ᓂᕈᐊᕐᒃᑐᓕᕆᔨᒃᑯᑦ ᐊᖓᔪᕐᑳᖓᑦ ᓴᕿᑦᑎᔪᕐᒃ ᓂᕈᐊᕐᖕᓂᖃᖁᔨᓂᕐᖕᒧᑦ ᑎᓕᓯᔾᔪᑎᒥᒃ ᑕᒪᐅᓇᒥᐊᕐᒃ ᓂᕈᐊᕐᖕᓂᐅᓂᐊᕐᒃᑐᕐᒃᒧᑦ ᑭᒡᒐᕐᒃᑐᕐᒃᑕᐅᕕᖕᒧᑦ ᐊᑯᓪᓕᕐᒃ

11/11/2008

ᑲᖏᕐᒃᖠᓂᕐᒃ, ᓄᓇᕗᑦ – ᓂᕈᐊᕐᒃᑐᓕᕆᔨᒃᑯᑦ ᐊᖓᔪᕐᑳᖓᑦ ᓵᓐᑎ ᑯᓱᒐᕐᒃ ᓴᕐᑭᑦᑎᓂᐊᕐᒃᑐᕐᒃ ᓂᕈᐊᕐᖕᓂᖃᖁᔨᓂᕐᖕᒧᑦ ᑎᓕᓯᔾᔪᑎᒥᒃ ᓂᕈᐊᕐᒃᑐᓕᕆᔨᐅᔪᒧᑦ ᐊᑯᓪᓕᕐᖕᒥᑦ ᓴᓇᑦᑕᐃᓕᐅᕌᓂᒃᐸᑦ ᓄᕕᐱᕆ 10-ᒥᑦ. ᑕᒪᐅᓇᒥᐊᕐᒃ ᓂᕈᐊᕐᖕᓂᐅᓂᐊᕐᒃᑐᕐᒃ ᓇᐅᔮᓂᓗ ᑰᒑᕐᔪᖕᒥᓗ ᑎᓯᐱᕆ 15−ᒥᑦ.

ᓂᕈᐊᕐᒃᑐᓕᕆᔨ ᕉᒥᐆ ᑯᐸᒃ ᓇᐅᔮᓂᑦ ᐊᒪᓗ ᓂᕈᐊᕐᒃᑐᓕᕆᔨᐅᑉ ᐃᑲᔪᕐᒃᑎᖓ ᔫᓯᕖᓐ ᓯᒃᑯᐊᕐᒃ ᑰᒑᕐᔪᖕᒥᑦ ᐱᖃᑦᑕᕈᖕᓇᕐᒃᓯᓂᐊᕐᒃᑐᑦ ᓂᕈᐊᒐᒃᓴᖑᕈᒪᔾᔪᑎᓂᒃ ᐃᓄᖕᓂᑦ ᓂᕈᐊᒐᒃᓴᐅᓂᕐᒃ ᐊᔪᖏᑦᑐᓂᒃ ᓄᕕᐱᕆ 10−ᒥᑦ ᐱᒋᐊᕐᓗᒍ ᒪᕐᕈᖕᓄᐊᕐᒃᓯᕐᓗᒍ (2pm) ᑭᕝᕙᓪᓕᐅᑉ ᖃᐅᔨᓴᐅᑎᖓ ᒪᓕᒡᓗᒍ ᑕᓕᒫᓄᑦ ᓄᕕᐱᕆ 14−ᒧᑦ ᑎᑭᓪᓗᒍ.

ᓂᕈᐊᕐᖕᓂᕐᒃ ᐊᔪᖏᑦᑑᓗᓂ ᐊᒪᓗ ᓂᕈᐊᒐᒃᓴᐅᓂᐊᕐᓗᓂ ᑕᒪᐅᓇᒥᐊᕐᒃ ᓂᕈᐊᕐᖕᓇᐅᔪᒧᑦ, ᐃᓄᒃ ᓄᓇᓕᖃᕆᐊᖃᕐᒃᑐᕐᒃ ᑭᒡᒐᕐᒃᑐᕐᒃᑕᐅᕕᖕᒥᑦ  ᑕᒪᐅᓇᒥᐊᕐᒃ ᓂᕈᐊᕐᖕᓂᖃᕐᒃᑐᒧᑦ ᑕᐃᒪᖓᑦ ᓂᕈᐊᕐᖕᓂᖃᖁᔨᓂᕐᖕᒧᑦ ᑎᓕᓯᔾᔪᑎ ᓴᕿᑦᑕᐅᖕᒪᑦ ᐃᓚᒋᔭᐅᑉᓗᑎᒃ ᐊᔪᖕᒋᔾᔪᑕᐅᓂᐅᔪᑦ.

ᓄᓇᕗᒻᒥ ᐃᖃᕐᒃᑐᐃᔪᓕᕆᔨᒃᑯᑦ ᓴᕿᑦᑎᔪᑦ ᐃᖃᕐᒃᑐᐃᓂᒃᑯᑦ ᐊᓇᕈᐊᕐᒃ ᐱᔾᔪᑎᒋᑉᓗᒍ ᓄᕕᐱᕆ 6−ᒥᑦ, ᐱᒋᐊᕈᖕᓇᕐᒃᑎᑦᑎᓂᕐᖕᒥᒃ ᓂᕈᐊᕐᒃᑐᓕᕆᔨᒃᑯᑦ ᐊᖓᔪᕐᑳᖓᓂᒃ ᑕᒪᐅᓇᒥᐊᕐᒃ ᓂᕈᐊᕐᖕᓂᐅᓂᐊᕐᒃᑐᒥᒃ. ᐃᖃᕐᒃᑐᐃᓂᐅᓚᐅᕐᒃᑐᕐᒃ ᑕᑯᔭᐅᔪᖕᓇᕐᒃᑐᕐᒃ ᖃᕆᑕᐅᔭᑎᒍᑦ ᑕᑯᒋᐊᕐᒃᑕᕐᕕᖕᒥᑦ. www.elections.nu.ca

-30-

ᑐᑭᓯᒋᐊᑲᓐᓂᕈᒪᒍᕕᑦ ᖃᐅᔨᒋᐊᕐᕕᒋᓗᒍ:
ᓵᓐᑎ ᑯᓱᒐᕐᒃ − ᓂᕈᐊᕐᒃᑐᓕᕆᔨᒃᑯᑦ ᐊᖓᔪᕐᑳᖓᑦ
ᐅᖃᓘᑎ: 800.267.4394  ᑲᖏᕐᒃᖠᓂᕐᖕᒥᑦ 645.4610
ᓱᑲᔪᒃᑯᑦ: 800.269.1125  ᑲᖏᕐᒃᖠᓂᕐᖕᒥᑦ 645.4657
ᖃᕆᑕᐅᔭᒃᑯᑦ: Info@elections.nu.ca