ᒪᓕᒐᓕᐅᕐᕕᒃ ᐅᓪᓗᒥ ᐱᖁᔨᕗᖔᕐᒥᒃ ᐊᖏᖅᓯᕗᑦ ᓴᖅᑭᑕᐅᖁᔭᐅᑎᓪᓗᒋᑦ ᓂᕈᐊᕐᕖᑦ ᑭᒡᓕᓕᐅᖅᑎᖏᑦᑕ ᑲᑎᒪᔨᖏᓐᓂᒃ.
ᓄᓇᕗᒻᒥ ᓂᕈᐊᕐᓂᓕᕆᓂᕐᒧᑦ ᐱᖁᔭᕐᔪᐊᑉ ᐃᓗᐊᓃᑦᑐᖅ ᓈᓴᐅᑎᓕᒃ 14 ᐅᖃᖅᓯᒪᔪᑦ ᓴᖅᑭᑦᑎᔭᕆᐊᖃᕐᓂᖏᓐᓂᒃ ᓂᕈᐊᕐᕖᑦ ᑭᒡᓕᓕᐅᖅᑎᖏᑦᑕ ᑲᑎᒪᔨᖏᓐᓂᒃ “ᓄᓇᕗᒻᒥ ᑲᑎᒪᔨᐅᔪᒃᓴᓂᒃ ᖁᓕᑦ ᐊᕐᕌᒍᑦ ᐊᓂᒍᑕᒫᖅ, ᐱᒋᐊᕐᓗᒍ 2022”. ᑭᖑᓪᓕᕐᒥᒃ ᓂᕈᐊᕐᕖᑦ ᑭᒡᓕᓕᐅᖅᑎᖏᑦᑕ ᑲᑎᒪᔨᖏᓐᓂᒃ ᓴᖅᑭᑦᑎᔪᖃᓚᐅᖅᓯᒪᔪᖅ 2010−ᒥ. ᑭᖑᓪᓕᖅᐹᖅᓯᐅᑏᑦ ᐅᓂᒃᑳᓕᐊᕕᓂᖏᑦ ᒪᓕᒐᓕᐅᕐᕕᖕᒧᑦ ᓴᖅᑭᑕᐅᓚᐅᖅᓯᒪᔪᑦ ᓯᑎᐱᕆ 28, 2011-ᒥ.
ᒪᓕᒐᓕᐅᖅᑏᑦ ᐊᖏᖅᑐᐃᓐᓇᐅᓪᓗᑎᒃ ᐊᑐᓕᖁᔭᓕᐅᓚᐅᖅᑐᑦ ᑎᒃᑯᐊᖅᑕᐅᖁᓪᓗᒋᑦ ᐃᖅᑲᖅᑐᐃᔨ ᓲᓴᓐ ᑰᐸ ᐊᒻᒪ ᒪᐃᑯᓪ ᕼᐃᐅᓴᓐ ᐊᒻᒪ ᔮᓐ ᒧᕇᔅ ᑖᒃᑯᓇᓂ ᓂᕈᐊᕐᕖᑦ ᑭᒡᓕᓕᐅᖅᑎᖏᑦᑕ ᑲᑎᒪᔨᖏᓐᓂ ᑲᑎᒪᔨᐅᖁᓪᓗᒋᑦ. ᐃᖅᑲᖅᑐᐃᔨ ᑰᐸ ᑲᑎᒪᔨᓄᑦ ᐃᒃᓯᕙᐅᑕᕆᔭᐅᓂᐊᖅᑐᖅ.
ᐊᑐᕐᓗᒍ ᓄᓇᕗᒻᒥ ᓂᕈᐊᕐᓂᓕᕆᓂᕐᒧᑦ ᐱᖁᔭᕐᔪᐊᖅ, ᓂᕈᐊᕐᕖᑦ ᑭᒡᓕᓕᐅᖅᑎᖏᑦᑕ ᑲᑎᒪᔨᖏᑦ ᑭᖑᓪᓕᖅᐹᖅᓯᐅᑎᓂᒃ ᐅᓂᒃᑳᓕᐊᕕᓂᕐᒥᓂᒃ ᐊᑐᓕᖁᔭᓕᐊᕕᓂᕐᒥᓂᒡᓗ ᒪᓕᒐᓕᐅᕐᕕᖕᒧᑦ ᑐᓂᓯᔭᕆᐊᓖᑦ ᐅᓪᓗᑦ 250 ᓴᖅᑭᑕᐅᓚᐅᕐᕕᐊᑕ ᐅᓪᓗᐊᑕ ᑐᖔᓂ.
“ᓂᕈᐊᕐᕖᑦ ᑭᒡᓕᓕᐅᖅᑎᖏᑦᑕ ᑲᑎᒪᔨᖏᑦ ᓄᓇᓕᖕᓂ ᐱᔨᑦᑎᖅᑎᓪᓚᕆᐅᓯᒪᔪᑦ ᐊᒻᒪ ᐃᖅᑲᓇᐃᔮᕆᖃᑦᑕᖅᓯᒪᔭᖏᑦ ᖃᓄᐃᓕᐅᖃᑕᐅᖃᑦᑕᕐᓂᖏᓪᓗ ᐊᔾᔨᒌᓐᖏᑦᑐᐃᓐᓇᐅᓪᓗᑎᒃ,” ᑕᐃᒪᓐᓇ ᐅᖃᓚᐅᖅᑐᖅ ᐅᖃᖅᑎ ᐋᖁᐊᖅ. “ᑖᒃᑯᐊ ᑲᑎᒪᔩᑦ ᑐᓴᒐᒃᓴᒃᑲᓐᓂᕐᓂᒃ ᓴᖅᑭᑦᑎᒃᑲᓐᓂᓛᖅᑐᑦ ᑕᖅᑭᓂ ᐊᒡᒋᖅᑐᓂ.”
ᑐᑭᓯᒃᑲᓐᓂᕈᒪᒍᕕᑦ ᖃᐅᔨᒋᐊᕐᕕᒋᔪᓐᓇᖅᑕᐃᑦ:
ᔮᓐ ᑯᐊᒃ, ᒪᓕᒐᓕᐅᕐᕕᖕᒧᑦ ᑎᑎᕋᖅᑎ
LegInfo@assembly.nu.ca
