Niruagakhanut

Niruagakhaq inuk niruagakhauyuq niruarnamit.  Haamalanut katimayiinut niruarnamit, 8 niruagakhayut niruaqtauttaqtut katimayinnguqhutik haamalanut, unalu maiyamut amihulaanut niruaqtauyuq maiyanguqhuni.  Inuk niruagakhauyuq tamainut katimayimut unalu maiyamut.

Kinaliqqaaq Vutiqtaunahurinnaaqqa?

Vutiqtaruvit, vutiqtaunahirittutit.

Kinaliqqaaq Niruagakhannguqpa?

Ilait havaktigiyat maligakhaqaqtut havaktinut vutiqtaunahurittunut. 

 

Niruagakhaunirmut pititaulimaittuq

Aallanik ilainik pititaulimaittulik niruagakhaunirmut.  Niruagakhaulimaittutit maiyamut katimayimulluunniit imaitkuvit:

  • Apirhuiyiralaaq apirhuiyi (kihimi havagvingnit nutqanganiaruvit),
  • Maligaliuqtiuguvit unaluunniit Kanataup Maligaliurvianut Maligaliuqtiuguvit,
  • havaktiuguvit haamalakkunnut (havannginniamut tukhiqturungnaqhiyut),
  • niruaqtulirirnirmut havakti (havaktiit Nunavunmi Niruaqtuliriyitkunnut),
  • itiqtauhimayuq,
  • pahiyakhannguqut malighugit niruaqtulirinirmut maligaryuaq ukiut tallimat iluanit,
  • maliguaganik malinnginmat maniit mighaanut unipkaanut Maligaliuqtimut niruaqtittinirmi ukiut tallimat aniguqtunit,
  • apirhuivvingmut qauyiyaungmat ingminut ihumaliulimainnavit,
  • apirhuiyinut paliisi,
  • maningnik kitittiffaaqti uvvaluunniit qauyihaiyi haamalanut,
  • naunaiqhiyi havaktimut haamalakkunnut (piyakhaqaruvit haamalakkunnut havaktiup akiligakhainut, qanuriliurninginnut, uvvaluunniit qanuriliurninganut.),
  • akiligakhalik $500-nik ungavaanulluuniit 90 ublut ungavaanut,
  • inuk aulapqaiyuq piumayainik kampanimut akiligakhalik haamalakkunnut $500-nik uvalluunniit 90 ublut ungavaanut, uvaluunniit
  • inuk akiligakhanik haamalakkunnut taaksiiyaiyautinginnut.

UQARIIQHIMANIQ NIRUAQTAUYUMANIKKUT

Tatatirlugu atiliurlutillu Uqariiyauti Niruagakhannguqtuq.  Titkuaqtauniq atulaittuq.