ᑐᑭᓯᐅᒪᔾᔪᑏᑦ ᑐᓂᓯᓂᐊᕐᓗᓂ ᓂᕈᐊᒐᒃᓴᙳᕈᒪᔾᔪᑎᒥᒃ
ᓯᑎᐱᕆ 18-22, 2023
ᐅᑉᓗᕆᔭᐅᔪᑦ ᑐᓂᓯᓂᐊᕐᓗᓂ ᓂᕈᐊᒐᒃᓴᙳᕈᒪᔾᔪᑎᓂᒃ ᐅᒃᑯᐃᖓᓂᐊᖅᑐᑦ ᓯᑎᐱᕆ 18-ᒥᑦ ᐅᑉᓗᕆᑕᕐᓇᒥᑦ ᓯᑎᐱᕆ 22, 2023-ᒧᑦ 2-ᒧᐊᖅᐸᑦ ᓄᓇᓕᐅᑉ ᖃᐅᔨᓴᐅᑎᖓ ᒪᓕᒡᓗᒍ.
ᖃᕆᑕᐅᔭᒃᑯᑦ ᐊᔾᔨᖓᓂᒃ ᐱᔪᖕᓇᖅᑐᑎᑦ ᓂᕈᐊᒐᒃᓴᙳᕈᒪᔾᔪᑎᒥᒃ ᐅᓇ ᓇᕿᓪᓗᒍ ᐅᕝᕙᓘᓐᓃᑦ ᐱᓗᑎᑦ ᓄᓇᓕᖕᒥᑦ ᓂᕈᐊᖅᑐᓕᕆᓂᕐᒧᑦ ᐱᓕᕆᔨᒥᑦ. ᑎᒃᑯᐊᖅᑕᐅᔭᕆᐊᖃᙱᑦᑐᑎᑦ.
ᓂᕈᐊᖅᑐᓕᕆᔨᒋᔭᐃᑦ ᐅᕝᕙᓘᓐᓃᑦ ᓂᕈᐊᖅᑐᓕᕆᔨᐅᑉ ᐃᑲᔪᖅᑎᖓ ᖃᐅᔨᒋᐊᕐᕕᒋᓂᐊᕐᓗᒋᑦ ᐊᒻᒪᓗ ᑎᑎᕋᕐᕕᖓᑕ ᒥᒃᓵᓄᑦ ᐱᔪᖕᓇᖅᑕᑎᑦ ᐅᓇ ᓇᕿᓪᓗᒍ.
ᓂᕈᐊᒐᒃᓴᖅ ᐃᓄᖑᔪᖅ ᓂᕈᐊᒐᒃᓴᐅᑉᓗᓂ ᓂᕈᐊᖅᑎᑦᑎᓂᕐᒥᑦ. ᐃᓕᓐᓂᐊᖅᑐᓕᕆᔨᐊᓛᓄᑦ ᓂᕈᐊᖅᑎᑦᑎᓂᕐᓂᑦ, 7-ᖑᔪᑦ ᓂᕈᐊᒐᒃᓴᐅᔪᑦ (ᐅᕝᕙᓘᓐᓃᑦ ᑕᓪᓕᒪᐃᑦ, ᐅᐃ-ᐅᐃ-ᑯᑦ ᓂᕈᐊᖅᑎᑦᑎᓂᖏᓐᓂᑦ) ᐊᒥᓲᓛᓂᒃ ᓂᕈᐊᖅᑕᐅᔪᑦ ᐃᓕᓐᓂᐊᖅᑐᓕᕆᔨᐊᓛᓄᑦ ᑲᑎᒪᔨᐅᓂᐊᖅᑐᑦ ᑕᐃᑲᓂ ᓄᓇᓕᖕᒥᑦ.
ᑭᓇ ᓂᕈᐊᒐᒃᓴᐅᔪᖕᓇᖅᐸ?
ᓂᕈᐊᕐᓂᖅ ᐊᔪᙱᒃᑯᕕᑦ, ᓂᕈᐊᒐᒃᓴᐅᔪᖕᓇᖅᑐᑎᑦ.
- ᑕᑯᓗᒍ ᑭᓇ ᓂᕈᐊᕈᖕᓇᖅᐸ?
ᖃᓄᖅ ᓂᕈᐊᒐᒃᓴᙳᕈᖕᓇᖅᐳᖓ?
- ᖃᐅᔨᒋᐊᕐᕕᒋᓗᒍ ᐱᓕᕆᕝᕕᒋᔭᐃᑦ.
ᐃᓚᖏᑦ ᐱᓕᕆᕝᕕᐅᔪᑦ ᒪᓕᒐᖃᖅᑐᑦ ᐱᓕᕆᔨᖏᓐᓄᑦ ᓂᕈᐊᒐᒃᓴᐅᔪᓄᑦ.
ᐊᔪᓕᖅᑎᑕᐅᓂᖅ ᓂᕈᐊᒐᒃᓴᐅᔪᖕᓇᕐᓂᕐᒧᑦ
ᐃᓚᖏᓐᓂᑦ ᐊᔾᔨᐅᖏᑦᑐᓂᒃ ᐊᔪᓕᖅᑎᑕᐅᓂᖃᖃᑦᑕᖅᑐᑦ ᓂᕈᐊᒐᒃᓴᐅᔪᖕᓇᕐᓂᕐᒧᑦ. ᓂᕈᐊᒐᒃᓴᐅᓂᖅ ᐃᓕᓐᓂᐊᖅᑐᓕᕆᔨᐊᓛᒃᑯᓐᓄᑦ ᐊᔪᖅᑐᑎᑦ ᐃᒪᓐᓇᐃᒃᑯᕕᑦ:
- ᐃᖅᑲᖅᑐᐃᔨ,
- ᒪᓕᒐᓕᐅᖅᑎ ᐅᕝᕙᓘᓐᓃᑦ ᑲᓇᑕᐅᑉ ᒪᓕᒐᓕᐅᕐᕕᒡᔪᐊᖓᓄᑦ ᒪᓕᒐᓕᐅᖅᑎ,
- ᐃᓕᓐᓂᐊᕐᕕᖕᒥᑦ ᐱᓕᕆᔨᐅᔪᖅ ᐅᕝᕙᓘᓐᓃᑦ ᐃᓕᓐᓂᐊᖅᑐᓕᕆᔨᐊᓛᒃᑯᓐᓄᑦ,
- ᓂᕈᐊᖅᑎᑦᑎᓂᕐᒧᑦ ᐱᓕᕆᔨ (ᐃᓚᐅᑉᓗᑎᒃ ᓄᓇᕗᒻᒥ ᓂᕈᐊᖅᑐᓕᕆᔨᒃᑯᓐᓄᑦ ᐱᓕᕆᔩᑦ),
- ᑎᒍᔭᐅᓯᒪᔪᖅ,
- ᐸᓯᔭᒃᓴᙳᖅᑎᑕᐅᔪᖅ ᒪᓕᒃᖢᒋᑦ ᓇᓕᑐᐃᓐᓇᖏᓐᓂᑦ ᓂᕈᐊᖅᑐᓕᕆᓂᕐᒧᑦ ᐱᖁᔭᖅ ᐊᓂᒍᖅᑐᓂᑦ ᐅᑭᐅᑦ ᑕᓪᓕᒪᐃᑦ ᐃᓗᐊᓂᑦ,
- ᒪᓕᓚᐅᖏᑦᑐᖅ ᑮᓇᐅᔭᐃᑦ ᒥᒃᓵᓄᑦ ᐅᓂᑉᑳᓕᐅᕆᓂᕐᒧᑦ ᒪᓕᒐᓕᐅᖅᑎᒧᑦ ᓂᕈᐊᕐᓂᖃᖅᑎᓪᓗᒋᑦ ᐊᓂᒍᖅᑐᓂᑦ ᐅᑭᐅᑦ ᑕᓪᓕᒪᐃᑦ ᐃᓗᐊᓂᑦ, ᐅᕝᕙᓘᓐᓃᑦ
- ᖃᐅᔨᔭᐅᔪᖅ ᐃᖅᑲᖅᑐᐃᕝᕕᒃᑯᓐᓄᑦ ᐃᖕᒥᓄᑦ ᐃᓱᒪᓕᐅᕆᓂᖅ ᐊᔪᕐᓂᖓᓄᑦ.
ᓂᕈᐊᒐᒃᓴᐅᓂᐊᖅᐱᑦ ᐅᐃ-ᐅᐃ-ᑯᑦ ᐃᓕᓐᓂᐊᖅᑐᓕᕆᔨᐊᓛᒃᑯᖏᓐᓄᑦ? ᐅᓇ ᓇᕿᓪᓗᒍ ᑐᑭᓯᐅᒪᔾᔪᑎᒃᑲᓐᓂᕐᓂᒃ ᐱᔪᒪᒍᕕᑦ.
