ᓂᕈᐊᖅᑐᓕᕆᔨᒃᑯᑦ ᐊᖓᔪᖅᑳᖓᑦ ᑐᓂᓯᔪᖅ ᓂᕈᐊᕐᓂᖃᖁᔨᓂᕐᒧᑦ ᑎᓕᓯᔾᔪᑎᓂᒃ
ᑲᖏᖅᖠᓂᖅ, ᓄᓇᕗᑦ - (ᓯᑎᐱᕆ 22, 2025)
ᒪᓕᒃᖢᒍ ᓄᓇᕗᒻᒥ ᑲᒥᓯᓇᐅᑉ ᑐᓴᖅᑎᑦᑎᔾᔪᑎᖓ ᓂᕈᐊᕐᓂᖃᖁᔨᓂᕐᒧᑦ, ᓂᕈᐊᖅᑐᓕᕆᔨᒃᑯᑦ ᐊᖓᔪᖅᑳᖓᑦ ᑐᓂᓯᓚᐅᖅᑐᖅ ᓂᕈᐊᕐᓂᖃᖁᔨᓂᕐᒧᑦ ᑎᓕᓯᔾᔪᑎᒥᒃ ᓂᕈᐊᖅᑐᓕᕆᔨᓄᑦ ᐊᑐᓂ ᓄᓇᕗᒻᒥᑦ 22-ᖑᔪᓄᑦ ᑭᒡᒐᖅᑐᖅᑕᐅᕝᕕᖏᓐᓂᑦ. ᓂᕈᐊᕐᓇᐅᑉ ᐅᑉᓗᖓ ᐅᒃᑑᐱᕆ 27-ᒥᐊᓂᖅᑐᖅ.
ᐊᑐᓂ ᑭᒡᒐᖅᑐᖅᑕᐅᕝᕕᖕᓂᑦ, ᓂᕈᐊᖅᑐᓕᕆᔩᑦ ᐊᒻᒪᓗ ᓂᕈᐊᖅᑐᓕᕆᔨᐅᑉ ᐃᑲᔪᖅᑐᖏᑦ ᐱᖃᑦᑕᕐᓂᐊᖅᑐᑦ ᓂᕈᐊᒐᒃᓴᙳᕈᒪᔾᔪᑎᓂᒃ ᐅᑉᓗᒥ ᐱᒋᐊᕐᓗᑎᒃ ᐃᓱᓕᓐᓂᐊᖅᖢᓂ ᑕᓕᒻᒥᕐᒥᑦ, ᓯᑎᐱᕆ 26-ᒥᑦ 2-ᒧᐊᖅᐸᑦ ᓄᓇᓕᐅᑉ ᖃᐅᔨᓴᐃᑎᖓ ᒪᓕᒡᓗᒍ. ᖃᐅᔨᒋᐊᕐᕕᐅᔪᒪᒃᐸᑕ ᓂᕈᐊᖅᑐᓕᕆᔩᑦ ᐊᒻᒪᓗ ᓂᕈᐊᖅᑐᓕᕆᔨᐅᑉ ᐃᑲᔪᖅᑎᖏᑦ ᖃᕆᑕᐅᔭᒃᑯᑦ ᑕᑯᔭᐅᒋᐊᖅᑕᕐᕕᑉᑎᖕᓂᑦ www.elections.nu.ca.
ᓈᒻᒪᒋᔭᐅᔪᑦ ᓂᕈᐊᒐᒃᓴᐃᑦ ᓂᕈᐊᒐᒃᓴᐅᔪᖕᓇᕐᓂᕐᒧᑦ ᐊᒻᒪᓗ ᑮᓇᐅᔭᓕᕆᔨᖏᑦ ᐊᑎᖏᑦ ᐊᒻᒪᓗ ᖃᐅᔨᒋᐊᕐᕕᐅᔪᒪᒍᑎᒃ ᑐᑭᓯᐅᒪᔾᔪᑎᖏᑦ ᓇᓗᓇᐃᖅᑕᐅᕌᓂᑐᐊᖅᐸᑕ ᓂᕈᐊᒐᒃᓴᐅᓂᖏᓐᓄᑦ ᐱᔭᐅᔪᖕᓇᕐᒥᔪᑦ ᖃᕆᑕᐅᔭᒃᑯᑦ ᑕᑯᔭᐅᒋᐊᕐᕕᑉᑎᖕᓂᑦ.
ᓇᓗᓇᐃᔭᖅᓯᒪᔪᓂᒃ ᐱᒃᑲᓐᓂᕈᒪᒍᕕᑦ ᖃᐅᔨᒋᐊᕐᕕᒋᓗᒍ:
ᓄᓇᕗᒻᒥ ᓂᕈᐊᖅᑐᓕᕆᔨᒃᑯᑦ
800.267.4394
