ᐃᓕᓐᓂᐊᖅᑐᓕᕆᔨᐊᓛᑦ ᓄᓇᓕᖕᒥᑦ ᑲᑎᒪᔨᐅᔪᑦ ᐃᓱᒪᓕᐅᖃᑦᑕᖅᖢᑎᒃ, ᐱᓕᕆᖃᑎᒋᑉᓗᒋᑦ ᐊᕕᒃᑐᖅᓯᒪᔪᒥᑦ ᐃᓕᓐᓂᐊᕐᕕᖕᓄᑦ ᐊᐅᓛᖅᑎᑦᑎᔩᑦ ᐊᒻᒪᓗ ᐃᓕᓐᓂᐊᕐᕕᖕᒥᑦ ᐱᓕᕆᔩᑦ, ᖃᓄᖅ ᐃᓕᓐᓂᐊᖅᑎᑦᑎᓂᖅ ᐱᓕᕆᐊᖑᖃᑦᑕᕐᒪᖔᑦ ᓄᓇᓕᖕᒥᑦ. ᐱᔭᒃᓴᐅᑎᖏᓐᓂᑦ ᐃᓚᐅᔪᑦ ᐃᓕᓐᓂᐊᕐᕕᖕᒧᑦ ᐅᑉᓗᖅᓯᐅᑎᒋᔭᐅᓂᐊᖅᑐᓕᕆᑉᓗᑎᒃ ᐊᒻᒪᓗ ᐃᓕᓐᓂᐊᕆᐊᖃᑦᑕᖅᑐᑦ ᓇᓗᓇᐃᖅᑕᐅᖃᑦᑕᕐᓂᖏᓐᓄᑦ ᐊᑐᐊᒐᒥᒃ.
- ᐃᓕᓐᓂᐊᖅᑐᓕᕆᔨᐊᓛᒃᑯᑦ 7-ᓂᒃ ᑲᑎᒪᔨᖃᖅᑐᑦ ᓄᓇᓕᖕᒥᑦ ᓂᕈᐊᖅᑕᐅᖃᑦᑕᖅᖢᑎᒃ.
- ᑭᖑᓪᓕᕐᒥᑦ ᐃᓕᓐᓂᐊᖅᑐᓕᕆᔨᐊᓛᓗᒃᑖᓄᑦ ᓂᕈᐊᖅᑎᑦᑎᓂᐅᓂᐊᖅᑐᖅ ᐅᒃᑑᐱᕆ 23, 2023-ᒥᑦ.
- ᐅᐃ-ᐅᐃ-ᓄᑦ ᐃᓕᓐᓂᐊᖅᑐᓕᕆᔨᐊᓛᑦ ᐃᓕᓐᓂᐊᖅᑐᓕᕆᔨᐊᓛᖑᖕᒥᔪᑦ, ᐱᓕᕆᐊᖏᑦ ᐊᔾᔨᒋᒻᒪᕆᙱᒃᑲᓗᐊᖅᖢᒋᑦ ᐊᒻᒪᓗ ᑕᓪᓕᒪᓂᒃ ᑲᑎᒪᔨᖃᖅᖢᑎᒃ 7-ᓂᐅᖏᑦᑐᖅ.
- 27-ᓂᒃ ᐃᓕᓐᓂᐊᖅᑐᓕᕆᔨᐊᓛᓄᑦ ᑲᑎᒪᔨᖃᖅᑐᑦ (ᐃᓚᐅᑉᓗᑎᒃ ᐅᐃ-ᐅᐃ-ᑯᑦ) ᓄᓇᕗᓗᒃᑖᕐᒥᑦ.
- ᑲᑎᒪᔨᐅᑉ ᐃᓂᐊ ᐃᓐᓄᒃᑕᐅᓯᒪᔪᖕᓃᖅᐸᑦ ᓂᕈᐊᖅᑎᑦᑎᓃᑦ ᐊᑯᓐᓂᖏᓐᓂᑦ, ᐊᓯᐊᓂᒃ ᑎᒃᑯᐊᖅᓯᖃᑦᑕᖅᑐᑦ. ᑕᒪᐅᓇᒥᐊᖅ ᓂᕈᐊᖅᑎᑦᑎᓂᖅᑕᖃᖃᑦᑕᙱᑦᑐᖅ.
ᑕᒃᐸᒃᑯᐊ ᑐᑭᓯᐅᒪᔾᔪᑎᓂᑦ ᐃᓚᐅᔪᑦ ᒫᓐᓇᓵᖅ ᐊᓯᐊᙳᕐᓂᐅᓚᐅᖅᑐᑦ ᐊᒃᑐᖅᓯᔪᑦ ᐊᐅᓚᑦᑎᓂᕐᒥᒃ ᐃᓕᓐᓂᐊᖅᑐᓕᕆᔨᐊᓛᓄᑦ ᓂᕈᐊᖅᑎᑦᑎᓂᕐᓂᒃ. ᐃᓕᑦᑎᒃᑲᓐᓂᕐᓗᑎᑦ ᑖᑉᑯᓂᙵᑦ:
- ᓇᐃᓈᖅᓯᒪᔪᖅ ᐊᐅᓚᑦᑎᓂᕐᒧᑦ ᐃᓕᓐᓂᐊᖅᑐᓕᕆᔨᐊᓛᓄᑦ ᓂᕈᐊᖅᑎᑦᑎᓂᕐᓄᑦ 2019-ᒥᑦ ᐅᓇ ᓇᕿᓪᓗᒍ.
- ᐱᒻᒪᕆᐅᔪᑦ ᐊᓯᐊᙳᖅᑐᑦ ᕼᐋᒻᓚᓄᑦ ᓂᕈᐊᖅᑎᑦᑎᓂᕐᒧᑦ ᐱᖁᔭᒃᓴᕐᒥᑦ (ᐃᓚᐅᔪᑦ ᐃᓕᓐᓂᐊᖅᑐᓕᕆᔨᐊᓛᓄᑦ ᓂᕈᐊᖅᑎᑦᑎᓃᑦ) ᑕᑯᔪᖕᓇᖅᑕᓯ ᐅᓇ ᓇᕿᓪᓗᒍ.
