ᓄᕙᒡᔪᐊᕐᓇᖅ-19 ᐊᒃᑐᖅᓯᓂᖃᕐᓂᐊᖅᑐᖅ ᐊᐅᓚᑦᑎᓂᕆᔭᑉᑎᖕᓂᑦ ᐅᑭᐅᓖᑦ (ᐅᒃᑑᐱᕆ) 25, 2021-ᒥᑦ ᑭᑐᓗᒃᑖᓂᒃ ᓂᕈᐊᖅᑎᑦᑎᓂᕐᒥᑦ.

ᐱᓕᕆᖃᑎᒋᔭᕗᑦ ᐊᖓᔪᖅᑳᖅ ᐃᓄᓗᒃᑖᓂᒃ ᐋᓐᓂᐊᖃᖅᑕᐃᓕᒪᔪᓕᕆᔨ ᓄᓇᓕᕗᑦ ᐃᓚᐅᖃᑕᐅᔪᖕᓇᕐᓂᐊᕐᓗᑎᒃ ᒐᕙᒪᖃᕐᓂᕗᑦ ᐅᓗᕆᐊᓇᖅᑐᖃᙱᑦᑐᒦᒻᒫᕐᓗᑕ. ᐅᖃᓕᒫᒃᑲᓐᓂᕆᑦ.

ᑕᑯᒃᑭᑦ ᓄᑖᖑᓛᑦ ᓄᕙᒡᔪᐊᕐᓇᖅ-19−ᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᓪᓗ ᐊᑐᖅᑕᐅᔪᓐᓇᖅᑐᑦ.

ᐊᐱᖅᑯᑕᐅᒐᔪᒃᑐᑦ

ᐊᐱᖁᑎᓄᑦ ᓂᕈᐊᖅᑎᑦᑎᓃᑦ

ᐊᐱᖅᑯᑏᑦ ᒥᒃᓵᓄᑦ ᓂᕈᐊᖅᑎᑦᑎᓂᖃᖅᑎᑦᑎᔪᑦ ᐱᔾᔪᑕᐅᔪᒥᒃ ᐃᓱᒪᓕᐅᕈᑕᐅᓂᐊᕐᓗᓂ ᐊᐱᖅᑯᑏᑦ ᒥᒃᓵᓄᑦ ᓂᕈᐊᖅᑎᑦᑎᓂᒃᑯᑦ.  ᓂᕈᐊᖅᑎᑦᑎᓂᖃᖅᑎᑦᑎᔪᑦ ᐅᑯᐊᖑᔪᖕᓇᖅᑐᑦ ᒪᓕᒐᓕᐅᕐᕕᒃ, ᒪᓂᔅᑕᐃᑦ, ᒥᓂᔅᑕ, ᐅᕝᕙᓘᓐᓃᑦ ᓄᓇᓕᐅᔪᖅ.  ᓂᕈᐊᖅᑎᑦᑎᓂᖃᕆᐊᒃᓴᖅ ᐃᓱᒪᓕᐅᖅᓯᒫᓂᙱᒃᑯᑎᒃ, ᑐᒃᓯᕋᐅᑕᐅᔪᖕᓇᖅᑐᖅ ᐃᓄᖕᓄᑦ ᐊᑎᓕᐅᕐᓗᑎᒃ 20%-ᓗᐊᓄᑦ ᓂᕈᐊᖃᑕᐅᓂᖅ ᐊᔪᙱᑦᑐᓄᑦ.  ᐊᐱᖅᑯᑏᑦ ᒥᒃᓵᓄᑦ ᓂᕈᐊᖅᑎᑦᑎᓂᖃᖅᑐᑦ ᐃᓱᒪᓕᐅᖃᑦᑕᖅᑐᑦ ᓂᕈᐊᖅᑎᑦᑎᓂᖃᕐᓂᐊᕐᒪᖔᑕ, ᐅᖃᖃᑎᒋᓗᒋᑦᓄᓇᕗᒻᒥ ᓂᕈᐊᖅᑐᓕᕆᔨᒃᑯᑦ ᐅᖃᖅᓯᒪᓂᐊᕐᓂᖓᑕ ᐊᐱᖅᑯᑕᐅᔫᑉ ᒥᒃᓵᓄᑦ, ᑭᑐᑦ ᓂᕈᐊᖅᑎᐅᓂᐊᕐᒪᖔᑕ, ᖃᖓᒃᑯᑦ ᓂᕈᐊᕐᓂᐊᕐᒪᖔᑕ ᐊᒻᒪᓗ ᑮᓇᐅᔭᖅᑑᑕᐅᓂᐊᖅᑐᖅ.  ᖃᓄᐃᓕᐅᖁᔭᐅᓂᕐᒥᒃ ᐱᐊᓂᒃᑯᑎᒃ ᓂᕈᐊᖅᑎᑦᑎᓂᖃᖁᔨᔪᓂᑦ, ᓄᓇᕗᒻᒥ ᓂᕈᐊᖅᑐᓕᕆᔨᒃᑯᑦ ᐊᐱᖅᑯᑏᑦ ᒥᒃᓵᓄᑦ ᓂᕈᐊᖅᑎᑦᑎᓂᖃᖅᑎᑦᑎᓗᑎᒃ ᐊᒻᒪᓗ ᑐᓴᖅᑕᐅᑎᓪᓗᒋᑦ ᓂᕈᐊᕐᓂᐅᖅᑲᐅᔪᒧᑦ ᖃᓄᐃᖓᓂᐅᔪᑦ.

ᓂᕈᐊᖅᑎᑦᑎᓂᖅ ᓂᕈᐊᕐᓂᐊᕐᓗᓂ ᐃᓄᖕᒥᒃ ᐃᓂᐅᔪᒧᐊᕐᓂᐊᕐᓗᓂ.  ᓄᓇᕗᒻᒥᑦ, ᓂᕈᐊᖃᑦᑕᖅᑐᒍᑦ ᒪᐃᔭᒥᒃ, ᕼᐋᒻᓚᒃᑯᑦ ᑲᑎᒪᔨᖏᓐᓂᒃ, ᐃᓕᓐᓂᐊᖅᑐᓕᕆᔨᐊᓛᒃᑯᑦ ᑲᑎᒪᔨᖏᓐᓂᒃ, ᐊᒻᒪᓗ ᒪᓕᒐᓕᐅᖅᑎᓂᒃ ᒪᓕᒐᓕᐅᕐᕕᖕᒧᑦ.

ᐊᐱᖅᑯᑏᑦ ᒥᒃᓵᓄᑦ ᓂᕈᐊᖅᑎᑦᑎᓂᖅ ᓂᕈᐊᕐᓂᐅᖕᒥᔪᖅ, ᑭᓯᐊᓂᓕ ᐃᓄᖕᒥᒃ ᓂᕈᐊᙱᓪᓗᑎᒃ, ᓂᕈᐊᖅᑏᑦ ᐊᐱᕆᔭᐅᖃᑦᑕᖅᑐᑦ ᐱᒻᒪᕆᐅᔪᒥᒃ ᐊᐱᖅᑯᑎᒥᒃ ᑭᐅᔭᕆᐊᖃᖅᖢᑎᒃ “ᐄ”-ᒥᒃ ᐅᕝᕙᓘᓐᓃᑦ “ᐋᒃᑲ”-ᒥᒃ.

ᐋᒃᑲ.  ᐃᓛᓐᓂᒃᑯᑦ ᐊᐱᖅᑯᑏᑦ ᒥᒃᓵᓄᑦ ᓂᕈᐊᖅᑎᑦᑎᓂᖅ ᐊᑐᖅᑕᐅᖃᑦᑕᖅᑐᖅ ᖃᐅᔨᔾᔪᑕᐅᔪᒪᑉᓗᓂ, ᐃᓱᒪᓕᐅᕈᑕᐅᖏᓪᓗᓂ ᐊᐱᖅᑯᑕᐅᔪᒥᒃ.  ᐊᐱᖅᑯᑏᑦ ᒥᒃᓵᓄᑦ ᓂᕈᐊᖅᑎᑦᑎᓂᖃᕐᓂᐊᓵᖅᑎᓪᓗᒋᑦ, ᐅᖃᖅᓯᒪᔪᖃᖃᑦᑕᖅᑐᖅ ᖃᓄᐃᖓᓂᐅᔪᑦ ᐊᑐᓕᖅᑎᑦᑎᓂᖃᕐᓂᐊᕐᒪᖔᑦ.