ᖃᒪᓂᑦᑐᐊᕐᒥᑦ ᐃᒥᐊᓗᐃᑦ ᒥᒃᓵᓄᑦ ᐊᐱᖅᑯᑎᓄᑦ ᓂᕈᐊᖅᑎᑦᑎᓂᖅ

30/03/2021

ᑎᕆᒡᓗᐃᑦ (ᐄᐳᕆ) 26-ᒥᑦ, ᖃᒪᓂᑦᑐᐊᕐᒥᑦ ᓂᕈᐊᖅᑏᑦ ᓂᕈᐊᕐᓂᖅ ᐊᔪᙱᑦᑐᑦ ᓂᕈᐊᕐᓂᐊᖅᑐᑦ ᐊᐱᖅᑯᑎᐅᑉ ᒥᒃᓵᓄᑦ:

“ᐃᑲᔪᖅᑐᐃᕕᑦ ᐃᓇᖏᖅᑕᐅᖁᑉᓗᒍ ᒫᓐᓇ ᑭᒡᓕᖃᖅᑎᑦᑎᙱᑦᑐᑦ ᖃᒪᓂᑦᑐᐊᕐᒥᑦ ᖃᓂᑕᖓᓂᓗ ᓴᖅᑭᑦᑎᙶᕐᓗᑎᒃ ᐃᒥᐊᓗᐃᑦ ᒥᒃᓵᓄᑦ ᑲᑎᒪᔨᕋᓛᓂᑦ?

ᐃᒥᐊᓗᐃᑦ ᒥᒃᓵᓄᑦ ᑲᑎᒪᔨᕋᓛᑦ ᐱᔭᒃᓴᐅᑎᖃᖅᑐᑦ ᐃᑲᔪᖅᑐᐃᓗᑎᒃ ᐃᒥᐅᓗᐃᑦ ᒥᒃᓵᓄᑦ ᐅᔾᔨᕈᓱᖕᓂᕐᒥᒃ ᐊᒻᒪᓗ ᐃᓕᓐᓂᐊᖅᑎᑦᑎᓂᕐᒥᒃ, ᐊᒻᒪᓗ ᐊᐅᓚᓪᓗᒋᑦ ᓂᐅᕕᖅᑕᐅᓂᖏᑦ, ᓂᐅᕕᐊᒃᓴᐅᓂᖏᑦ ᐊᒻᒪᓗ ᑎᑭᑎᑕᐅᓂᖏᑦ ᐃᒥᐊᓗᐃᑦ ᓄᓇᓕᖕᒧᑦ.”

 

ᓂᕈᐊᖅᐸᒌᕐᓂᐊᖅᑐᑦ ᑎᕆᒡᓗᐃᑦ (ᐄᐳᕆ) 19-ᒥᑦ ᔨᐊᓯ ᐅᓈᖅ ᐃᒡᓗᒥᑦ 12-ᒥᑦ ᐅᑉᓗᕈᒥᑕᕐᓇᒥᑦ 7-ᒧᑦ ᐅᓐᓄᒃᓴᒃᑯᑦ.

ᓂᕈᐊᕐᓇᐅᑉ ᐅᑉᓗᖓᓂᑦ ᓂᕈᐊᕐᓂᐊᖅᑐᑦ ᑎᕆᒡᓗᐃᑦ (ᐄᐳᕆ) 26-ᒥᑦ ᐱᙳᐊᕐᕕᖕᒥᑦ 9-ᒥᑦ ᐅᑉᓛᒃᑯᑦ 7-ᒧᑦ ᐅᓐᓄᒃᓴᒃᑯᑦ.

 

ᑐᑭᓕᐅᖅᑕᐅᓂᖓ ᐊᐱᖅᑯᑎ

60%-ᖑᒃᐸᑦ ᐊᒥᓲᓂᖅᓴᐃᓪᓘᓐᓃᑦ ᓂᕈᐊᖅᑐᑦ “ᐄ”-ᒧᑦ:

  1. ᒫᓐᓇᐅᔪᖅ ᖃᒪᓂᑦᑐᐊᕐᒥᑦ ᖃᓂᑕᖓᓂᓗ ᑭᒡᓕᖃᖅᑎᑦᑎᙱᑦᑐᖅ ᐃᒥᐊᓗᖕᓂᑦ ᐊᑐᕈᖕᓃᕐᓂᐊᖅᑐᖅ.
  2. ᑲᑎᒪᔨᐊᓛᓂᒃ ᐋᖅᑭᒃᓯᓂᐊᖅᑐᑦ ᖃᒪᓂᑦᑐᐊᕐᒥᑦ ᖃᓂᑕᖓᓂᓗ, ᓄᓇᓕᖕᒥᑦ ᓂᕈᐊᖅᑕᐅᓗᑎᒃ ᐃᒥᐊᓗᐃᑦ ᒥᒃᓵᓄᑦ ᑲᑎᒪᔨᕋᓛᖑᓂᐊᖅᑐᑦ ᐱᔭᒃᓴᐅᑎᖃᕐᓗᑎᒃ ᐃᑲᔪᖅᑐᐃᓗᑎᒃ ᐃᒥᐊᓗᐃᑦ ᒥᒃᓵᓄᑦ ᐅᔾᔨᕈᓱᖕᓂᕐᒥᑦ ᐊᒻᒪᓗ ᐃᓕᓐᓂᐊᖅᑎᑦᑎᓂᕐᒥᒃ, ᐊᒻᒪᓗ ᐊᐅᓚᓪᓗᒋᑦ ᓂᐅᕕᖅᑕᐅᓂᖏᑦ, ᓂᐅᕕᐊᒃᓴᐅᓂᖏᑦ ᐊᒻᒪᓗ ᑎᑭᑎᑕᐅᓂᖏᑦ ᐃᒥᐊᓗᐃᑦ ᓄᓇᓕᖕᒧᑦ.

 

60% ᑐᖔᓃᑉᐸᑕ ᓂᕈᐊᕈᑕᐅᔪᑦ “ᐄ”-ᒧᑦ:

ᒫᓐᓇ ᑭᒡᓕᖃᖅᑎᑦᑎᙱᑦᑐᑦ ᓄᓇᓕᒃ ᒪᓕᖕᓂᐊᕐᓗᓂ ᓄᓇᕗᒻᒧᑦ ᒪᓕᒐᕆᔭᐅᔪᓂᑦ ᑲᔪᓯᓂᐊᖅᑐᖅ.