ᐅᕙᑦᑎᓐᓂ ᐅᖃᐅᓯᓕᒃ

ᓄᓇᕗᒻᒥ ᓂᕈᐊᖅᑐᓕᕆᔨᒃᑯᑦ ᐱᓕᕆᐊᖃᖃᑦᑕᖅᑐᑦ ᓂᕈᐊᖅᑎᑦᑎᓂᐅᔪᓂᒃ. ᐱᓕᕆᐊᒃᓴᖃᖅᑐᑦ ᒪᓕᖕᓂᕐᒥᒃ ᓄᓇᕗᒻᒥ ᓂᕈᐊᕐᒃᑐᓕᕆᓂᕐᒧᑦ ᐱᖁᔭᖏᓐᓂᑦ ᐊᒪᓗ ᐊᑐᑦᑎᐊᕐᓗᒍ.

ᓄᓇᕗᒻᒥ ᓂᕈᐊᖅᑐᓕᕆᔨᒃᑯᑦ ᐅᑯᐊᖑᔪᑦ:

  • ᓂᕈᐊᖅᑐᓕᕆᔨᒃᑯᑦ ᐊᖓᔪᖅᑳᖓᑦ ᐊᒻᒪᓗ ᐱᓕᕆᔨᖏᑦ ᑲᖏᖅᖠᓂᕐᒥᑦ.
  • ᓂᕈᐊᖅᑐᓕᕆᓂᕐᒧᑦ ᐱᓕᕆᔩᑦ

ᓂᕈᐊᖅᑐᓕᕆᔨᒃᑯᑦ ᐊᖓᔪᖅᑳᖓᑦ

ᓂᕈᐊᖅᑐᓕᕆᔨᒃᑯᑦ ᐊᖓᔪᖅᑳᖓᑦ ᑎᑎᕋᕐᕕᖃᕐᒃᑐᕐᒃ ᐱᓕᕆᔨᖃᕐᒃᖢᓂᓗ ᑲᖏᖅᖠᓂᕐᒥᑦ. ᑲᒪᖃᑦᑕᕐᒃᑐᖅ ᑕᒪᐃᓐᓂᒃ ᓄᓇᕗᒻᒥ ᓂᕈᐊᖅᑐᓕᕆᓂᕐᒧᑦ ᑐᕌᖓᔪᓂᒃ. ᒪᓕᒃᑕᐅᑦᑎᐊᕐᒃᑎᑦᑎᓇᓱᓲᕐᒃ ᓄᓇᕗᒻᒥ ᓂᕈᐊᖅᑐᓕᕆᓂᕐᒧᑦ ᐱᖁᔭᖏᓐᓂᒃ.

ᓄᓇᕗᒻᒥ ᑲᒥᓯᓇ ᑎᒃᑯᐊᖅᓯᕙᒃᑐᖅ ᓂᕈᐊᖅᑐᓕᕆᔨᒃᑯᑦ ᐊᖓᔪᖅᑳᖓᓐᓂᒃ. ᒪᓕᒐᓕᐅᖅᑏᑦ ᑎᒃᑯᐊᖅᑕᐅᖁᔭᕐᒥᓂᒃ ᑐᓂᓯᖃᑦᑕᖅᑐᑦ ᑲᒥᓯᓇᒧᑦ. ᐊᑐᓂ ᓂᕈᐊᖅᑐᓕᕆᔨᒃᑯᑦ ᐊᖓᔪᖅᑳᖑᔪᑦ ᑎᒃᑯᐊᖅᑕᐅᓯᒪᕙᒃᑐᑦ ᐱᓕᕆᐊᕆᓂᐊᕐᓗᒍ 7-ᓄᑦ ᐅᑭᐅᓄᑦ ᐊᒻᒪᓗ ᑲᒥᓯᓇᐅᔪᖅ ᑎᒃᑯᐊᖅᓯᒃᑲᓐᓂᕈᖕᓇᖃᑦᑕᖅᖢᓂ ᑕᐃᑉᓱᒥᖓᑦᑕᐃᓐᓇᖅ ᑐᒡᓕᐊᓂᒃ 7-ᓄᑦ ᐅᑭᐅᑲᓐᓂᕐᓄᑦ.

ᓂᕈᐊᖅᑐᓕᕆᓂᕐᒧᑦ ᐱᓕᕆᔩᑦ

ᓂᕈᐊᖅᑐᓕᕆᓂᕐᒧᑦ ᐱᓕᕆᔨᐅᔪᑦ ᓄᓇᕗᒻᒥ ᓂᕈᐊᖅᑐᓕᕆᔨᒃᑯᓐᓄᑦ ᐱᓕᕆᔨᐅᖃᑦᑕᖅᑐᑦ ᓂᕈᐊᖅᑎᑦᑎᓂᐅᑎᓪᓗᒍ.  ᐅᑯᐊᖑᔪᑦ:

  • ᓂᕈᐊᕐᒃᑐᓕᕆᔩᑦ
  • ᓂᕈᐊᕐᒃᑐᓕᕆᐅᑉ ᐃᑲᔪᕐᒃᑎᖏᑦ
  • ᓂᕈᐊᕐᒃᑎᓂᒃ ᐊᑎᓕᐅᕆᔩᑦ
  • ᓂᕈᐊᕐᒃᑐᓕᕆᔨᐅᑉ ᑐᖏᓕᖏᑦ
  • ᓂᕈᐊᕆᐊᖅᑐᕐᕕᖕᒥᑦ ᑎᑎᕋᖅᑏᑦ