ᐅᑉᓗᒥ ᓂᕈᐊᕐᖕᓇᐅᔪᕐᒃ ᐊᑯᓪᓕᕐᖕᒧᑦ. ᓂᕈᐊᕐᒃᑏᑦ ᑰᒑᕐᔪᖕᒥᑦ ᓇᐅᔮᓂᓗ ᓂᕈᐊᕆᐊᕐᒃᑐᕐᕕᖕᒥᖕᓄᖓᐅᓂᐊᕐᒃᑐᑦ ᓂᕈᐊᕐᖕᓂᐊᕐᓗᑎᒃ ᒪᓕᒐᓕᐅᕐᒃᑎᐅᓂᐊᕐᒃᑐᒥᒃ ᐃᖕᒥᖕᓂᒃ ᑭᒡᒐᕐᒃᑐᐃᓂᐊᕐᒃᑐᒥᒃ ᓄᓇᕗᑦ ᒪᓕᒐᓕᐅᕐᕕᖕᒥᑦ

02/03/2009

ᑲᖏᖅᖠᓂᖅ, ᓄᓇᕗᑦ  - ᒫᑦᓯ 2, 2009

ᐅᑉᓗᒥ ᓂᕈᐊᕐᖕᓇᐅᔪᕐᒃ ᐊᑯᓪᓕᕐᖕᒧᑦ.  ᓂᕈᐊᕐᒃᑏᑦ ᑰᒑᕐᔪᖕᒥᑦ ᓇᐅᔮᓂᓗ ᓂᕈᐊᕆᐊᕐᒃᑐᕐᕕᖕᒥᖕᓄᖓᐅᓂᐊᕐᒃᑐᑦ ᓂᕈᐊᕐᖕᓂᐊᕐᓗᑎᒃ ᒪᓕᒐᓕᐅᕐᒃᑎᐅᓂᐊᕐᒃᑐᒥᒃ ᐃᖕᒥᖕᓂᒃ ᑭᒡᒐᕐᒃᑐᐃᓂᐊᕐᒃᑐᒥᒃ ᓄᓇᕗᑦ ᒪᓕᒐᓕᐅᕐᕕᖕᒥᑦ.

ᓂᕈᐊᕐᒃᑏᑦ ᑰᒑᕐᔪᖕᒥᑦ ᓂᕈᐊᕆᐊᕐᖕᓂᐊᕐᒃᑐᑦ ᐅᑉᓛᑯᑦ 8−ᒥᑦ 6-ᒧᐊᕐᒃᓯᕐᓗᒍ ᐅᓐᓄᒃᓴᒃᑯᑦ (ᕿᑎᕐᖕᒥᐅᑦ ᖃᐅᔨᓴᐅᑎᖓ ᒪᓕᒡᓗᒍ), ᓇᐅᔮᕐᖕᒥᐅᓪᓕ ᓂᕈᐊᕆᐊᕐᓗᑎᒃ 9-ᒥᑦ ᐅᑉᓛᑯᑦ 7-ᒧᐊᕐᒃᓯᕐᓗᒍ ᐅᓐᓄᒃᑯᑦ (ᑭᕝᕙᓪᓕᐅᑉ ᖃᐅᔨᓴᐅᑎᖓ ᒪᓕᒡᓗᒍ).  ᓯᑕᒪᐅᔪᑦ ᓂᕈᐊᒐᒃᓴᐃᑦ: ᐅᕕᑎ ᐊᓚᑲᓐᓄᐊᕐᒃ ᐊᒪᓗ ᔮᓐ ᓂᖓᒃ ᑰᒑᕐᔪᖕᒥᐅᑖᒃ ᐊᒪᓗ ᕼᐊᓚᓇ ᒪᓕᑭ ᐊᒪᓗ ᓯᑏᕝ ᒪᒃᓴᓛᕐᒃ ᓇᐅᔮᕐᖕᒥᐅᑖᒃ.

ᑕᒪᐅᓇᒥᐊᕐᒃ ᓂᕈᐊᕐᖕᓂᐅᔪᕐᒃ ᐱᔭᕆᐊᖃᓕᓚᐅᕐᒃᑐᕐᒃ ᐃᖃᕐᒃᑐᐃᕕᒃᑯᑦ ᓈᓴᐃᓂᕐᒃᑕᖃᒃᑲᓐᓂᕐᑳᕐᒃᑎᓪᓗ ᑎᓯᐱᕆ 15−ᒥᑦ ᓂᕈᐊᕈᑕᐅᓚᐅᕐᒃᑐᑦ ᐊᒥᓲᓂᕐᒃᐹᓄᑦ ᓂᕈᐊᕐᒃᑕᐅᔪᓄᑦ ᐊᔾᔨᒌᑎᐊᓚᐅᕐᖕᓂᖏᓐᓄᑦ, ᓯᑏᕝ ᒪᑉᓴᓛᕐᒃ ᐊᒪᓗ ᔮᓐ ᓂᖓᒃ.

ᓂᕈᐊᕐᒃᐸᒌᕐᖕᓇᐅᔪᒧᑦ ᐃᓚᐅᓚᐅᕐᒃᑐᑦ ᓯᑕᒪᐃᑦ ᐊᔾᔨᐅᖏᑦᑐᒃᑯᑦ ᓂᕈᐊᕐᒃᑐᑦ, ᑕᓪᓕᒪᐃᑦ ᐅᕐᖕᓂᒍᑎᔪᖕᓇᕐᒃᑐᒃᑯᑦ ᓂᕈᐊᕐᖕᓂᒃᑯᑦ ᓂᕈᐊᕐᒃᑐᑦ ᐊᒪᓗ 17−ᖑᔪᑦ ᓂᕈᐊᕐᒃᐸᒌᕐᖕᓇᐅᑉ ᐅᑉᓗᐊᓂᓪᓘᓃᑦ ᓂᕈᐊᕐᒃᑐᓕᕆᔨᐅᑉ ᑎᑎᕋᕐᕕᖓᓂᓪᓘᓃᑦ ᓂᕈᐊᕐᒃᑐᑦ.  ᑎᓯᐱᕆᒥᑦ 29−ᖑᓚᐅᕐᒃᑐᑦ ᓂᕈᐊᕐᒃᐸᒌᕐᒃᑐᑦ.

ᓂᕈᐊᕐᖕᓂᐅᔫᑉ ᖃᓄᐃᖓᓂᕆᔭᖏᑦ ᑕᑯᔭᐅᒋᐊᖃᑦᑕᕈᖕᓇᕐᖕᓂᐊᕐᒃᑐᑦ ᓄᓇᕗᒻᒥ ᓂᕈᐊᕐᒃᑐᓕᕆᔨᒃᑯᑦ ᖃᕆᑕᐅᔭᑎᒍᑦ ᑕᑯᔭᒃᓴᐅᑎᒋᔭᖏᑦᑎᒍᑦ www.elections.nu.ca−ᒥᑦ

-30-

ᑐᑭᓯᒋᐊᑲᓐᓂᕈᒪᒍᕕᑦ ᐅᕗᖓ ᐅᖃᓗᒡᓗᑎᑦ:
ᓵᓐᑎ ᑯᓱᒐᕐᒃ − ᓂᕈᐊᕐᒃᑐᓕᕆᔨᒃᑯᑦ ᐊᖓᔪᕐᑳᖓᑦ
ᐅᖃᓘᑎ: 800.267.4394   ᑲᖏᕐᒃᖠᓂᕐᒥᑦ:  645.4610
ᓱᑲᔪᒃᑯᑦ:  800.269.1125  ᑲᖏᕐᒃᖠᓂᕐᒥᑦ:  645.4657
info@elections.nu.ca