ᐃᒥᐅᓗᐃᑦ ᒥᒃᓵᓄᑦ ᑲᑎᒪᔨᕋᓛᑦ ᑲᑎᒪᔨᖏᑦ ᓂᕈᐊᖅᑕᐅᖃᑦᑕᖅᑐᑦ ᐊᕐᕌᒍᑕᒫᒃᑯᑦ. ᓂᕈᐊᖅᑎᑦᑎᓃᑦ ᐃᒥᐅᓗᐃᑦ ᒥᒃᓵᓄᑦ ᑲᑎᒪᔨᕋᓛᑦ ᑲᑎᒪᔨᖏᓐᓄᑦ ᐊᑕᐅᑦᑎᒃᑰᖃᑕᐅᒐᔪᒃᑐᑦ ᕼᐋᒻᓚᒃᑯᑦ ᓂᕈᐊᖅᑎᑦᑎᓂᖏᓐᓂᑦ.
ᐊᔪᙱᓐᓂᐊᕐᓗᓂ ᓂᕈᐊᒐᒃᓴᐅᓂᕐᒧᑦ, ᐃᒪᓐᓇᐃᑦᑕᕆᐊᖃᖅᑐᑎᑦ:
- ᓂᕈᐊᖃᑕᐅᓂᖅ ᐊᔪᙱᑦᑑᖅ ᒪᓕᒃᖢᒋᑦ ᓄᓇᕗᒻᒥ ᓂᕈᐊᖅᑐᓕᕆᓂᕐᒧᑦ ᐱᖁᔭᖏᑦ;
- ᑲᓇᑕᒥᐅᑕᖅ;
- 18 ᑐᖔᓂᐅᖏᑦᑐᖅ ᐅᑭᐅᓕᒃ ᓂᕈᐊᕐᓇᐅᑉ ᐅᑉᓗᖓᓂᑦ;
- ᓄᓇᕗᒻᒥᐅᑕᖅ ᐅᑭᐅᑉ ᑐᖔᓂᐅᖏᑦᑐᖅ ᓂᕈᐊᕐᓇᐅᑉ ᐅᑉᓗᖓᓂᑦ; ᐊᒻᒪᓗ
- ᓄᓇᓕᖕᒥᐅᑕᐅᓗᓂ ᓂᕈᐊᒐᒃᓴᙳᕐᕕᒋᔭᕐᒥᑦ.
ᓂᕈᐊᒐᒃᓴᐅᓂᖅ ᐊᔪᖅᑐᑎᑦ ᐃᒪᓐᓇᐃᒃᑯᕕᑦ:
- ᐃᖅᑲᖅᑐᐃᔨᐅᒍᕕᑦ ᐃᖅᑲᖅᑐᐃᕝᕕᖕᒥᑦ, ᓄᓇᓕᖃᕐᓂᕐᒧᑦ ᐃᖅᑲᖅᑐᐃᕝᕕᐅᑉ ᐊᓯᐊᓂᑦ;
- ᒪᓕᒐᓕᐅᖅᑎᐅᒍᕕᑦ ᒪᓕᒐᓕᐅᕐᕕᖕᒥᑦ ᐅᕝᕙᓘᓐᓃᑦ ᑲᓇᑕᐅᑉ ᒪᓕᒐᓕᐅᕐᕕᖓᓄᑦ ᒪᓕᒐᓕᐅᖅᑎᐅᒍᕕᑦ;
- ᓂᕈᐊᖅᑐᓕᕆᓂᕐᒧᑦ ᐱᓕᕆᔨᐅᒍᕕᑦ;
- ᑎᒍᔭᐅᓯᒪᒍᕕᑦ;
- ᓂᕈᐊᖅᑐᓕᕆᓂᕐᒧᑦ ᐱᕋᔭᒃᓯᒪᒍᕕᑦ ᓇᓂᑐᐃᓐᓇᖅ ᑲᓇᑕᒥᑦ ᐅᑭᐅᑦ ᑕᓪᓕᒪᐃᑦ ᐃᓗᐊᓂᑦ ᐅᑉᓗᒥᒧᑦ ᑎᑭᖦᖢᒍ, ᐅᕝᕙᓘᓐᓃᑦ
- ᐃᓱᒪᓕᐊᖑᖕᒪᑦ ᐃᖅᑲᖅᑐᐃᕝᕕᖕᒧᑦ ᐃᖕᒥᓂᒃ ᐃᓱᒪᓕᐅᕆᓂᕐᒥᒃ ᐊᔪᕋᕕᑦ.
ᐃᒥᐅᓗᐃᑦ ᒥᒃᓵᓄᑦ ᑲᑎᒪᔨᕋᓛᑦ ᑲᑎᒪᔨᖏᑦ ᓂᕆᐅᒋᔭᐅᔪᑦ ᑐᓴᐅᒪᑎᑕᐅᓂᐊᕐᓗᑎᒃ ᓄᓇᓕᖓᓐᓂᑦ ᐃᒥᐊᓗᖕᓂᒃ ᐱᔾᔪᑎᖃᖅᑐᓂᒃ ᒥᒃᓵᓄᑦ, ᑐᑭᓯᐅᒪᓗᒋᑦ ᐃᒥᐊᓗᖕᓄᑦ ᑭᒡᓕᖃᖅᑎᑦᑎᓂᕐᒧᑦ ᐋᖅᑭᐅᒪᔪᒥᒃ ᓄᓇᓕᖓᓐᓂᑦ, ᐊᒻᒪᓗ ᐊᔾᔨᒌᒃᑎᑦᑎᓂᕐᒥᒃ ᐊᒻᒪᓗ ᑕᑯᒃᓴᐅᔪᒃᑯᑦ ᐱᓕᕆᖃᑦᑕᕐᓗᑎᒃ. ᑲᑎᒪᖃᑕᐅᒍᑎᒃ ᑲᑎᒪᔾᔪᓯᐊᖅᑖᖃᑦᑕᖅᑐᑦ ᐃᒥᐅᓗᐃᑦ ᒥᒃᓵᓄᑦ ᑲᑎᒪᔨᕋᓛᑦ ᑲᑎᒪᔨᖏᑦ.
ᑲᑎᒪᔨᙳᕈᒪᒍᕕᑦ, ᖃᕆᑕᐅᔭᒃᑯᑦ ᐱᓗᒍ ᓂᕈᐊᒐᒃᓴᙳᕈᒪᔾᔪᑎ. ᑕᑕᑎᕐᓗᒍ ᐊᒻᒪᓗ ᑐᓂᐅᑎᒋᓗᒍ ᓄᓇᓕᖕᒥᑦ ᓂᕈᐊᖅᑐᓕᕆᔨᒋᔭᕐᓄᑦ.
