ᓂᕈᐊᕐᒃᑐᓕᕆᔨᒃᑯᑦ ᐊᖓᔪᕐᑳᖓᑦ ᑎᓕᓯᔪᕐᒃ ᓄᑖᒥᒃ ᑎᓕᓯᔾᔪᒻᒥᒃ ᓴᕿᑦᑎᖁᔨᑉᓗᓂ ᐊᑯᓪᓕᕐᖕᒥᑦ ᑕᒪᐅᓇᒥᐊᕐᒃ ᓂᕈᐊᕐᖕᓂᖃᖁᔨᓂᕐᖕᒧᑦ

26/01/2009

ᑲᖏᕐᒃᖠᓂᕐᒃ, ᓄᓇᕗᑦ − ᐅᓐᓄᒃᓴᕙᓪᓕᐊᖑᓕᕐᒃᑐᕐᒃ ᓂᕈᐊᕐᒃᑐᓕᕆᔨᒃᑯᑦ ᐊᖓᔪᕐᑳᖓᑦ ᓵᓐᑎ ᑯᓱᒐᕐᒃ ᑎᓕᓯᕐᑲᐅᔪᕐᒃ ᓂᕈᐊᕐᒃᑐᓕᕆᔨᒥᑦ ᐊᑯᓪᓕᕐᖕᒧᑦ ᓴᓇᑦᑕᐃᓕᐅᕌᓂᒃᐸᑦ ᔭᓄᐊᕆ 26ᖑᓕᕐᒃᐸᑦ ᓴᕿᑦᑎᖁᑉᓗᒍ ᑎᓕᓯᔾᔪᒻᒥᒃ ᑕᒪᐅᓇᒥᐊᕐᒃ ᓂᕈᐊᕐᖕᓂᖃᖁᔨᓂᕐᖕᒥᒃ. ᑕᒪᐅᓇᒥᐊᕐᒃ ᓂᕈᐊᕐᖕᓂᕐᒃᑕᖃᕐᖕᓂᐊᕐᒃᑐᕐᒃ ᓇᐅᔮᓂᓗ ᑰᒑᕐᔪᖕᒥᓗ ᒫᑦᓯ 2, 2009ᖑᓕᕐᒃᐸᑦ.

ᓂᕈᐊᕐᒃᑐᓕᕆᔨ ᕉᒥᐅ ᑯᐸᒃ ᓇᐅᔮᕐᖕᒥᐅᑕᕐᒃ ᐊᒪᓗ ᓂᕈᐊᕐᒃᑐᓕᕆᔨᐅᑉ ᐃᑲᔪᕐᒃᑎᖓ ᓕᐅᕆ ᓈᓗᖏᐊᕐᒃ ᑰᒑᕐᔪᖕᒥᐅᑕᕐᒃ ᐱᖃᑦᑕᕈᖕᓇᕐᒃᓯᓂᐊᕐᒃᑑᒃ ᓂᕈᐊᒐᒃᓴᖑᕈᒪᔾᔪᑎᓂᒃ ᐃᓄᖕᓂᑦ ᓂᕈᐊᒐᒃᓴᐅᔪᖕᓇᕐᒃᑐᓂᒃ ᐱᒋᐊᕐᓗᒍ ᔭᓄᐊᕆ 26ᒥᑦ ᑭᒡᓕᖃᕐᓗᒍ ᒪᕐᕈᖕᓄᐊᕐᒃᐸᑦ ᖃᐅᔨᓴᐅᑦ ᑭᕙᓪᓕᐅᑉ ᖃᐅᔨᓴᐃᑎᖓ ᒪᓕᒡᓗᒍ ᑕᓪᓕᒫᖑᓕᕐᒃᐸᑦ ᔭᓄᐊᕆ 30ᒧᑦ.

ᓂᕈᐊᕈᖕᓇᕐᒃᑑᓗᓂ ᐊᒪᓗ ᓂᕈᐊᒐᒃᓴᐅᓂᕐᒃ ᐊᔪᖏᑦᑑᓗᓂ ᑕᒪᐅᓇᒥᐊᕐᒃ ᓂᕈᐊᕐᖕᓂᐅᓂᐊᕐᒃᑐᒥᑦ, ᐃᓄᒃ ᓄᓇᖃᕆᐊᖃᕐᒃᑐᕐᒃ ᑭᒡᒐᕐᒃᑐᕐᒃᑕᐅᕕᐅᔪᒥᑦ ᑕᐃᑲᓂ ᑕᒪᐅᓇᒥᐊᕐᒃ ᓂᕈᐊᕐᖕᓂᖃᕐᖕᓂᐊᕐᒃᑐᒥᑦ ᐃᓚᐅᑉᓗᑎᒃ ᐊᔪᖏᔾᔪᑕᐅᔭᕆᐊᖃᕐᒃᑐᑦ ᑕᐃᒪᖓᑦ ᑎᓕᓯᔾᔪᑦ ᓂᕈᐊᕐᖕᓂᖃᖁᔨᓂᕐᖕᒧᑦ ᓴᕿᑕᐅᖕᒪᑦ.

ᑕᒪᐅᓇᒥᐊᕐᒃ ᓂᕈᐊᕐᖕᓂᕐᒃᑕᖃᕆᐊᖃᓕᕐᒃᑐᕐᒃ ᓈᓴᐃᑲᓐᓂᕐᖕᓂᕐᒃᑕᖃᕆᐊᖃᓕᓚᐅᕐᖕᒪᑦ ᑎᓯᐱᕆᒥᑦ ᑕᒪᐅᓇᒥᐊᕐᒃ ᓂᕈᐊᕐᖕᓂᐅᓚᐅᕐᑳᕐᒃᑎᓪᓗᒍ ᒪᕐᕉᒃ ᓂᕈᐊᒐᒃᓵᒃ ᓂᕈᐊᕐᒃᑕᐅᕐᓗᐊᓛᖑᓚᐅᕐᒃᑑᒃ ᓯᑏᕝ ᒪᑉᓴᓛᕐᓗ ᔮᓐ ᓂᖓᒡᓗ ᐊᔾᔨᒌᑦᑎᐊᓂᒃ ᓂᕈᐊᕐᒃᑕᐅᓂᖃᓕᓚᐅᕐᖕᒪᑎᒃ.

-30-

ᑐᑭᓯᒋᐊᒃᑲᓐᓂᕈᒪᒍᕕᑦ ᖃᐅᔨᒋᐊᕐᕕᐅᔪᖕᓇᖅᑐᖅ:
ᓵᓐᑎ ᑯᓱᒐᖅ − ᓂᕈᐊᖅᑐᓕᕆᔨᒃᑯᑦ ᐊᖓᔪᖅᑳᖓᑦ
ᐅᖃᓘᑖ: 800.267.4394   ᑲᖏᖅᖠᓂᕐᖕᒥ 645.4610
ᓱᑲᔪᒃᑯᑦ: 800.269.1125   ᑲᖏᖅᖠᓂᕐᖕᒥᑦ 645.4657
info@elections.nu.ca