Hunauva Apirhuutinut Vutiqtittiniit?

Apiqhuutinut vutiqtittiniq inuit vutiqhutik apirhuutimut. Vutiqtiit apirhuuti kiuyangat vutiutimut, vutiqtittiyutitut.

Kinaliqqaaq ihumaliuqpa Apirhuutinut Vutiqtittinirmut?

Kivgaqtuqtiit inuillu ihimaliuqtaqtut apirhuutinut vutiqtittinirmut:

  • Maligaliurvik;
  • Ministait;
  • Minista; uvalu,
  • Haamalakkunnut katimayiit ahiilluunnit timiuyuq angirutikkut Nunavunmi Vutiqtuliryikkunnut apirhuutinut vutiqtittiqaqublugit.

Kivagaqtuqtiit inuillu apirhuutinut vutiqitittiquyittaqtut piguttauyumut ingmingnut. Una uuktuuti, haamalakkunnut katimayiit apirhuutinut vutiqtittinirmut tilihilutik nunaliup pidjutainut. Minista apirhuiluni apirhuutinut vutiqtittinirmit pidjutiqaqtuq ingminqnut.

Inungnut atiliuqtauhimayuq

Inuit apirhuutinut vutiqtittiniqaquyittaqtut pidjutimut. Atiliuqtauhimayumik katimayinut piyakhalingmut pidjutauyumik tunihilutik. Atiliuqtauhimayuq atiliuqtauhimaluni ikitqiyauhimaillugu 20%-mit vutiqtinut vitirniaqtut apirhuutinut vutiqtirnami.

Inungnaut atiliuqtauhimayuq apirhuutinut vutiqtittinirmut vutiqtittiniqarungnaqtuq vutiqtittiniqanngiluniluunniit. Katimayiit inugluunniit piyakhautilik pidjutauyumut atiliuqtauhimayuq atuqtaqtanga vutiqaqtittinirmut.

Kinaliqqaaq akiqaqqa Apirhuutinut Vutiqtittiniq?

Katimayiit inugluunniit ihumaliuqutu apirhuutinut vutiqtittinirmut akiqpagaat. Akiliriaqatut Vutiqtuliriyikkut Nunavunmi atuqhimayunut apirhuutinut vutiqtittinirmut.

Ahiit maligait Ihumaliurnirmut Vutirniq Maligaryuaq-mit:

  • Apirhuutinut Vutiqtittinirmut apirhuut naunairluni, titiqattiaqhimaluni akigaqtuinngillunilu. Katimayiit inugluunniit apirhuutinut vutiqtittiniqaquyiyut titirarlugu apirhuuti vutiqtittinirmut. Vutiqtulitiyitkunnut Atanguyaq ihumagumi apirhuuti naunaittiarhimaimmat, titiqattiaqhimaimmat akigaqtuinnginniqalaimmall, uqautiniaqtanga katimayiit inugluunniit aallannguqulugu.
  • Apirhuuti apirhuutaulaittuq ukiunut 5-nut. 5 ukiunut apirhuutitaqalaittuq adjinganik aphiruutauhimayuq adjiinnut vutiqtinut.
  • Ilait apirhuutinut vutiqtittiniit maliktauyariaqatut. Apirhuutinut vutiqtittiniq maliktauyariaqaqqat, qanurinningit vutiutauyut maliktauyariaqaqtut. Apirhuutinut vutiqtittiniq maliktauyariaqaqqat titiqhimaniaqtuq vutirniaqtunik tuhaqtittitjutimit (atuqtauttaqtuq tuhaqtittiyuq apirhuutinut vutiqtittiniqarninganik). Apirhuutinut vutiqtittiniq maligannguanganni haffumani Inugiaktuniittut, Inugiakpallaanngittuniittut maliktaunginnaqtuq.

Ihumaliurnirmut Vutirniq Maligaryuaq (Nunavut)

Tamait maligait apirhuutinut vutiqtittinirnut Nunavunmi Ihumaliurnirmut Vutirniq Maligaryuarmiitut (kihimi ilaungittut nunalilngmi imirlungnikkut vutirnikhaanni, uvani Nunamingniittut Atannguviat Vutiqtuliriyit Maligaryuanga).

Ihumaliurnirmut Vutirniq Maligaryuaq (Nunavut) atuliqtauyuq January 2014-mit. Nutaanik maligaqaqtuq:

  • Apirhuutinut Vutiqtittiniit aatqikhimayut Nunavummut atuqtauyunik aallagiinut nunaut, pitquhiinut, kavamalirinitkullu;
  • Apirhuutinut Vutiqtittinirnut apirhuutiit naunairhimalutik, titiqattiaqhimalutik akigaqtuinngillutiglu; uvalu,
  • Maligauyut apirhuutinut vutiqtittinirnut adjigilugit maliganut Nunavunmi Niruarnikkut Maligainni.

Taiguikkannirit: