ᖃᓄᖅ ᓂᕈᐊᕈᖕᓇᕐᓂᖅ

ᐱᔪᒪᔭᑎᑦ ᐊᑐᕐᓗᒋᑦ ᐊᔾᔩᒋᖏᑦᑐᓂᒃ ᓂᕈᐊᕈᖕᓇᖅᑐᑦ. ᐅᕝᕙ ᑎᑎᕋᖅᓯᒪᔪᑦ ᖃᓄᖅ ᓂᕈᐊᖅᑎᑦᑎᓂᕐᓂᑦ ᓂᕈᐊᕈᖕᓇᕐᓂᖏᑦ ᓄᓇᕗᒻᒥᐅᑦ ᐊᒻᒪᓗ ᓄᓇᕗᒻᒥᓗᒃᑖᖅ ᐊᐱᖅᑯᑎᓄᑦ ᓂᕈᐊᖅᑎᑦᑎᓂᕐᓂᑦ.

ᖃᐅᔨᒪᒋᑦ! ᓂᕈᐊᕈᖕᓇᖅᑐᑦ ᐊᑎᖏᓐᓃᑦᑕᕆᐊᖃᖅᑐᑎᑦ ᓂᕈᐊᕐᓂᐊᕐᓗᑎᑦ. ᐊᑎᖏᓐᓃᙱᒃᑯᕕᑦ, ᐃᓕᔭᐅᖃᑕᐅᔪᖕᓇᖅᑐᑎᑦ ᓂᕈᐊᕆᐊᖅᑐᕈᕕᑦ. ᑕᑯᓗᒍ ᑭᓇ ᓂᕈᐊᕈᖕᓇᖅᐸᑦ ᑐᑭᓯᐅᒪᔾᔪᑎᓂᒃ ᐱᓂᐊᕐᓗᑎᑦ.

ᓂᕈᐊᕆᐊᖅᑐᕐᓗᑎᑦ

ᓄᓇᓕᖕᓂᑦ ᓂᕈᐊᕆᐊᖅᑐᕐᕕᖕᒥᑦ (ᓂᕈᐊᕐᓇᐅᑉ ᐅᑉᓗᖓᓂᑦ)

ᓂᕈᐊᕐᓇᐅᑉ ᐅᑉᓗᖓᓂᑦ ᐃᑲᕐᕋᕆᔭᐅᔪᑦ:

  • ᐃᑲᕐᕋᕆᔭᐅᔪᑦ: 9-ᒥᑦ ᐅᑉᓛᒃᑯᑦ 7-ᒧᑦ ᐅᓐᓄᒃᓴᒃᑯᑦ (ᓄᓇᓕᐅᑉ ᖃᐅᔨᓴᐅᑎᖓ ᒪᓕᒡᓗᒍ)

ᓂᕈᐊᖅᐸᒌᕐᓇᖅ (ᓂᕈᐊᕐᓇᐅᑉ ᐅᑉᓗᐊᑕ ᓯᕗᓂᐊᒍᑦ)

ᓄᓇᓕᖕᓂᑦ ᓂᕈᐊᖅᑐᓕᕆᔨᐅᑉ ᑎᑎᕋᕐᕕᐊᓂᑦ ᐱᖃᙱᑦᑐᓂᒃ.

  • ᐊᑕᐅᓯᖅ ᐅᑉᓗᕐᒥᑐᐃᓐᓇᖅ (7 ᐅᑉᓗᐃᑦ ᓂᕈᐊᕐᓇᐅᑉ ᐅᑉᓗᐊᑕ ᓯᕗᓂᐊᒍᑦ)
  • ᐃᑲᕐᕋᕆᔭᐅᔪᑦ: 12-ᒥᑦ ᐅᑉᓗᕈᒥᑕᕐᓇᒥᑦ 7-ᒧᑦ ᐅᓐᓄᒃᓴᒃᑯᑦ (ᓄᓇᓕᐅᑉ ᖃᐅᔨᓴᐅᑎᖓ ᒪᓕᒡᓗᒍ)

ᐊᔾᔨᐅᖏᑦᑐᑦ ᓂᕈᐊᕐᓃᑦ

ᑎᑎᖅᑲᑎᒎᕆᐊᓕᒃ ᓂᕈᐊᕈᑎ

  1. ᑕᑕᑎᕐᓗᒍ ᐊᔾᔨᐅᖏᑦᑐᖅ ᓂᕈᐊᕈᑎᒧᑦ ᑐᒃᓯᕋᐅᑎ ᑕᑕᑎᕆᐊᓕᒃ (ᒪᓂᒪᔪᖅ ᖃᑉᓗᓈᑎᑐᑐᐃᓐᓇᖅ). ᖃᕆᑕᐅᔭᒃᑯᑦ ᑎᑎᖅᑲᑎᒍᑦ ᐅᕝᕙᓘᓐᓃᑦ ᓱᑲᔪᒃᑯᑦ ᐊᑎᖅᑎᓪᓗᒍ.  (ᑕᐃᒪᓐᓇᐃᓗᑎᑦ ᑐᓴᑐᐊᕈᕕᑦ ᓂᕈᐊᕐᓂᖃᕐᓂᐊᖅᑐᒥᒃ ᐱᓕᕆᐊᕆᒋᐊᑲᐅᑎᒋᓂᐊᕋᑉᑎᒍᑦ ᑐᒃᓯᕋᐅᑏᑦ ᓈᒻᒪᐅᑎᓗᒍ).
  2. ᑐᒃᓯᕋᐅᑏᑦ ᓈᒻᒪᒋᔭᐅᒃᐸᑦ, ᓇᒃᓯᐅᑎᓂᐊᖅᑕᑉᑎᒋᑦ ᑎᑎᖅᑲᑎᒎᕆᐊᓕᖕᒥᒃ ᓂᕈᐊᕈᑎᒧᑦ ᑲᑎᕐᒪᔪᓂᒃ.
  3. ᒪᓕᒡᓗᒋᑦ ᖃᓄᐃᓕᐅᖁᔨᓃᑦ ᓂᕈᐊᕈᑎᒋᔭᐃᓪᓗ ᑎᑎᖃᑎᒍᑦ ᐊᐅᓚᖅᑎᓪᓗᒍ ᑎᑎᕋᕐᕕᑉᑎᖕᓄᑦ. ᓄᓇᕗᒻᒥ ᓂᕈᐊᖅᑐᓕᕆᔨᒃᑯᓐᓄᐊᕆᐊᖃᖅᑐᖅ ᑲᖏᖅᖠᓂᕐᒧᑦ 5-ᒧᐊᖅᑳᖅᑎᓐᓇᒍ ᖃᐅᔨᓴᐅᑎ (ᓄᓇᓕᐅᑉ ᖃᐅᔨᓴᐅᑎᖓ ᒪᓕᒡᓗᒍ) ᓂᕈᐊᕐᓇᐅᑉ ᐅᑉᓗᖓᓂᑦ.

ᐅᕐᓂᒍᑎᔪᖕᓇᖅᑐᖅ ᓂᕈᐊᕐᕕᒃ (ᐊᖏᕐᕋᕆᔭᖕᓄᙵᐅᑎᔭᐅᓗᓂ)

ᑭᓇᑐᐃᓐᓇᕐᒧᑦ ᓂᕈᐊᖅᑎᒧᑦ ᓄᓇᓕᖓᓂᑦ ᓂᕈᐊᕐᓇᐅᑉ ᐅᑉᓗᖓᓂᑦ ᓂᕈᐊᕆᐊᖅᑐᕐᕕᖕᒧᙵᐅᓂᖅ ᐊᔪᖅᑐᒧᑦ, ᓲᕐᓗ ᐃᓐᓇᕆᔭᐅᔪᑦ, ᑎᒥᒥᒍᑦ ᐊᔪᕈᑎᖃᖅᑐᑦ, ᐊᒻᒪᓗ ᒥᐊᓂᖅᓯᔨᒋᔭᖏᑦ.

  • ᖃᐅᔨᒋᐊᕐᕕᒋᓗᒍ ᓄᓇᓕᖕᓂᑦ ᓂᕈᐊᖅᑐᓕᕆᔨᒋᔭᐃᑦ ᐅᕝᕙᓘᓐᓃᑦ ᓄᓇᕗᒻᒥ ᓂᕈᐊᖅᑐᓕᕆᔨᒃᑯᑦ ᐋᕿᒃᓯᓗᑎᑦ ᐅᕐᓂᒍᑎᔪᖕᓇᖅᑐᒥᒃ ᓂᕈᐊᕐᕕᖕᒥᑦ.
  • ᐅᕐᓂᒍᑎᔪᖕᓇᖅᑐᒧᑦ ᓂᕈᐊᕐᕕᖕᒧᑦ ᓂᕈᐊᕐᓂᕐᒧᑦ ᐅᑉᓗᖅ ᐊᒻᒪᓗ ᐃᑲᕐᕋᕆᔭᐅᔪᑦ:
    • ᐊᑕᐅᓯᖅ ᐅᑉᓗᕐᒥᑐᐃᓐᓇᖅ - 7 ᐅᑉᓗᐃᑦ ᓂᕈᐊᕐᓇᐅᑉ ᐅᑉᓗᐊᑕ ᓯᕗᓂᐊᒍᑦ
    • 9-ᒥᑦ 11:30-ᒧᑦ ᐅᑉᓛᒃᑯᑦ (ᓄᓇᓕᐅᑉ ᖃᐅᔨᓴᐅᑎᖓ ᒪᓕᒡᓗᒍ)

ᑐᐊᕕᓇᕐᒃᑐᒃᑯᑦ ᐊᑐᕐᒃᑕᐅᖃᑦᑕᕐᒃᑐᕐᒃ

ᓂᕈᐊᖅᑎᓄᑦ ᓄᓇᓕᐅᑉ ᓯᓚᑖᓃᑦᑐᓄᑦ (ᓲᕐᓗ ᐅᔭᕋᒃᑕᕆᐊᕐᒦᑦᑐᑦ ᐊᒻᒪᓗ ᓄᓇᓕᐊᓛᕆᔭᐅᔪᓂᑦ) ᐊᒻᒪᓗ ᐊᓯᐊᒍᑦ ᓂᕈᐊᕐᓂᖅ ᐊᔪᖅᖢᑎᒃ

  • ᖃᐅᔨᒋᐊᕐᕕᒋᓗᒋᑦ ᓄᓇᕗᒻᒥ ᓂᕈᐊᖅᑐᓕᕆᔨᒃᑯᑦ ᐋᕿᒃᓯᓂᐊᕐᓗᑎᑦ ᑕᐃᒪᓐᓇ ᓂᕈᐊᕐᓂᐊᕐᓂᕐᒧᑦ.
  • ᑕᐃᒪᓐᓇ ᓂᕈᐊᕐᓂᐊᕐᓗᑎᑦ, ᑎᑭᐅᑎᓯᒪᔭᕆᐊᖃᖅᑐᑎᑦ ᐅᑯᓄᖓ ᖃᓄᐃᖓᓂᐅᔪᓄᑦ:
    • ᓂᕈᐊᕈᖕᓇᖅᑐᑦ ᐊᑎᖏᓐᓃᕌᓂᒃᑲᕕᑦ, ᐊᒻᒪᓗ
    • ᐊᓯᐊᒍᑦ ᓂᕈᐊᕐᓂᖅ ᐊᔪᕋᕕᑦ ᓂᕈᐅᓇᙱᑦᑐᒧᑦ ᐊᔪᓕᓚᐅᕋᕕᑦ, ᐅᕝᕙᓘᓐᓃᑦ
    • ᐊᓯᐊᒍᑦ ᓂᕈᐊᕐᓂᖅ ᐊᔪᓚᐅᕋᕕᑦ ᓇᓂᑐᐃᓐᓇᖅ ᓄᓇᓕᐅᑉ ᓯᓚᑖᓄᙵᐅᓂᐊᓵᖅᖢᑎᑦ.