ᐱᒐᓱᐊᕈᒪᔪᓄᑦ ᑐᓐᖓᓱᑦᑎᑎᔾᔪᑎ ᓄᓇᕗᒻᒥ ᓂᕈᐊᕐᕖᑦ ᑭᒡᓕᖏᓐᓂᒃ ᕿᒥᕐᕈᔨᓄᑦ

ᓄᓇᕗᑦ ᒪᓕᒐᓕᐅᖅᕕᖓ ᑐᓐᖓᓱᑦᑎᑦᑎᕗᖅ ᐱᒐᓱᐊᕈᒪᔪᓂᒃ, ᒪᕐᕉᓐᓂᒃ ᑲᑎᒪᔩᓐᓄᑦ ᐃᓂᒃᓴᖅᑕᖃᕐᒪᑦ ᐱᔨᑦᑎᕋᕋᔭᖅᑑᓐᓄᒃ ᓄᓇᕗᒻᒥ ᓂᕈᐊᕐᕖᑦ ᑭᒡᓕᖏᓐᓂᒃ ᕿᒥᕐᕈᔨᓄᑦ. ᑕᐃᓐᓇ ᓄᓇᕗᒻᒥ ᓂᕈᐊᖅᑐᓕᕆᓂᕐᒧᑦ ᐱᖁᔭᕐᔪᐊᖓ ᐱᔪᓐᓇᑎᑦᑎᒻᒪᑦ ᓴᖅᑭᖅᑕᐅᓂᖏᓐᓂᑦ ᓂᕈᐊᕐᕖᑦ ᑭᒡᓕᖏᓐᓂᒃ ᕿᒥᕐᕈᔨᓂᒃ ᒪᓕᒐᓕᐅᖅᕕᒻᒧᑦ ᑐᒃᓯᕋᖃᑦᑕᓂᐊᖅᑐᓂᒃ ᑭᓪᓕᒋᔭᐅᖁᔭᖏᓐᓂᑦ ᐊᑎᕆᔭᐅᖁᔭᖏᓐᓂᓪᓗ ᓂᕈᐊᖅᑕᐅᓯᒪ ᕕᐅᔪᓐᓇᖅᑐᑦ ᓄᓇᕗᒻᒥ. ᑖᒃᑯᐊ ᕿᒥᕐᕈᔩᑦ ᓴᖅᑭᖅᑕᐅᓛᕐᒪᑕ ᐅᑭᐊᒃᓵᖓᓂ 2022. ᑕᐃᒃᑯᐊ ᑲᑎᒪᔨᐅᖃᑕᐅᓂᐊᖅᑐᑦ ᓂᕈᐊᕐᕖᑦ ᑭᒡᓕᖏᓐᓂᒃ ᕿᒥᕐᕈᔨᓄᑦ ᑎᒃᑯᐊᖅᑕ - ᐅᓛᕐᒪᑕ ᓄᓇᕗᑦ ᑲᒥᓴᓇᖓᓄᑦ ᒪᓕᓪᓗᓂ ᐊᑐᓕᖁᔭᓕᐊᖑᔪᓂᒃ ᒪᓕᒐᓕᐅᖅᕕᒻᒥ. ᑖᒃᑯᐊ ᕿᒥᕐᕈᔩᑦ ᑲᑎᒪᔨᖃᕐᓂᐊᖅᑐᑦ ᐱᖓᓱᓂᒃ ᐊᒻᒪᓗ ᑐᑭᒧᐊᑦᑎᑕᐅᖃᑦᑕᕐᓗᑎᒃ ᐃᖅᑲᖅᑐᐃᔨᒧᑦ ᐅᕝᕙᓘᓐᓃᑦ ᐃᖅᑲᖅᑐᐃ ᔨᒥ - ᓂᕐᒧᑦ ᐃᓐᓇᐅᓂᕐᒥᓄᑦ ᓄᖅᑲᖓᓕᖅᑐᒧᑦ ᓄᓇᕗᒻᒥ ᐃᖅᑲᖅᑐᐃᔪᓕᕆ - ᔨᒃᑯᓐᓂ ᐅᕝᕙᓘᓐᓃᑦ ᐊᔪᐃᓐᓇᕆᐊᖅᕕᒻᒥ ᐃᖅᑲᖅᑐᐃᕕᒻᒥ. ᑕᐃᒃᑯᐊ ᒪᕐᕉᒃ ᑲᑎᒪᔨᐅᖃᑕᐅᔫᒃ ᓄᓇᕗᒻᒥ ᓂᕈᐊᖃᑕᐅᔪᓐᓇᕆᐊᖃᖅᑑᒃ. ᑎᒃᑯᐊᖅᑕᐅᓂᕐᒧᓪᓕ ᐃᓱᒪᒃᓴᖅᓯᐅᕈᑎᐅᓂᐊᖅᐸᑕ, ᐱᒍᒪᓂᖃᖅᑐᑦ ᑭᒃᑯᑐᐃᓐᓇᐃᑦ ᓇᓗᓇᐃᖅᓯᔪᓐᓇᕆᐊᓖᑦ ᑐᑭᓯᓯᒪᓂᕐᒥᓂᒃ ᓂᕈᐊᖅᑐᓕᕆᓂᕐᒧᑦ ᒪᓕᒐᐅᔪᓂᒃ ᐊᒻᒪ ᖃᓄᖅ ᐊᐅᓚᑕᐅᓲᖑᒻᒪᖔᑕ ᐊᒻᒪᓗ ᑎᑎᕋᖅᓯᒪᔪᓂᒃ ᑐᑭᓯᔭᕐᓂᖏᑦᑐᓂᒃ ᖃᐅᔨᓴᕈᓐᓇᕆᐊᓖᑦ. ᑲᑎᒪᔨᐅᖃᑕᐅᔪᑦ ᓂᕈᐊᕐᕖᑦ ᑭᒡᓕᖏᓐᓂᒃ ᕿᒥᕐᕈᔨᓄᑦ ᐊᐅᓪᓚᖃᑦᑕᕆ - ᐊᖃᕋᔭᖅᑐᑦ. ᐃᓚᒋᔭᐅᔪᑦ ᕿᒥᕐᕈᔨᓄᑦ ᐊᑭᓕᖅᓱᖅᑕᐅᖃᑦᑕᓂᐊᖅᑐᑦ ᒪᓕᓪᓗᑎᒃ ᓄᓇᕗᑦ ᒐᕙᒪᖓᑕ ᑲᑎᒪᔾᔪᓯᐊᕆᓲᖏᓐᓂᑦ ᖃᐅᑕᒫᖅᓯᐅᑎᖏᓐᓂᓪᓗ ᐊᔾᔨᖃᕐᓗᑎᒃ. ᐱᒐᓱᐊᕈᑎᓯ ᑕᑕᑎᖅᓯᒪᔪᖅ ᑐᓂᒋᐊᖃᖅᑕᓯ, ᐃᓚᖃᕐᓗᓂ ᐅᓪᓗᒥᒧᑦ ᐊᓐᖑᑎᓯᒪᔪᒥᒃ ᐃᓕᓐᓂᐊᓚᐅᖅᓯᒪᓂᕐᓄᑦ ᐃᖅᑲᓇᐃᔭᓚᐅᖅᓯᒪᓂᕐᓄᑦ ᓇᓗᓇᐃᖅᓯᔾᔪᑎᓐᓂᑦ ᑎᑎᖅᑲᒥᒃ ᐊᒻᒪᓗ ᑎᑎᖅᑲᑐᐃᓐᓇᕐᒥᒃ ᐱᒋᐊᓐᖓᕐᓂᖓᓂ, ᑐᓂᓯᒪᓗᒍᓗ ᑭᖑᓂᐊᓂᐅᓐᖏᑦᑐᖅ 5:00 ᐅᓐᓄᓴᒃᑯᑦ (ᑲᓇᓐᓇᒥ), ᐋᒡᒌᓯ 31, 2022. ᑕᑕᑎᖅᓯᒪᔪᑦ ᖃᐅᔨᒋᐊᕐᓂᐅᔪᓪᓗ ᐅᕗᖓ ᑐᕌᖅᑎᑕᐅᔭᕆᐊᓖᑦ:

ᐊᓪᓚᑦᑎᖓ ᑲᑎᒪᔨᓕᕆᔩᑦ ᑲᑎᒪᔨᖏᓐᓂ ᓄᓇᕗᒻᒥ ᒪᓕᒐᓕᐅᖅᕕᐅᑉ ᐊᓪᓚᕝᕕᖓ

ᑎᑎᖅᑲᖃᐅᑎᖓ 1200, ᐃᖃᓗᐃᑦ, ᓄᓇᕗᑦ, X0A 0H0

ᐅᖄᓚᐅᑎᖓ: (867) 975-5100

ᓱᑲᔪᒃᑯᑦ: (867) 975-5191

ᖃᕋᓴᐅᔭᒃᑯᑦ ᑐᒃᓯᕋᐅᑎᓂᒃ ᐊᐅᓪᓚᑎᑦᑎᕕᒃᓴᖅ ᐅᕗᖓ: submissions@assembly.nu.ca

ᑐᑭᓯᒋᐊᒃᑲᓐᓂᕈᒪᒍᕕᑦ ᑭᓪᓕᓕᕆᓂᕐᒧᑦ ᑲᒥᓴᓐᑯᑦ ᐅᕙᓂ ᓇᓂᔭᐅᔪᓐᓇᖅᑐᑦ.