ᓂᕈᐊᖅᑐᓕᕆᓂᕐᒧᑦ ᐊᖓᔪᖅᑳᖅ ᑐᓴᖅᑎᑦᑎᕗᖅ ᓂᕈᐊᖅᑕᐅᓚᐅᖅᑐᑦ ᑭᒃᑰᖕᒪᖔᑕ ᓄᓇᕗᒻᒥ ᐱᖓᔪᐊᓐᓂ ᓂᕈᐊᕐᓂᖃᓚᐅᖅᑎᓪᓗᒍ

27/10/2008

ᑲᖏᖅᖠᓂᖅ, ᓄᓇᕗᑦ – ᓂᕈᐊᖅᑐᓕᕆᓂᕐᒧᑦ ᐊᖓᔪᖅᑳᖅ
ᓵᓐᑎ ᑯᓱᒐᖅ ᐅᓐᓄᒃ ᑐᓴᖅᑎᑦᑎᓚᐅᖅᑐᖅ ᓂᕈᐊᖅᑕᐅᓚᐅᖅᑐᑦ ᑭᒃᑰᖕᒪᖔᑕ ᐱᖓᔪᐊᓐᓂ
ᓂᕈᐊᕐᓂᖃᖅᑎᓪᓗᒋᑦ ᒪᓕᒐᓕᐅᖅᑎᒃᓴᓂᒃ ᓄᓇᕗᒻᒥ.

ᖃᓂᖓᓂ 8000 ᓄᓇᕗᒻᒥᐅᑦ ᓂᕈᐊᖅᑲᐅᔪᑦ ᐅᑉᓗᒥ ᓂᕈᐊᕐᓂᖃᖅᑎᓪᓗᒍ.
ᓂᕈᐊᕆᐊᖅᑐᖅᑐᑦ ᓂᕈᐊᕈᓐᓇᖅᑐᑦ ᐊᑎᖏᑦ ᒪᓕᒃᖢᒋᑦ 71% ᒥᒃ
ᖃᑉᓰᓐᓇᕈᕆᐊᖅᓯᒪᔪᑦ/ᐃᓚᕚᓪᓕᖅᓯᒪᔪᑦ 10% ᒥᒃ 2004 −ᒥᐅᖓᓂ.
ᓂᕈᐊᖅᑐᓕᕆᓂᕐᒧᑦ ᐊᖓᔪᖅᑳᖅ ᐅᖃᖅᖢᓂ,”ᓂᕈᐊᕐᓂᖅ ᐊᐅᓪᓛᑦᑎᐊᖅᑲᐅᓂᖓᓄᑦ
ᐅᑉᓗᒥ ᓄᓇᕗᓗᒃᑖᒥ. ᓯᓚ ᐱᐅᔫᓪᓗᓂ ᓄᓇᕗᓗᒃᑖᒥ. ᓂᕈᐊᖅᑐᓕᕆᔨᕗᑦ
ᐃᖅᑲᓇᐃᔭᖅᑎᖏᓪᓗ ᖁᕕᐊᒋᔭᐅᔭᕆᐊᓖᑦ ᐱᓕᕆᑦᑎᐊᖅᓯᒪᓂᖏᓐᓄᑦ.”

ᓈᓴᐃᒃᑲᓐᓂᕆᐊᖃᕐᓂᐊᖅᑐᑦ ᐊᑕᐅᓰᓐᓇᕐᒥᒃ ᓂᕈᐊᖅᑕᐅᕝᕕᖕᒥ: ᐅᖅᑯᕐᒥᐅᓂ
ᒪᓕᒐᓕᐅᖅᑎᐅᓚᐅᖅᑐᖅ ᔭᐃᒪᓯ ᐋᕆᐊᒃ ᓂᕈᐊᖅᑕᐅᓪᓗᓂ 218−ᓄᑦ ᖃᓂᑦᑐᒃᑯᑦ
ᓂᕈᐊᖅᑕᐅᒋᓪᓗᓂ ᓗᐊᓯ ᐊᐅᓚᕿᐊᒃ ᓂᕈᐊᖅᑕᐅᓂᖃᖅᖢᓂ 212-ᓄᑦ. ᓄᓇᕗᒻᒥ
ᓂᕈᐊᕐᓂᕐᒧᑦ ᐱᖁᔭᖅ ᐅᖃᖅᓯᒪᖕᒪᑦ ᓈᓴᐃᒃᑲᓐᓂᕆᐊᖃᖃᑦᑕᕐᓂᖏᓐᓄᑦ
ᓂᕈᐊᖅᑕᐅᓂᐅᔪᑦ ᐊᔾᔨᒌᖏᓐᓂᖏᑦ ᐊᒥᓲᓂᖅᐹᓄᑦ ᓂᕈᐊᖅᑕᐅᔪᖅ ᐊᒻᒪᓗ ᑐᒡᓕᕆᔭᖓ
ᖃᓂᒌᖕᓂᖃᖅᐸᑕ 0−ᒥᒃ ᐅᕝᕙᓘᓐᓃᑦ 2% ᑐᖔᓂ ᑲᑎᓗᒃᑖᖅᖢᒋᑦ ᓂᕈᐊᖅᑐᕕᓂᕐᓂᒃ
ᑕᐃᑲᓂ ᑭᒡᒐᖅᑐᖅᑕᐅᕝᕕᖕᒥ. ᓈᓴᐃᒃᑲᓐᓂᕐᓂᐅᓇᔭᖅᑐᖅ ᑲᒪᒋᔭᐅᔭᕆᐊᖃᕋᔭᖅᑐᖅ ᒪᕐᕉᒃ
ᐱᓇᓱᐊᕈᓰᒃ ᐱᐊᓂᖅᑳᕐᓇᑎᒃ ᑕᐃᑲᓐᖓᑦ ᐅᑉᓗᕐᒥ ᓂᕈᐊᕐᓇᐅᓚᐅᖅᑐᒥ ᐱᒋᐊᕐᓗᒍ.

16 ᐊᖑᑎᑦ ᐊᒻᒪᓗ 1 ᐊᕐᓇᑦ ᓂᕈᐊᖅᑕᐅᔪᑦ ᐅᕝᕙᓘᓐᓃᑦ ᓂᕈᐊᒐᒃᓴᑐᐊᖑᓂᕐᒧᑦ
ᐃᓕᔭᐅᔪᑦ ᒪᓕᒐᓕᐅᖅᑎᐅᓂᕐᒧᑦ ᐱᖓᔪᐊᓄᑦ ᒪᓕᒐᓕᐅᖅᑎᓄᑦ ᓄᓇᕗᒻᒥ:

ᐊᒥᑦᑐᖅ: ᓗᐃ ᑕᐹᕐᔪᒃ
ᐊᕐᕕᐊᑦ: ᑖᓂᐅ ᓱᓴᒃ
ᖃᒪᓂ’ᑐᐊᖅ: ᒧᓯᓯ ᐊᐅᐸᓗᒃᑐᖅ
ᐃᖃᓗᒃᑑᑦᑎᐊᖅ: ᑮᑦ ᐲᑕᓴᓐ (ᓂᕈᐊᒐᒃᓴᑐᐊᖑᖕᒪᑦ ᐃᓕᔪᖅ)
ᑕᓯᐅᔭᕐᔪᐊᖅ: ᐋᓕᓐ ᕋᒻᐸᑦ
ᐃᖃᓗᐃᑦ ᕿᑎᐊᓄᑦ: ᕼᐊᓐᑐ ᑐᑐ
ᐃᖃᓗᐃᑦ ᐱᖓᖕᓇᖓᓄᑦ: ᐄᕙ ᐋᕆᐊᒃ
ᐃᖃᓗᐃᑦ ᑲᓇᖕᓇᖓᓄᑦ: ᐹᓪ ᐅᑲᓕᖅ
ᖁᕐᓗᖅᑑᖅ: ᐲᑕ ᑕᑉᑑᓇ
ᓇᓄᓕᒃ: ᔮᓂ ᓂᖏᐅᖓᓐ
ᓇᑦᑎᓕᒃ: ᐃᓄᒃ ᐸᐅᓗᓯ
ᐸᖕᓂᖅᑑᖅ: ᐊᑕᒥ ᖁᖕᒧᐊᒃᑐᖅ
ᖁᑦᑎᒃᑐᖅ: ᕋᓐ ᐃᓕᔭᑦ
ᑲᖏᖅᖠᓂᐅᑉ ᐅᐊᖕᓇᖓᓄᑦ: ᑕᒑᖅ ᑯᕐᓕ (ᓂᕈᐊᒐᒃᓴᑐᐊᖑᖕᒪᑦ ᐃᓕᔪᖅ)
ᑲᖏᖅᖠᓂᐅᑉ ᓂᒋᐊᓄᑦ − ᑎᑭᕋᕐᔪᐊᕐᒧᑦ: ᓗᐊᕆᓐ ᑯᓱᒐᖅ
ᑐᓄᓂᖅ: ᔭᐃᒪᓯ ᐊᕐᕚᕐᓗᒃ
ᐅᖅᑯᕐᒥᐅᑦ: ᔭᐃᒪᓯ ᐋᕆᐊᒃ

ᓂᕈᐊᖁᔨᓂᕐᒧᑦ ᓇᓗᓇᐃᔭᐅᑎ ᐅᑎᖅᑎᑕᐅᔭᕆᐊᓕᒃ ᓄᕙᒻᐸᕆ 3,
2008−ᖑᖅᑳᖅᑎᓐᓇᒍ.

ᓇᓗᓇᐃᔭᖅᓯᒪᔪᑦ ᓂᕈᐊᕆᐊᖅᑐᕐᕕᖕᓂᖔᖅᑐᑦ ᑭᒃᑯᑦ ᓂᕈᐊᖅᑕᐅᓂᖏᓐᓄᑦ
ᓇᓂᔭᐅᔪᓐᓴᖅᑐᑦ ᖃᕆᑕᐅᔭᒃᑯᑦ ᑐᑭᓯᒋᐊᕐᕕᖕᒥ ᐅᕙᓂ: www.elections.nu.ca

ᒫᓐᓇᐅᔪᕐᓕ ᐃᖕᒥᒃᑯᑦ ᓂᕈᐊᕐᓂᖃᕐᓂᐊᖅᑐᑦ ᕿᑭᖅᑖᓘᑉ ᓂᒋᐊᓂ. ᐅᑉᓛᖅ ᓂᕈᐊᕈᒪᔪᑦ
ᐅᐸᒃᑕᐅᓪᓗᑎᒃ ᓂᕈᐊᕆᐊᖅᑐᖅᑎᑕᐅᖅᑲᐅᔪᑦ ᑕᒪᐃᓐᓂᒃ ᑭᒻᒥᕈᑦᒥ ᑭᓐᖓᕐᓂᓗ.
ᓂᕈᐊᖅᐸᒌᕐᓂᖅ ᐃᓱᓕᓐᓂᐊᖅᑐᖅ ᐅᓐᓄᒃ 7−ᒧᐊᖅᐸᑦ ᖃᐅᔨᓴᐅᑎᖓ ᑭᒻᒥᕈᑦᒥ,
ᑎᑎᕋᕐᕕᖓᓂ ᓂᕈᐊᕆᐊᖅᑐᕈᓐᓇᕐᓂᖅ ᑲᔪᓰᓐᓇᕐᓂᐊᖅᖢᓂ 7−ᒧᐊᖅᓯᐊᕆᓗᒍ ᐅᓐᓄᒃᑯᑦ
ᓯᑕᒻᒥᖅᐸᑦ ᑭᓐᖓᓂ. ᑭᒃᑯᓗᒃᑖᓄᑦ ᓂᕈᐊᕐᓂᖅ ᕿᑭᖅᑖᓘᑉ ᓂᒋᐊᓂ ᓄᕙᒻᐸᕆ
3−ᒦᓐᓂᐊᖅᑐᖅ.

-30-

ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᐅᔪᓐᓇᖅᑐᖅ:
ᓵᓐᑎ ᑯᓱᒐᖅ − ᓂᕈᐊᖅᑐᓕᕆᓂᕐᒧᑦ ᐊᖓᔪᖅᑳᖅ
ᐅᖃᓘᑖ: 800.267.4394 ᑲᖏᖅᖠᓂᕐᒥ: 645.4610
ᓱᑲᔪᒃᑯᑦ: 800.269.1125 ᑲᖏᖅᖠᓂᕐᒥ: 645.4657
info@elections.nu.ca