ᐅᕙᑦᑎᓐᓂ ᐅᖃᐅᓯᓕᒃ

ᓄᓇᕗᒻᒥ ᓂᕈᐊᖅᑐᓕᕆᔨᒃᑯᑦ ᐱᓕᕆᐊᖃᖃᑦᑕᖅᑐᑦ ᓄᓇᕗᒻᒥ ᓂᕈᐊᖅᑎᑦᑎᓂᐅᔪᓂᒃ, ᕼᐊᒻᓚᐅᔪᓄᑦ ᐊᒻᒪᓗ ᐃᓕᓐᓂᐊᖅᑐᓕᕆᔨᐊᓛᓄᑦ ᓂᕈᐊᖅᑎᑦᑎᓂᕐᓂᑦ.  ᓄᓇᕗᒻᒥ ᓂᕈᐊᖅᑐᓕᕆᔨᒃᑯᑦ ᐱᓕᕆᐊᒃᓴᖃᖃᑦᑕᖅᑐᑦ ᓂᕈᐊᖅᑎᑦᑎᓂᕐᓂᒃ ᐱᐊᓂᒃᑎᑦᑎᓂᐊᕐᓗᑎᒃ.  ᐱᔭᒃᓴᐅᑎᖃᖅᑐᑦ ᒪᓕᖕᓂᕐᒥᒃᓄᓇᕗᒻᒥ ᓂᕈᐊᕐᒃᑐᓕᕆᓂᕐᒧᑦᐱᖁᔭᖏᓐᓂᑦ ᐊᒪᓗ ᐊᐱᖅᑯᑏᑦ ᒥᒃᓵᓄᑦ ᓂᕈᐊᖅᑐᓕᕆᓂᕐᒧᑦ ᐱᖁᔭᓂᒃ ᐊᑐᑦᑎᐊᕐᓗᒍ.

ᓄᓇᕗᒻᒥ ᓂᕈᐊᖅᑐᓕᕆᔨᒃᑯᑦ ᐃᒥᐊᓗᐃᑦ ᒥᒃᓵᓄᑦ ᐱᖁᔭᒃᑯᑦ ᓂᕈᐊᖅᑎᑦᑎᓂᕐᓂᒃ ᐊᒻᒪᓗ ᐊᐱᖅᑯᑏᑦ ᒥᒃᓵᓄᑦ ᐊᐅᓚᑦᑎᖃᑦᑕᖅᑐᑦ ᐊᖏᖃᑎᒌᒍᑎᒃᑯᑦ ᑮᓇᐅᔭᓕᕆᔨᒃᑯᓐᓄᑦ.

ᓄᓇᕗᒻᒥ ᓂᕈᐊᖅᑐᓕᕆᔨᒃᑯᑦ ᐅᑯᐊᖑᔪᑦ:

  • ᓂᕈᐊᖅᑐᓕᕆᔨᒃᑯᑦ ᐊᖓᔪᖅᑳᖓᑦ ᐊᒻᒪᓗ ᐱᓕᕆᔨᖏᑦ ᑲᖏᖅᖠᓂᕐᒥᑦ.
  • ᓂᕈᐊᖅᑐᓕᕆᓂᕐᒧᑦ ᐱᓕᕆᔩᑦ

ᓂᕈᐊᖅᑐᓕᕆᔨᒃᑯᑦ ᐊᖓᔪᖅᑳᖓᑦ

ᓂᕈᐊᖅᑐᓕᕆᔨᒃᑯᑦ ᐊᖓᔪᖅᑳᖓᑦ ᑎᑎᕋᕐᕕᖃᕐᒃᑐᕐᒃ ᐱᓕᕆᔨᖃᕐᒃᖢᓂᓗ ᑲᖏᖅᖠᓂᕐᒥᑦ. ᑲᒪᖃᑦᑕᕐᒃᑐᖅ ᑕᒪᐃᓐᓂᒃ ᓄᓇᕗᒻᒥ ᓂᕈᐊᖅᑐᓕᕆᓂᕐᒧᑦ ᑐᕌᖓᔪᓂᒃ ᐊᒻᒪᓗ ᐊᐱᖅᑯᑏᑦ ᒥᒃᓵᓄᑦ ᓂᕈᐊᖅᑎᑦᑎᓂᕐᓂᑦ. ᒪᓕᒃᑕᐅᑦᑎᐊᕐᒃᑎᑦᑎᓇᓱᓲᕐᒃ  ᓄᓇᕗᒻᒥ ᓂᕈᐊᖅᑐᓕᕆᓂᕐᒧᑦ ᐱᖁᔭᖏᓐᓂᒃ ᐊᒪᓗ ᐊᐱᖅᑯᑏᑦ ᒥᒃᓵᓄᑦ ᓂᕈᐊᖅᑐᓕᕆᓂᕐᒧᑦ ᐱᖁᔭᓂᒃ ᐊᑐᑦᑎᐊᕐᓗᒍ.

ᓂᕈᐊᖅᑐᓕᕆᔨᒃᑯᑦ ᐊᖓᔪᖅᑳᖓᓐᓂᒃ. ᒪᓕᒐᓕᐅᖅᑏᑦ ᑎᒃᑯᐊᖅᑕᐅᖁᔭᕐᒥᓂᒃ ᑐᓂᓯᖃᑦᑕᖅᑐᑦ ᑲᒥᓯᓇᒧᑦ. ᐊᑐᓂ ᓂᕈᐊᖅᑐᓕᕆᔨᒃᑯᑦ ᐊᖓᔪᖅᑳᖑᔪᑦ ᑎᒃᑯᐊᖅᑕᐅᓯᒪᕙᒃᑐᑦ ᐱᓕᕆᐊᕆᓂᐊᕐᓗᒍ 7-ᓄᑦ ᐅᑭᐅᓄᑦ ᐊᒻᒪᓗ ᑲᒥᓯᓇᐅᔪᖅ ᑎᒃᑯᐊᖅᓯᒃᑲᓐᓂᕈᖕᓇᖃᑦᑕᖅᖢᓂ ᑕᐃᑉᓱᒥᖓᑦᑕᐃᓐᓇᖅ ᑐᒡᓕᐊᓂᒃ 7-ᓄᑦ ᐅᑭᐅᑲᓐᓂᕐᓄᑦ.

ᓂᕈᐊᖅᑐᓕᕆᔨᒃᑯᑦ ᐊᖓᔪᖅᑳᖓᑦ ᓄᓇᕗᒻᒥᑦ - ᐃᖏᕐᕋᔭᖕᓂᕐᒧᑦ ᐊᑐᕐᓂᑯᐃᑦ ᐅᑎᕐᕕᐅᔾᔪᑏᑦ

ᓂᕈᐊᖅᑐᓕᕆᓂᕐᒧᑦ ᐱᓕᕆᔩᑦ

ᓂᕈᐊᖅᑐᓕᕆᓂᕐᒧᑦ ᐱᓕᕆᔨᐅᔪᑦ ᓄᓇᕗᒻᒥ ᓂᕈᐊᖅᑐᓕᕆᔨᒃᑯᓐᓄᑦ ᐱᓕᕆᔨᐅᖃᑦᑕᖅᑐᑦ ᓂᕈᐊᖅᑎᑦᑎᓂᐅᑎᓪᓗᒍ.  ᐅᑯᐊᖑᔪᑦ:

  • ᓂᕈᐊᕐᒃᑐᓕᕆᔩᑦ
  • ᓂᕈᐊᕐᒃᑐᓕᕆᐅᑉ ᐃᑲᔪᕐᒃᑎᖏᑦ
  • ᓂᕈᐊᕐᒃᑎᓂᒃ ᐊᑎᓕᐅᕆᔩᑦ
  • ᓂᕈᐊᕐᒃᑐᓕᕆᔨᐅᑉ ᑐᖏᓕᖏᑦ
  • ᓂᕈᐊᕆᐊᖅᑐᕐᕕᖕᒥᑦ ᑎᑎᕋᖅᑏᑦ