ᓂᕈᐊᒐᒃᓴᓄᑦ

ᓂᕈᐊᒐᒃᓴᖅ ᓂᕈᐊᒐᒃᓴᐅᔪᖅ ᓂᕈᐊᕐᓇᒥᑦ.  ᕼᐋᒻᓚᒃᑯᑦ ᑲᑎᒪᔨᖏᓐᓄᑦ ᓂᕈᐊᖅᑎᑦᑎᓂᕐᒥᑦ, 8-ᖑᔪᑦ ᓂᕈᐊᒐᒃᓴᐃᑦ ᐊᒥᓲᓛᓂᒃ ᓂᕈᐊᖅᑕᐅᔪᑦ ᑲᑎᒪᔨᙳᖃᑦᑕᖅᑐᑦ, ᐊᒻᒪᓗ ᒪᐃᔭᒧᑦ ᓂᕈᐊᒐᒃᓴᖅ ᐊᒥᓲᓛᓂᒃ ᓂᕈᐊᖅᑕᐅᔪᖅ ᒪᐃᔭᙳᖅᖢᓂ.  ᐃᓄᒃ ᑲᑎᒪᔨᒧᑦ ᒪᐃᔭᒧᓪᓗ ᐊᑕᐅᑦᑎᒃᑯᑦ ᓂᕈᐊᒐᒃᓴᐅᓂᖅ ᐊᔪᖅᑐᖅ.

ᑭᓇ ᓂᕈᐊᒐᒃᓴᐅᔪᖕᓇᖅᐸ?

ᓂᕈᐊᕐᓂᖅ ᐊᔪᙱᒃᑯᕕᑦ, ᓂᕈᐊᒐᒃᓴᐅᔪᖕᓇᖅᑐᑎᑦ.

ᐊᔪᓕᖅᑎᑕᐅᓂᖅ ᓂᕈᐊᒐᒃᓴᐅᔪᖕᓇᕐᓂᕐᒧᑦ

ᐃᓚᖏᓐᓂᒃ ᐊᔾᔨᐅᖏᑦᑐᓂᒃ ᐊᔪᓕᖅᑎᑦᑎᓂᖃᖃᑦᑕᖅᑐᖅ ᓂᕈᐊᒐᒃᓴᐅᔪᖕᓇᕐᓂᕐᒧᑦ.  ᓂᕈᐊᒐᒃᓴᐅᓂᖅ ᒪᐃᔭᒧᑦ ᐅᕝᕙᓘᓐᓃᑦ ᕼᐋᒻᓚᒃᑯᓐᓄᑦ ᑲᑎᒪᔨᒧᑦ ᐊᔪᖅᑐᑎᑦ ᐃᒪᓐᓇᐃᒃᑯᕕᑦ:

  • ᐃᖃᖅᑐᐃᔨ ᐃᖃᖅᑐᐃᔨᕋᓛᖅ (ᑭᓯᐊᓂ ᓄᖅᑲᕐᕕᒋᒍᖕᓂᑦ ᐱᓕᕆᐊᑦ),
  • ᒪᓕᒐᓕᐅᖅᑎ ᐅᕝᕙᓘᓐᓃᑦ ᒪᓕᒐᓕᐅᕐᕕᒡᔪᐊᕐᒧᑦ ᒪᓕᒐᓕᐅᖅᑎ,
  • ᐱᓕᕆᔨᐅᔪᖅ ᕼᐋᒻᓚᒃᑯᓐᓄᑦ (ᐱᓕᕆᐊᒥᑦ ᓄᖅᑲᕐᓂᐊᕐᓗᓂ ᐊᔪᕐᓇᕈᖕᓃᖅᑐᖅ),
  • ᓂᕈᐊᖅᑐᓕᕆᓂᕐᒧᑦ ᐱᓕᕆᔨ (ᐃᓚᐅᔪᑦ ᓄᓇᕗᒻᒥ ᓂᕈᐊᖅᑐᓕᕆᔨᒃᑯᓐᓄᑦ ᐱᓕᕆᔩᑦ),
  • ᑎᒍᔭᐅᓯᒪᒍᕕᑦ,
  • ᐸᓯᔭᐅᓯᒪᒍᕕᑦ ᒪᓕᒃᖢᒋᑦ ᓂᕈᐊᖅᑐᓕᕆᓂᕐᒧᑦ ᐱᖁᔭᖅ ᐅᑭᐅᑦ ᑕᓪᓕᒪᑦ ᐃᓗᐊᓂᑦ ᐊᓂᒍᖅᑐᓂᑦ,
  • ᒪᓕᓚᐅᖏᓐᓇᕕᑦ ᑮᓇᐅᔭᐃᑦ ᒥᒃᓵᓄᑦ ᐅᓂᑉᑳᓕᐅᕆᓂᕐᒧᑦ ᒪᓕᒐᓕᐅᖅᑎᐅᓂᕐᒧᑦ ᓂᕈᐊᖅᑎᑦᑎᓂᕐᒥᑦ ᐅᑭᐅᑦ ᑕᓪᓕᒪᑦ ᐃᓗᐊᓂᑦ ᐊᓂᒍᖅᑐᓂᑦ,
  • ᐃᖅᑲᖅᑐᐃᕝᕕᒃ ᖃᐅᔨᖕᒪᑦ ᐃᓕᖕᓂᒃ ᐃᓱᒪᓕᐅᕈᑎᓂᕐᒥᒃ ᐊᔪᕋᕕᑦ,
  • ᐃᖅᑲᖅᑐᐃᕝᕕᖕᒧᑦ ᐳᑭᖅᑕᓕᒃ,
  • ᓈᓴᐃᔨ ᐅᕝᕙᓘᓐᓃᑦ ᖃᐅᔨᓴᐃᔨ ᕼᐋᒻᓚᒧᑦ,
  • ᒥᐊᓂᖅᓯᔨ ᐱᓕᕆᔨᒧᑦ ᕼᐋᒻᓚᒃᑯᓐᓄᑦ (ᐱᔭᒃᓴᐅᑎᖃᕈᕕᑦ ᕼᐋᒻᓚᒃᑯᓐᓄᑦ ᐱᓕᕆᔨᐅᑉ ᐊᑮᑦᑐᖏᓐᓄᑦ, ᖃᓄᐃᓕᐅᕐᓂᖓᓄᑦ, ᐅᕝᕙᓘᓐᓃᑦ ᐱᓕᕆᓂᖓᓄᑦ),
  • ᐊᑮᑦᑐᖃᕋᕕᑦ ᕼᐋᒻᓚᒃᑯᓐᓄᑦ $500-ᓂᒃ ᐅᖓᑖᓄᓐᓘᓐᓃᑦ 90 ᐅᑉᓗᐃᑦ ᐅᖓᑖᓄᑦ,
  • ᐃᓄᒃ ᐊᐅᓚᑦᑎᓂᖃᖅᑐᖅ ᑲᒻᐸᓂᒥᑦ ᐊᑮᑦᑐᖃᖅᖢᓂ ᕼᐋᒻᓚᒃᑯᓐᓄᑦ $500-ᓂᒃ ᐅᖓᑖᓄᓐᓘᓐᓃᑦ 90 ᐅᑉᓗᐃᑦ ᐅᖓᑖᓄᑦ, ᐅᕝᕙᓘᓐᓃᑦ
  • ᐃᓄᒃ ᐊᑭᓕᓗᒃᑖᖅᒪᙱᑕᖏᑦ ᕼᐋᒻᓚᒃᑯᓐᓄᑦ ᑖᒃᓰᔭᐃᔭᐅᑎᖏᑦ.

ᖃᓄᖅ ᓂᕈᐊᒐᒃᓴᙳᕈᖕᓇᖅᐳᖓ?

  • ᖃᐅᔨᒋᐊᕐᕕᒋᓗᒍ ᐱᓕᕆᕝᕕᒋᔭᐃᑦ.

ᐃᓚᖏᑦ ᐱᓕᕆᕝᕕᐅᔪᑦ ᒪᓕᒐᖃᖅᑐᑦ ᐱᓕᕆᔨᖏᓐᓄᑦ ᓂᕈᐊᒐᒃᓴᐅᔪᓄᑦ.

ᑕᑕᑎᕐᓗᒍ ᐊᒻᒪᓗ ᐊᑎᓕᐅᕐᓗᒍ ᓂᕈᐊᒐᒃᓴᙳᕈᒪᔾᔪᑎ. ᑎᒃᑯᐊᖅᑕᐅᔭᕆᐊᖃᙱᑦᑐᑎᑦ. ᑐᓂᐅᑎᒋᓗᒍ ᓂᕈᐊᒐᒃᓴᙳᕈᒪᔾᔪᑏᑦ ᓂᕈᐊᖅᑐᓕᕆᔨᐅᔪᒧᑦ ᐅᑯᐊ ᐅᑉᓗᐃᑦ ᐊᑯᓐᓂᖏᓐᓂᑦ ᓯᑎᐱᕆ 23 ᐊᒻᒪᓗ ᓯᑎᐱᕆ 27, 2019-ᒥᑦ. ᑭᒡᓕᒋᔭᖓ ᓯᑎᐱᕆ 27-ᒥᑦ 2-ᒧᐊᖅᐸᑦ ᖃᐅᔨᓴᐅᑎ ᐅᓐᓄᒃᓴᒃᑯᑦ (ᓄᓇᓕᖕᒥᑦ). ᐃᓱᒪᐃᑦ ᐊᓯᐊᙳᖅᐸᑦ, ᓂᕈᐊᒐᒃᓴᐅᓂᕐᓂᒃ ᐲᕈᖕᓇᖅᑐᑎᑦ 5-ᒥᑦ ᐅᓐᓄᒃᓴᒃᑯᑦ (ᓄᓇᓕᖕᒥᑦ) ᑕᒡᕙᓂᑦᑕᐃᓐᓇᖅ ᐅᑉᓗᕐᒥᑦ.