ᐅᐃᕖᒃᑯᑦ ᐃᓕᓐᓂᐊᖅᑐᓕᕆᔨᖏᑦ ᓄᓇᕗᒥ ᐅᐃᕖᒃᑯᑦ ᐃᓕᓐᓂᐊᖅᑐᓕᕆᔨᖏᑦ ᓄᓇᕗᒥ ᐊᒡᒌᓯ, 2004 ᐱᙳᖅᑎᑕᐅᓚᐅᖅᐳᑦ ᐱᔭᒃᓴᖃᖅᑎᑕᐅᓪᓗᑎᒃ ᐃᓕᓐᓂᐊᖅᑎᑦᑎᓂᕐᒥ ᐱᔨᑦᓯᕈᑎᓂ ᐅᐃᕖᖑᔪᓂ ᓄᓇᕗᒥ. ᑲᒪᔨᐅᔪᑦ ᓯᕿᓂᖅ ᐃᓕᓐᓂᐊᕐᕕᒃᒥ, ᑖᓐᓇ ᒥᑭᑦᑐᓂ ᐃᓕᓐᓂᐊᕐᕕᒃ 50-ᓗᐊᓂ ᐃᓕᓐᓂᐊᕆᐊᕐᕕᐅᓲᖅ ᒥᑭᓛᓂᑦ ᖁᕝᕙᓯᖕᓂᓕᖕᓂ 9-ᒧᑦ ᑎᑭᑦᑐᒍ ᐃᓕᓐᓂᐊᕈᓐᓇᖅᑎᑕᐅᓲᖑᒋᓪᓗᑎᒃ ᐱᓕᕆᖃᑎᖃᖅᑐᑎᒃ ᐃᖃᓗᖕᓂ ᐃᓕᓐᓂᐊᕐᕕᐊᓗᖕᒥ.
ᐅᐃᕖᒃᑯᑦ ᐃᓕᓐᓂᐊᖅᑐᓕᕆᔨᒃᑯᑦ ᓄᓇᕗᒥ ᑲᒪᒋᔭᖃᕆᕗᑦ ᐅᐃᕖᒃᑯᑦ ᐅᖃᐅᓯᖓᓐᓂ ᐊᓚᒃᑲᐅᒪᑎᑦᑎᓂᕐᒥ ᐃᓕᖅᑯᓯᖏᓐᓂᓗ ᐱᓕᕆᑎᑦᑎᓂᒃᑯᑦ ᐃᓕᓐᓂᐊᕐᕕᐅᑉ ᐃᓗᐊᓂ ᓯᓚᑖᓂᓗ.
ᑭᓇ ᓂᕈᐊᕈᖕᓇᖅᐸ?
ᓂᕈᐊᕈᖕᓇᖅᑐᑎᑦ ᐅᐃ-ᐅᐃ-ᑯᑦ ᐃᓕᓐᓂᐊᖅᑐᓕᕆᔨᐊᓛᒃᑯᑦ ᑲᑎᒪᔨᖏᓐᓂᑦ ᐅᐃ-ᐅᐃ-ᑐᑦ ᐅᖃᓪᓚᒃᑎᐅᓂᕐᒧᑦ ᐱᔪᖕᓇᐅᑎᖃᕈᕕᑦ, ᑎᑭᐅᑎᓯᒪᓗᑎᑦ ᐊᑕᐅᓯᕐᒥᒃ ᐃᓚᒋᔭᐅᔪᒥᑦ ᐅᖃᐅᓯᐅᔪᖅ ᑎᑎᖅᑲᖅ 23-ᒥᑦ ᑲᓇᑕᒥᑦ ᒪᓕᒐᖅ ᐱᔪᖕᓇᐅᑎᓄᑦ ᐊᒻᒪᓗ ᐃᓱᒪᖅᓱᕐᓂᕐᓄᑦ:
- ᐅᖃᐅᓰᑦ ᐅᐃ-ᐅᐃ-ᖑᖕᒪᑦ (ᐃᓕᑦᑎᖅᑲᐅᑕᐅᓚᐅᖅᑕᐃᑦ ᐊᒻᒪᓗ ᑐᑭᓯᐊᑉᓗᒍ ᓱᓕ);
- ᐃᓕᓐᓂᐊᖅᓯᒪᒐᕕᑦ ᓄᑕᖅᑲᐃᑦ ᐃᓕᓐᓂᐊᕐᕕᐊᓂᑦ ᐅᐃ-ᐅᐃ-ᑎᑐᑦ ᐃᓕᓐᓂᐊᕐᕕᖕᒥᑦ ᑲᓇᑕᒥᑦ;
- ᐊᖓᔪᖅᑳᕆᔭᐅᒐᕕᑦ (ᒥᐊᓂᖅᓯᔨ) ᓄᑕᕋᕐᒧᑦ ᐃᓕᓐᓂᐊᖅᓯᒪᔪᒥᒃ ᐃᓕᓐᓂᐊᖃᑦᑕᖅᑐᒥᒡᓘᓐᓃᑦ ᓄᑕᖅᑲᐃᑦ ᖁᑦᑎᖕᓂᖅᓴᒥᓪᓘᓐᓃᑦ ᐅᐃ-ᐅᐃ-ᑎᑐᑦ ᐃᓕᓐᓂᐊᕐᕕᖕᒥᑦ ᑲᓇᑕᒥᑦ.
ᐊᒻᒪᓗ ᐃᒪᓐᓇᐃᓐᓇᕕᑦ:
- 18 ᐅᖓᑖᓂᓪᓘᓐᓃᑦ ᐅᑯᐅᓕᒃ
- ᓄᓇᕗᒻᒥᐅᑕᐅᓕᖅᑐᖅ ᐊᑕᐅᓯᕐᒥᑦ ᐅᑭᐅᕐᒥᑦ
- ᐊᓯᐊᓂᑦ ᐃᓕᓐᓂᐊᖅᑐᓕᕆᔨᐊᓛᒃᑯᓄᑦ ᓂᕈᐊᖅᑎᑦᑎᓂᕐᓂᑦ ᓂᕈᐊᕐᓂᐊᖏᖦᖢᑎᑦ
ᒫᓐᓇᐅᔪᖅ ᐃᓕᓐᓂᐊᕐᕕᑐᐊᖅ ᐅᐃ-ᐅᐃ-ᑎᑐᑦ ᐃᖃᓗᖕᓃᑦᑐᖅ, ᑭᓯᐊᓂ ᑭᓇᑐᐃᓐᓇᖅ ᓄᓇᕗᒻᒥᑦ ᓂᕈᐊᕐᓂᖅ ᐊᔪᙱᑦᑐᖅ ᓂᕈᐊᕈᖕᓇᖅᑐᖅ ᐅᐃ-ᐅᐃ-ᓄᑦ ᐃᓕᓐᓂᐊᖅᑐᓕᕆᔨᐊᓛᒃᑯᖏᓐᓄᑦ. ᒥᓂᔅᑕ ᐃᓕᓐᓂᐊᖅᑐᓕᕆᔨᒃᑯᓐᓄᑦ ᐃᑲᔪᕈᖕᓇᖅᑐᖅ ᓄᓇᕗᒻᒥ ᓂᕈᐊᖅᑐᓕᕆᔨᒃᑯᓐᓂᑦ ᐊᑎᓕᐅᕆᓂᕐᒧᑦ ᓂᕈᐊᖅᑎᓂᒃ ᐅᐃ-ᐅᐃ-ᓄᑦ ᐃᓕᓐᓂᐊᖅᑐᓕᕆᔨᐊᓛᒃᑯᖏᓐᓄᑦ ᓂᕈᐊᖅᑎᑦᑎᓂᖏᓐᓂᑦ.
ᑭᓇ ᓂᕈᐊᒐᒃᓴᐅᔪᖕᓇᖅᐸ?
ᓂᕈᐊᕐᓂᖅ ᐊᔪᙱᒃᑯᕕᑦ, ᓂᕈᐊᒐᒃᓴᐅᔪᖕᓇᖅᑐᑎᑦ.
