ᓂᕈᐊᕐᒃᑐᓕᕆᔨᑦ ᐊᖓᔪᕐᑳᖓᑦ ᑐᓴᕐᒃᑎᑦᑎᕗᕐᒃ ᓇᓗᓇᐃᕐᒃᑕᐅᓯᒪᓕᕐᒃᑐᓂᒃ ᓂᕈᐊᕈᑕᐅᔪᓂᒃ ᑐᒡᓕᐊᓂᑦ ᓄᓇᕗᒻᒥ ᑭᑐᓗᒃᑖᓄᑦ ᓂᕈᐊᕐᓇᐅᑎᓪᓗᒍ

16/02/2004

ᑲᖏᕐᒃᖠᓂᕐᒃ, ᓄᓇᕗᑦ - ᓂᕈᐊᕐᒃᑐᓕᕆᔨᑦ ᐊᖓᔪᕐᑳᖓᑦ, ᓵᓐᑎ
ᑯᓱᒐᕐᒃ ᐅᓄᒃ ᑐᓴᕐᒃᑎᑎᕗᕐᒃ ᓇᓗᓇᐃᕐᒃᑕᐅᓯᒪᓕᕐᒃᑐᓂᒃ ᓂᕈᐊᕈᑕᐅᓚᐅᕐᒃᑐᓂᒃ
ᑐᒡᓕᕆᓕᕐᒃᑕᖓᓂᒃ ᓄᓇᕗᒻᒥᑦ ᓂᕈᐊᕐᓇᐅᑎᓗᒍ ᑲᑎᒪᔨᐅᓂᐊᕐᒃᑐᓂᒃ ᒪᓕᒐᓕᐅᕐᕕᖕᒧᑦ
ᓄᓇᕗᒻᒥᑦ.

ᐃᒪᓐᓇᑎᒋ 10,000ᖑᓗᐊᕐᒃᑐᑦ ᓄᓇᕗᒻᒥᐅᑦ ᓂᕈᐊᕐᒃᖠᖃᐅᕗᑦ ᐅᑉᓗᒥ ᓂᕈᐊᕐᓇᐅᑎᓪᓗᒍ.
ᓂᕈᐊᕆᐊᕐᒃᑐᕐᑲᐅᔪᑦ ᐊᔾᔨᐸᓗᒋᓚᐅᕐᒃᐸᖓ 1999ᒥ ᑭᑐᓗᒃᑖᓄᑦ ᓂᕈᐊᕐᓇᐅᓚᐅᕐᒃᑎᓗᒍ.
ᓂᕈᐊᕐᒃᑐᓕᕆᔨᑦ ᐊᖓᔪᕐᑳᖓᑦ ᐅᖃᖃᐅᔪᕐᒃ, “ᓂᕈᐊᕐᒃᖠᕐᓂᕐᒃ ᐊᐅᓛᑎᐊᕐᒃᑐᐊᓘᖃᐅᔪᕐᒃ
ᓄᓇᕗᒻᒥ ᐅᑉᓗᒥᐅᔪᕐᒃ. ᐱᕐᒃᓯᓗᕿᒃᑲᓗᐊᕐᒃᑎᓪᓗᒍ ᐃᖃᓗᖕᓂᑦ, ᐃᒡᓗᓕᖕᒥᑦ ᐊᒪᓗ
ᓴᓂᕋᔭᖕᒥᑦ ᑲᑦᑐᕐᒃᑎᑎᔫᔭᖏᑐᕐᒃ ᓂᕈᐊᕐᒃᑎᐅᔪᓂᒃ. ᑎᒃᑭᑉᐸᓕᐊᔪᑦ ᓂᕈᐊᕈᑕᐅᓚᐅᕐᒃᑐᑦ
ᐱᐊᓚᐃᓕᕿᒃᑲᓗᐊᕐᒃᑎᓪᓗᒋᑦ ᐊᐅᓛᑎᐊᕐᑲᐅᔪᕐᒃ ᐱᓕᕆᐊᕐᒃ. ᓂᕈᐊᕐᒃᑐᓕᕆᔨᒋᔭᕗᑦ ᐊᒪᓗ
ᐱᓕᕆᔨᒋᔭᖏᑦ ᖁᕕᐊᒋᔭᐅᑎᐊᕆᐊᖃᕐᒃᐳᑦ ᓄᑖᖑᔪᓂᒃ ᐃᓚᐅᓕᓵᕐᒃᑐᓂᒃ ᐱᖁᔭᓂᑦ
ᐊᑐᓕᑲᐅᑎᒋᑎᐊᕈᖕᓇᓚᐅᕐᒪᑕ.”

ᓈᓴᐃᑲᓐᓂᕐᓂᕐᒃᑕᖃᕐᓂᐊᕐᒃᑐᕐᒃ ᐊᑕᐅᓯᑐᐃᓇᕐᒥᑦ ᑭᒡᒐᕐᒃᑐᐃᕕᖕᒥᑦ: ᑐᓐᓄᓂᕐᒃ,
ᒪᓕᒐᓕᐅᕐᒃᑎᑐᖃᕐᒃ ᔫᐱ ᓄᑕᕋᕐᒃ ᓂᕈᐊᕐᒃᑕᐅᖃᐅᖕᒪᑦ 142ᓄᑦ ᖃᓂᒋᔭᐅᑎᐊᕐᒃᖢᓂ
ᑕᐃᕕᑎ ᖃᒪᓂᕐᒧᑦ 138ᓄᑦ ᓂᕈᐊᕐᒃᑕᐅᑉᓗᓂ. ᓄᓇᕗᒻᒥ ᓂᕈᐊᕐᒃᑐᓕᕆᓂᕐᒧᑦ ᐱᖁᔭᑦ
ᐱᔭᕆᐊᖃᕐᒃᑎᑎᖕᒪᑕ ᓈᓴᐃᑲᓐᓂᕐᒃᑎᑎᓂᕐᒥᒃ ᐊᔾᔨᒌᖏᓂᕆᔭᖏᑦ ᓂᕈᐊᒐᒃᓴᐅᔪᑦ
ᓂᕈᐊᕐᒃᑕᐅᔾᔪᑎᒋᔭᖏᑦ ᐃᒪᓐᓇᐃᐸᑕ, ᓂᕈᐊᕐᒃᑕᐅᕐᓗᐊᓛᑉᓗ ᓂᕈᐊᒐᒃᓴᐅᖃᑕᐅᔫᑉᓗ
ᓂᕈᐊᕐᒃᑕᐅᓂᕆᔭᖏᓂᒃ ᐊᔾᔨᒌᒃᑐᖃᕐᒃᐸᑦ ᐅᕙᓘᓃᑦ ᓂᕈᐊᕐᒃᑕᐅᕐᓗᐊᕐᓂᕐᒃᓴᐅᔫᑉ
ᓂᕈᐊᕐᒃᑕᐅᓂᖏᑦ 2% ᑐᖕᒑᓃᑉᐸᑕ ᓂᕈᐊᕈᑕᐅᓚᐅᕐᒃᑐᓗᒃᑖᑦ ᑭᒡᒐᕐᒃᑐᐃᕕᖕᒥᑦ
ᑲᑎᓗᒃᑖᕐᒃᖢᒋᑦ. ᓈᓴᐃᑲᓐᓂᕐᓂᐊᓕᕐᒃᑐᑦ ᒪᕉᒃ ᓴᓇᑕᐃᓖᒃ ᐱᐊᓂᒃᐸᑕ.

17 ᐊᖑᑏᑦ ᒪᕉᒡᓗ ᐊᕐᓇᐃᑦ ᓂᕈᐊᕐᒃᑕᐅᔪᑦ ᐅᕙᓘᓃᑦ ᐃᓕᔭᐅᔪᑦ ᓂᕈᐊᒐᒃᓴᑐᐊᖑᓂᖏᓄᑦ
ᑭᒡᒐᕐᒃᑐᐃᕕᐅᔪᒥᑦ ᒪᓕᒐᓕᐅᕐᒃᑎᐅᓂᕐᒧᑦ ᑐᒡᓕᕆᓕᕐᒃᑕᖓᓄᑦ ᒪᓕᒐᓕᐅᕐᕕᖕᒧᑦ ᓄᓇᕗᒻᒥᑦ:

ᐊᑯᓪᓕᕐᒃ: ᓯᑎᕕᓐ ᒪᑉᓴᓛ
ᐊᒥᑦᑐᕐᒃ: ᓗᐃ ᑕᐹᕐᔪᒃ
ᐊᕐᕕᐊᑦ: ᑕᐃᕕᑎ ᐊᓚᕋᓚᒃ
ᖃᒪᓂᑦᑐᐊᕐᒃ: ᑕᐃᕕᑎ ᓯᒪᐃᓚᒃ
ᐃᖃᓗᒃᑑᑎᐊᕐᒃ: ᑮᑦ ᐲᑐᓯᓐ
ᑕᓯᐅᔭᕐᔪᐊᕐᒃ: ᐲᑕ ᑲᑦᑐᒃ
ᐃᖃᓗᐃᑦ ᕿᑎᐊ: ᕼᐊᓐᑐ ᑐᑐ
ᐃᖃᓗᐃᑦ ᑲᓇᖕᓇᖓ: ᐄᑐᐊᕐᒃ ᐲᑰ
ᐃᖃᓗᐃᑦ ᐱᖓᖕᓇᖓ: ᐹᓪ ᐅᑲᓕᕐᒃ
ᖁᕐᓗᕐᒃᑑᕐᒃ: ᔫ ᐋᓕᓐ ᐃᕝᔭᒍᑕᐃᓚᒃ
ᓇᓄᓕᒃ: ᐸᑎᕐᒃ ᓇᑦᑎᕐᒃ
ᓇᑦᑎᓕᒃ: ᓕᐅᓇ ᐊᒡᓘᑲᕐᒃ
ᐸᖕᓂᕐᒃᑑᕐᖕ: ᐲᑕ ᕿᓚᕝᕙᒃ
ᖁᑦᑎᒃᑐᕐᒃ: ᓖᕙᐃ ᐹᓇᐹᓯ
ᑲᖏᕐᒃᖠᓂᐅᑉ ᐅᐊᖕᓇᖓ: ᑕᒑᕐᒃ ᑰᓕ (ᐃᓕᔭᐅᔪᕐᒃ)
ᑲᖏᕐᒃᖠᓂᐅᑉ ᓂᒋᐊ/ᑎᑭᕋᕐᔪᐊᕐᒃ: ᓚᕖᓂᐊ ᐳᕋᐅᓐ
ᕿᑭᕐᒃᑖᓘᑉ ᓂᒋᐊ: ᐅᓛᔪᒃ ᐊᑭᓱᒃ
ᑐᓐᓄᓂᕐᒃ: ᔫᐱ ᓄᑕᕋᕐᒃ (ᓈᓴᐃᑲᓐᓂᓚᐅᕐᓗᑎᒃ)
ᐅᖁᒻᒥᐅᑦ: ᔩms ᐋᕆᐊᕐᒃ

ᑐᒡᓕᕆᓕᕐᒃᑕᖓᓂᑦ ᑭᑐᓗᒃᑖᓄᑦ ᓂᕈᐊᕐᓇᕐᒃ ᐊᐅᓚᑦᑕᐅᓚᐅᕐᒃᑐᕐᒃ ᐊᑐᕐᒃᑕᐅᑉᓗᑎᒃ ᓄᑖᑦ
ᓄᓇᕗᒻᒥ ᓂᕈᐊᕐᒃᑐᓕᕆᓂᕐᒧᑦ ᐱᖁᔭᑦ, ᐊᑐᓕᕐᒃᑎᑕᐅᓚᐅᕐᒃᑎᓪᓗᒋᑦ 2002ᒥᑦ.
ᓂᕈᐊᕐᒃᑐᓕᕆᔨᑦ ᐊᖓᔪᕐᑳᖓᑦ ᐅᖃᖃᐅᔪᕐᒃ, “ᓄᓇᕗᒻᒥ-ᓴᓇᔭᐅᔪᕐᒃ ᒪᓕᒐᓕᐊᖑᔪᕐᒃ
ᐋᕿᐅᒪᑦᑎᐊᖃᐅᔪᕐᒃ, ᐊᒪᓗ ᐃᓚᐅᖃᑕᐅᑉᓗᑎᒃ ᐊᑐᓕᓵᕐᒃᑐᑦ ᐃᓚᔭᐅᓯᒪᔪᑦ
ᐊᔪᕐᓇᖏᑎᑎᕚᓕᕐᒃᖢᑎᒡᓗ ᓄᓇᓕᖕᒥᐅᓂᑦ ᐱᔪᖕᓇᐅᑎᒥᖕᓂᒃ ᐊᑐᕈᖕᓇᕐᓂᕐᒥᒃ
ᓂᕈᐊᖃᑕᐅᓂᕐᒧᑦ.”

ᓂᕈᐊᕐᓂᖃᖁᔨᓂᕐᒧᑦ ᑎᓕᓯᔾᔪᑦ ᐅᑎᕐᒃᑎᑕᐅᓯᒪᔭᕆᐊᖃᕐᓂᐊᕐᒃᑐᕐᒃ ᕕᕗᐊᕆ 23, 2004ᒥᑦ.

-30-

ᑐᑭᓯᒋᐊᑲᓐᓂᕈᒪᒍᕕᑦ, ᖃᐅᔨᒋᐊᕐᓗᒍ:
ᓵᓐᑎ ᑯᓱᒐᕐᒃ, - ᓂᕈᐊᕐᒃᑐᓕᕆᔨᑦ ᐊᖓᔪᕐᑳᖓᑦ
ᐅᖃᓘᑦ: 800.267.4394 ᑲᖏᕐᒃᖠᓂᕐᒥ: 645.4610
ᓇᑭᕐᒃᑐᒃᑯᑦ: 800.269.1125 ᑲᖏᕐᒃᖠᓂᕐᒥ: 645.4657
ᖃᕆᑕᐅᔭᑎᒍᑦ: info@elections.nu.ca