐃᓗᓕᓖᑦ ᓇᓗᓇᐃᕐᒃᓯᔪᕐᒃ ᓂᕈᐊᕐᒃᑎᓂᒃ ᓇᓂ ᐊᒪᓗ ᖃᖁᒍ ᓂᕈᐊᕈᖕᓇᓛᕐᖕᒪᖕᒑᑖ. ᑐᕌᕈᑎᖓᓂᒃ ᑎᑎᕋᕐᒃᑕᐅᓯᒪᔪᓂᒃ ᑕᒻᒫᔭᕐᒃᓯᒪᔪᖃᕐᒃᐸᑕ ᑐᑭᓯᐅᒪᔾᔪᓂᒃ ᐊᑎᖓᓂᒃ ᑐᕌᕈᑎᖓᓂᒡᓘᓃᑦ, ᓂᕈᐊᖅᑎ ᖃᐅᔨᑎᑦᑎᔭᕆᐊᖃᖅᑐᖅ ᓂᕈᐊᖅᑐᓕᕆᔨᒥᒃ ᐃᑲᔪᕐᒃᑎᖓᓂᒡᓘᓃᑦ ᐋᕐᑭᒋᐊᕐᒃᑕᐅᖁᓗᒍ.

-30-

ᖃᐅᔨᒋᐊᒃᑲᓐᓂᕈᒪᒍᕕᑦ ᑐᑭᓯᒋᐊᕐᕕᐅᔪᓐᓇᖅᑐᖅ:
ᓄᓇᕗᒥ ᓂᕈᐊᖅᑐᓕᕆᔨᒃᑯᑦ
ᐅᖃᓘᑖ: 800.267.4394 ᑲᖏᖅᖠᓂᕐᖕᒥᑦ 645.4610
ᓱᑲᔪᒃᑯᑦ: 800.269.1125 ᑲᖏᖅᖠᓂᕐᖕᒥᑦ 645.4657
Info@elections.nu.ca
ᑐᓴᒐᒃᓴᖅ