ᐃᓅᑉ ᑐᑭᓯᐅᒪᔾᔪᑎᖏᑦ ᐊᑐᖅᑕᐅᖃᑦᑕᖅᑐᑦ ᐊᐅᓚᑦᑎᑉᓗᓂ ᓂᕈᐊᖅᑎᑦᑎᓂᕐᓂᑦ, ᑕᒪᐅᓇᒥᐊᖅ ᓂᕆᐊᖅᑎᑦᑎᓂᕐᓂᑦ ᐊᒻᒪᓗ ᐊᐱᖅᓲᑏᑦ ᒥᒃᓵᓄᑦ ᓂᕈᐊᖅᑎᑦᑎᓂᕐᓄᑦ.
ᓄᓇᕗᒻᒥ ᓂᕈᐊᖅᑐᓕᕆᔨᒃᑯᑦ ᐊᑐᖃᑦᑕᖅᑕᖏᑦ ᐃᓅᑉ ᑐᑭᓯᐅᒪᔾᔪᑎᖏᑦ ᐃᑲᔪᕈᑕᐅᑉᓗᑎᒃ ᑲᒪᔭᖃᕐᓂᕐᒧᑦ ᓄᓇᕗᒻᒥ ᓂᕈᐊᖅᑏᑦ ᐊᑎᖏᓐᓂᒃ, ᑭᓇᑐᐃᓐᓇᖅ ᒪᕐᕈᐃᖅᑕᕐᓗᓂ ᓂᕈᐊᖁᓇᒍ, ᓂᕈᐊᖅᑎᑦᑎᓂᖃᕐᓂᐊᓵᖅᑎᓪᓗᒍ ᑎᑎᖅᑲᑎᒍᑦ ᐊᐅᓪᓚᖅᑎᓐᓂᐊᕐᓗᒋᑦ ᓂᕈᐊᖅᑎᒨᖓᔪᑦ ᑐᑭᓯᐅᒪᔾᔪᓂᒃ ᐃᓗᓕᖃᖅᑐᑦ ᐊᓕᓚᔪᐃᑦ, ᐊᒻᒪᓗ ᐱᓕᕆᔨᑖᖅᑐᕐᓂᕐᒧᑦ, ᐊᒻᒪᓗ ᑎᒃᑯᐊᖅᓯᓂᕐᒧᑦ ᐊᐅᓚᓪᓗᒋᓪᓗ ᐱᓕᕆᔩᑦ.
ᓂᕈᐊᖅᑎᐅᑉ ᒥᒃᓵᓅᖓᔪᑦ ᑐᑭᓯᐅᒪᔾᔪᑎᓃᑦᑐᑦ ᓂᕈᐊᖅᑎᐅᑉ ᐊᑎᖓ, ᑎᑎᖅᑲᑎᒍᑦ ᑐᕌᕈᑎᖓ, ᐊᒻᒪᓗ ᐊᖏᕐᕋᖓᑕ ᑐᕌᕈᑎᖓ (ᐃᒡᓗᖓᑕ ᐊᒻᒪᓗ ᐊᑉᖁᑎᐅᑉ ᐊᑎᖓ) ᐊᑐᖅᑕᐅᖃᑦᑕᖅᑐᑦ ᓂᕈᐊᒐᒃᓴᓄᑦ ᐊᒻᒪᓗ ᐱᔫᒥᓵᕆᓂᕐᒧᑦ ᐱᓕᕆᔨᖏᓐᓄᑦ, ᓂᕈᐊᖅᑕᐅᓯᒪᔪᓄᑦ ᐅᖃᖃᑎᖃᕐᓂᐊᕐᓗᑎᒃ ᓂᕈᐊᖅᑎᓂᒃ, ᐃᓄᖕᓄᑦ ᑐᒃᓯᕋᐅᓯᐅᖅᑐᑦ ᐃᓄᓗᒃᑖᓄᑦ ᖃᐅᔨᓴᖅᑕᐅᖁᓗᒋᑦ ᓂᕈᐊᕈᖕᓇᖅᑐᑦ ᐊᑎᖏᑦ, ᐊᒻᒪᓗ ᖃᐅᔨᓴᐃᔨᓄᑦ (ᖃᐅᔨᒪᓐᓇᙱᖦᖢᒋᑦ ᑭᑑᖕᒪᖔᑕ) ᐃᑲᔪᖅᖢᒋᑦ ᓄᓇᕗᒻᒥ ᓂᕆᐊᖅᑐᓕᕆᔨᒃᑯᑦ ᑐᑭᓯᐊᒃᑲᓐᓂᕐᓂᖅᓴᐅᓂᐊᕐᒪᑕ ᓂᕈᐊᖃᑦᑕᕐᓂᐅᔪᑦ ᖃᓄᐃᓕᐅᕐᓂᕆᔭᖏᓐᓂᒃ.
ᐊᐱᖅᑯᑎᒃᓴᖃᕈᕕᑦ ᖃᐅᔨᒋᐊᕐᕕᒋᓗᒍ ᓄᓇᕗᒻᒥᑦ ᐊᖓᔪᖅᑳᖅ ᐊᓯᒧᑦ ᖃᐅᔨᒪᔭᐅᔭᕆᐊᖃᙱᑦᑐᓕᕆᔨ ᐅᕙᓂ:
T: 645-4610 (ᑲᖏᖅᖠᓂᖅ) ᐅᕝᕙᓘᓐᓃᑦ 1-800-267-4394 (ᐊᑭᖃᙱᑦᑐᖅ ᑲᓇᑕᒥᑦ)
