ᓇᒃᓴᕆᐊᖃᖅᐳᖓ ᓂᕈᐊᕆᐊᖅᑐᕐᕕᖕᒧᑦ ᑭᓇᐅᓂᒻᓄᑦ ᓇᓗᓇᐃᑯᑕᕐᒥᑦ?

ᑕᑯᑎᑦᑎᔭᕆᐊᖃᕐᓂᐊᖅᑐᒃᓴᐅᔪᑎᑦ ᑭᓇᐅᓂᕐᓄᑦ ᓇᓗᓇᐃᑯᑕᕐᒥᑦ ᓂᕈᐊᖅᑐᓕᕆᓂᕐᒧᑦ ᐱᓕᕆᔨᐅᑉ ᓇᖕᒥᓂᖅ ᖃᐅᔨᒪᙱᑉᐸᑎᑦ, ᐅᕝᕙᓘᓐᓃᑦ ᑕᑯᔪᒪᓗᓂᐅᒃ ᐃᒡᓗᒋᔭᕐᓄᑦ ᑐᕌᕈᑏᑦ ᑎᑎᖅᑲᑎᒍᓪᓘᓐᓃᑦ. ᓄᓇᒃᑰᕈᑎᒥᒃ ᐊᖁᒍᖕᓇᕐᓂᖕᓄᑦ ᓚᐃᓴᓐᓰᑦ, ᓄᓇᒃᑰᕈᑏᑦ ᑎᑎᕋᖅᑕᐅᓯᒪᓂᖓᓄᑦ ᐊᒻᒪᓗ ᓄᓇᕗᑦ ᒐᕙᒪᒃᑯᓐᓂ ᓇᓗᓇᐃᑯᑏᑦ ᐊᑐᖅᑕᐅᔪᖕᓇᖅᑐᓗᒃᑖᑦ. ᓇᓕᑐᐃᓐᓇᖏᓐᓂᒃ ᐱᖃᙱᒃᑯᕕᑦ, ᐊᓯᖏᓐᓂᒃ ᑭᓇᐅᓂᕐᓄᑦ ᓇᓗᓇᐃᑯᑕᓂᒃ ᐊᑐᕈᖕᓇᖅᑐᑎᑦ ᐊᑕᐅᑦᑎᒃᑰᖓᓗᒋᑦ ᓈᒻᒪᒋᔭᐅᔪᑦ. ᑐᑭᓯᐅᒪᔾᔪᑎᒃᑲᓐᓂᕐᓂᒃ ᐱᔪᒪᒍᕕᑦ ᖃᐅᔨᒋᐊᕐᕕᒋᓗᒋᑦ ᓄᓇᕗᒻᒥ ᓂᕈᐊᖅᑐᓕᕆᔨᒃᑯᑦ.

ᑕᑯᑎᑦᑎᔭᕆᐊᖃᕈᕕᑦ ᑭᓇᐅᓂᕐᓄᑦ ᓇᓗᓇᐃᑯᑕᒥᒃ ᐅᑯᓂᙵᑦ ᑐᓂᓯᔭᕆᐊᖃᖅᑐᑎ: ᐊᑕᐅᓯᕐᒥᒃ ᓇᓗᓇᐃᒃᑯᑕᕐᒥᒃ ᑭᓇᐅᖕᒪᖔᖅᐲᑦ ᑕᑯᒃᓴᐅᓗᓂ ᐊᑏᑦ, ᒫᓐᓇᐅᔪᖅ ᑐᕌᕈᑏᑦ, ᐊᒻᒪᓗ ᐊᑎᓕᐅᖅᓯᒪᓃᑦ.

ᐆᒃᑑᑎᒋᓗᒍ:

• ᐸᐱᕈᖅᓱᕈᖕᓇᐅᑏᑦ.

• ᓄᓇᒃᑰᕈᑏᑦ ᑎᑎᕋᖅᑕᐅᓯᒪᓂᖓ.

• ᓄᓇᕗᑦ ᒐᕙᒪᒃᑯᖏᓐᓂᑦ ᓇᓗᓇᐃᒃᑯᑕᖅ ᑭᓇᐅᓂᕐᓄᑦ.

ᐅᕝᕙᓘᓐᓃᑦ

ᒪᕐᕉᒃ ᑭᓇᐅᖕᒪᖔᖅᐲᑦ ᓇᓗᓇᐃᒃᑯᑕᑦ: ᐊᑕᐅᓯᖅ ᐃᓗᓕᖃᕐᓗᒍ ᐊᑎᕐᓂᒃ ᐊᑎᓕᐅᖅᓯᒪᓂᕐᓂᒡᓗ ᐊᒻᒪᓗ ᐊᑕᐅᓯᖅ ᐃᓗᓕᓕᒃ ᐊᑎᕐᓂᒃ ᑐᕌᕈᑎᖕᓂᒡᓗ. ᐆᒃᑑᑎ ᓇᓗᓇᐃᒃᑯᑕᖅ ᑭᓇᐅᓂᕐᓄᑦ ᐊᑎᕐᓂᒃ ᐊᑎᓕᐅᖅᓯᒪᓂᕐᓂᒡᓗ ᐃᓗᓕᓖᑦ:

• ᓄᓇᑖᖅᓯᒪᖃᑕᐅᓂᕐᒧᑦ ᓇᓗᓇᐃᒃᑯᑕᖅ - ᓄᓇᕗᑦ ᑐᓐᖓᕕᒃᑯᓐᓂᒃ

• ᐋᓐᓂᐊᖅᑐᓕᕆᓂᕐᒧᑦ ᓇᓪᓕᐅᒃᑯᒫᖅᑖᕈᑎ

• ᑲᓇᑕᐅᑉ ᓯᓚᑖᓅᕐᓂᐊᕐᓗᓂ ᓇᓗᓇᐃᒃᑯᑕᖅ

• ᓄᓇᖃᖃᑕᐅᓂᕐᒧᑦ ᓇᓗᓇᐃᒃᑯᑕᖅ

• ᐃᓐᓇᑐᖃᐃᑦ ᓇᓗᓇᐃᒃᑯᑕᖓ

• ᐱᓕᕆᔪᖕᓇᕐᓂᕐᒧᑦ (ᓲᓱ ᐃᓐᓲᕋᓐᔅ) ᓇᓗᓇᐃᒃᑯᑕᖅ

• ᑮᓇᐅᔭᖃᕐᕕᖕᒥᖔᖅᑐᖅ ᐊᐅᒃᑕᔫᑦ

• ᐅᖃᓕᒫᒐᖃᕐᕕᖕᒧᑦ ᓇᓗᓇᐃᒃᑯᑕᖅ

• ᐃᓕᓐᓂᐊᖅᑐᓄᑦ ᓇᓗᓇᐅᒃᑯᑕᖅ

ᐆᒃᑑᑎ ᑭᓇᐅᓂᕐᓄᑦ ᓇᓗᓇᐃᖅᓯᔾᔪᑎ ᐃᓗᓕᖃᖅᑐᑦ ᐊᑎᕐᓂᒃ ᑐᕌᕈᑎᖕᓂᒡᓗ:

• ᐆᒻᒪᖅᑯᑎᓕᕆᔨᒃᑯᓐᓂᑦ ᐊᑮᑐᖅ

• ᓄᓇᒥᒃ ᐊᑐᖅᑐᐊᕐᓂᕐᒧᑦ ᑎᑎᖅᑲᖅ

• ᓄᓇᖃᕐᓂᕐᒧᑦ ᑖᒃᓰᔭᐃᔭᖅᑕᐅᓂᕐᒧᑦ ᑎᑎᖅᑲᖅ