ᓯᑕᒪᐅᓂᐊᕐᒃᑐᑦ ᓂᕈᐊᒐᒃᓴᐃᑦ ᓄᓇᕗᒻᒥ ᒪᓕᒐᓕᐅᕐᒃᑎᖑᕋᓱᒃᑐᓂᑦ ᖃᐃᔪᒥᑦ ᑕᒪᐅᓇᒥᐊᕐᒃ ᓂᕈᐊᕐᖕᓂᐅᓂᐊᕐᒃᑐᒥᑦ ᑭᒡᒐᕐᒃᑐᕐᒃᑕᐅᕕᖕᒧᑦ ᐊᑯᓪᓕᕐᒃ

30/01/2009

ᑲᖏᖅᖠᓂᖅ, ᓄᓇᕗᑦ  ᔭᓄᐊᕆ 30, 2009

ᓯᑕᒪᐅᓂᐊᕐᒃᑐᑦ ᓂᕈᐊᒐᒃᓴᐃᑦ ᓄᓇᕗᒻᒥ ᒪᓕᒐᓕᐅᕐᒃᑎᖑᕋᓱᒃᑐᓂᑦ ᖃᐃᔪᒥᑦ ᑕᒪᐅᓇᒥᐊᕐᒃ ᓂᕈᐊᕐᖕᓂᐅᓂᐊᕐᒃᑐᒥᑦ ᑭᒡᒐᕐᒃᑐᕐᒃᑕᐅᕕᖕᒧᑦ ᐊᑯᓪᓕᕐᒃ.

ᑭᒡᓕᒋᔭᐅᔪᕐᒃ ᑐᓂᓯᓯᒪᔭᕆᐊᖃᕐᖕᓂᕐᖕᒥᒃ ᓂᕈᐊᒐᒃᓴᖑᕈᒪᔾᔪᑎᓂᒃ ᑎᑭᑎᓪᓗᒍ ᓇᐅᔮᓂᓗ ᑰᒑᕐᔪᖕᒥᓗ ᐅᑉᓗᒥ ᓯᑏᕕ ᒪᑉᓴᓛᕐᒃ, ᕼᐊᓚᓇ ᒪᓕᑭ ᓇᐅᔮᕐᖕᒥᐅᑖᒃ ᐊᒪᓗ ᐅᕕᑎ ᐊᓚᑲᓐᓄᐊᕐᒃ ᐊᒪᓗ ᔮᓐ ᓂᖓᒃ ᑰᒑᕐᔪᖕᒥᐅᑖᒃ ᓈᒻᒪᒋᔭᐅᓚᐅᕐᒃᑐᑦ ᓂᕈᐊᒐᒃᓴᐅᓂᐊᕐᖕᓂᖏᓐᓄᑦ.

ᑭᓇᑐᐃᓇᕐᒃ ᓂᕈᐊᕐᖕᓂᕐᒃ ᐊᔪᖏᑦᑐᕐᒃ ᑕᒡᕙᓂ ᑕᒪᐅᓇᒥᐊᕐᒃ ᓂᕈᐊᕐᖕᓂᐅᔪᒥᑦ ᓂᕈᐊᕈᖕᓇᕐᒃᑐᕐᒃ ᓂᕈᐊᕐᒃᑐᓕᕆᔨᐅᑉ ᑎᑎᕋᕐᕕᖓᓂᑦ, ᑕᐃᑲᓂ ᓇᐅᔮᑦ ᕼᐋᒻᓚᒃᑯᖏᑦᑕ ᑎᑎᕋᕐᕕᖓᓂᑦ ᐱᒋᐊᕐᓗᒍ ᕕᕗᐊᕆ 16−ᒥᑦ ᐃᓱᓕᓗᓂ ᕕᕗᐊᕆ 26−ᒥᑦ ᐅᕙᓘᓃᑦ ᓂᕈᐊᕐᒃᐸᒌᕐᖕᓇᒥᑦ ᑰᒑᕐᔫᑉ ᕼᐋᒻᓚᒃᑯᖓᓐᓂᑦ ᕕᕗᐊᕆ 23−ᖑᓕᕐᒃᐸᑦ. ᐅᕐᖕᓂᒍᑎᔪᖕᓇᕐᒃᑐᒃᑯᑦ ᓂᕈᐊᕐᖕᓂᕐᒃᑕᖃᕐᖕᓂᐊᕐᒃᑐᕐᒃ ᐅᑉᓛᖓᓂᑦ ᕕᕗᐊᕆ 23 ᑕᐃᑉᑯᓄᖓ ᐅᕙᒍᒋᔭᕐᖕᒥᖕᓂᒃ ᐊᓂᓂᕐᒃ ᐊᔪᕐᒃᑐᓄᑦ.  ᓂᕈᐊᕐᖕᓇᐅᑉ ᐅᑉᓗᖓᓂᑦ − ᒫᑦᓯ 2−ᒥᑦ ᓂᕈᐊᕆᐊᕐᒃᑐᕐᕖᑦ ᐅᒃᑯᐃᕐᖕᓂᐊᕐᒃᑐᑦ ᐱᒋᐊᕐᓗᓂ 8−ᒥᑦ ᐅᑉᓛᑯᑦ 6−ᒧᐊᕐᒃᓯᕐᓗᒍ ᐅᓐᓄᒃᓴᒃᑯᑦ ᑰᒑᕐᔪᖕᒥᑦ ᐊᒪᓗ 9−ᒥᑦ ᐅᑉᓛᑯᑦ 7−ᒧᐊᕐᒃᓯᕐᓗᒍ ᐅᓐᓄᒃᓴᒃᑯᑦ ᓇᐅᔮᓂᑦ.

ᑕᒪᐅᓇᒥᐊᕐᒃ ᓂᕈᐊᕐᖕᓂᕐᒃ ᐱᖁᔭᐅᓕᓚᐅᕐᒃᑐᕐᒃ ᓈᓴᐃᑲᓐᓂᕐᖕᓂᕐᒃᑕᖃᓚᐅᕐᑳᕐᒃᑎᓪᓗᒍ ᐃᖃᕐᒃᑐᐃᕕᒃᑯᑦ ᑎᓯᐱᕆ 15, 2008−ᖑᓚᐅᕐᒃᑐᒥᑦ ᑕᒪᐅᓇᒥᐊᕐᒃ ᓂᕈᐊᕐᖕᓂᐅᓚᐅᕐᒃᑐᕐᒃ ᓯᑏᕕ ᒪᑉᓴᓛᑉᓗ ᔮᓐᓂ ᓂᖓᐅᑉᓗ ᓂᕈᐊᕐᒃᑕᐅᓂᕆᓚᐅᕐᒃᑕᖏᑦ ᐊᔾᔨᒌᓚᐅᕐᖕᓂᖏᓐᓄᑦ.

-30-

ᑐᑭᓯᒋᐊᑲᓐᓂᕈᒪᒍᕕᑦ ᐅᕗᖓ ᐅᖃᓗᒡᓗᑎᑦ:
ᓵᓐᑎ ᑯᓱᒐᕐᒃ − ᓂᕈᐊᕐᒃᑐᓕᕆᔨᒃᑯᑦ ᐊᖓᔪᕐᑳᖓᑦ
ᐅᖃᓘᑎ: 800.267.4394   ᑲᖏᕐᒃᖠᓂᕐᒥᑦ:  645.4610
ᓱᑲᔪᒃᑯᑦ:  800.269.1125  ᑲᖏᕐᒃᖠᓂᕐᒥᑦ:  645.4657
info@elections.nu.ca