Apirhuutaunginnaqtut

Niruaqtut ilittuqhitiit ihumaliurutauyullu niruarutit

Adjigiikpata, uvvaluuniit adjigiinginniq malruunik vutiqtaunahurittunit 2%-mik kititimajunit vutirutinit, Utiqtittiyi tukhiqturluni apiqhuivvingmut kitittiqujiluni. Kitittitillugit, vutiqtaunahurittut ilauyungnaqhutik, apiqhuiyi kitittiluni vutiutauyunit. Piqataa vutiqtaunahurittuq vutiqtauniqhaukpat vutiqtaunahuriqatauyumit, vutiqtaunahurittuq niruaqtauyuq. Piqatiagulli, adjigiikpata vutiutauyut, Atanguyaq Niraqtuliriyini inmikkuurniq niruaqtittiniaqtuq nirauqtauhimavvingmit.

Kinguani-niruaqtittivaktut Maligaliuqtighanik Maligaliuqvingmi (MLA) taimaaqhimaliqqat havaaghainik niruaqtittivighaat tikitinnagu. Kinguani niruaqtittigaangat, niruanginnarialgit taapkua kivgaqtuqtait nunallaanganit niruaqhugit Maligaliuqtighainik.

Tamangnik kivgaqtuqtauyut aviktuqhimaniit kivgaqtiqaqpaktut Maligaliuqtighanik Maligaliuqvingmi (MLA). Nunavunmi 22-nguyut kivgaqtuqtauyut aviktuqhimaniit. Nunallaaqyuaq Iqalungni, hitamanik aviktuqhimayulgit kivgaqtuqtauyunik, ahinilu angitqiyanit nunallaaqnit malrungnik kivgaqtiqaqpaktut.

Niruaqpaktugut Maligaliuqtighamik Maligaliuqvingmi (MLA) niruaqtittigaangamik. Tajja 22-nguyut maligaliuqtiuyut Maligaliuqvingmi. Tamangnik kivgaqtiuvaktut kivgaqtuqtait aviktuqhimaniinit. Havaaghaita MLA-nguyut ilittuqhitiyaulaaqtut malrukkut: 

  1. Uqaqtiuplutik inungnut kivgaqtuqtainit.
  2. Kivgaqtiuplutik kivgaqtuqtait aviktuqhimaniinit, havaghutik ihumaliuttiaqhutik piyumayainut. MLA-nguyut taapkua amirnaqtumik havaaghalgit kivgaqtuqtait ilittuqhitihimapkaqhugit havaanginnik kavamatkut, imaalu, tukliagut, kavamanik ilittuqhitihimapkaiplutik kivgaqtuqtait ihariagiyainik ihumagiyainiklu inuillu tajja ihumaaluutainik kavamatkunnut.

Naunaiqhitit Maligaliuqvingmut havaanginullu MLA-nguyut takuinnarialgit talvani qaritauyakkuurutiinit Maligaliuqviat Nunavunmi.

Niruaqtittivaktut niruaqtittigaangamik tamangnit Nunavut nunallaanginik 22 nguplutik Maligaliuqtighat Maligaliuqvingmi (MLA).

Nunavunmi, niruaqtittiyut ilittuqhitilik taimaa havaanginnik niruaqtittiyut Maligaliuqtighanik Maligaliuqvingmi, aullaqtittiuplutik Kavamanik Nunavunmi maligaghaliuqhutiklu.

Ihumaliurutighanik niruaqtittiyut niruarutauyuqlu, kihimi tikkuaqhihimaittumik Maligaliuqtighanik Maligaliuqvingmi, niruaqtaqtut apiriyauvaktut kiuyaghainik “angiqhimayutut” imaaluuniit “qinngiqhimayutut”.

Taimaaqqat vutirniq, vutiqtuliriyinut havaktiit taimaarlutik kitittilirlutiglu vutiqtaunahurittunut vutiutauyunik.

Maliktauyukhaliit vutiqtuliriyinut havaktinut nalauttiqublugit kitittanginnik, naamaglutik hatqiyaarnikkullu.  Vutiqtaunahurittuq tilihimayaaluuniit kitittiyunik tautuktitauttaqtut.

Ilittuqhaqlugu tajja Maligaliuqtighanik Maligaliuqvingmi naqillugu nunavit ilaa talvani Kivgaqtiuyut Aviktuqhimaniit Nunauyait. Naqitkungni atia naunaitkutainunngaqniaqtutit havaanginnit humiutauyaaghainiklu nanilu hivayainnariaqaqtarnik.

Naunaitkutat iliyauniaqqut aimaviinik makpirainit hamani qaritauyakkuurutinit umiktaukpata niruaqviit kititauhimagumiklu niruarutit. Tuhaqhauniaqqullu nunallaam tuhaqtittiviinit.

Niruaqtittitqingniat October 30-mi, 2017-mi. Niruaqtittiliqpaktut hitaman (4) ukiut naatkaangamik. Niruaqtittihimayut kingulliqpaanik 2013-ngutillugu.

Niruaqtut

Qaffiuyut aallatqiiktut ilingnut atuqtaghat. Hapkuanguvut atuqtaulluaqpaktut:

  • Havakviat Niruaqtittiyut Titiraqtim – 14-nguyughat hitamaulutikluuniit upluit Niruaqtittiyut Upluanit, 12-mit nirinnaqtumi 7-mut unnuktumi.
    imaaluuniit
    Niruaqvighaq tikitinnagu niruaqtittiyut – Atauhiinnaqmik uplumik, talvani nunallaaqnit Niruaqtittiyiitumik, 7-nik uplunik Niruaqtittiyut Upluat tikitinnagu, 12-mit nirinnaqtumi 7-mut unnuktumi
  • Titiraqaqvikkut tuyuqhugu– niruaqtaqtunut nunallaaqmingnik aullaqhimaniarumik niruaqtittigumik. Titiraqlugu taamna Ahiittut Niruarutighat Titiraaghaq. Talvanngat titiranunngaqlugu tuyuqlugulu kayumiktukkut titiraqaqvikkulluuniit. Uuktuutit titiraaghaq angiqtaugumi, titiraqaqvikkut tuyuqniaqqugut titiraqaqvikkuuqtumik niruarutigharnik.

Ilittuqhittiarumaguvit, takulugu taamna Qanuq Niruaqpaktut.

Ilangi inuit havaghimavangniat niruaqtittiviat angmaumatillugu. Iharianaqqat, havakviit havaktailivaktughat malrungnik ikaaqninik niruarumayunut. Havakviit havaktailivigharnik taihiniaqquq. Niruaqtut havayuktut 9 mit uplaami 5 mut unnuktinnagu havaktailiyauyuittut niruariaqtuqlutik.

Takupkaqtittiquyauniarungnaqhiyutit ilittuqhitingnik naunaitkutarnik niruaqtittiyuq ilihimangitkumi ilingnik, takupkaqtittiluguluuniit titiraqaqviit turaaqviat. Aghaluutiturniqmut laisiutinik, aghaluutivit titirautainik taamnalu Kavamatkut Nunavunmi Ilingnut ilittuqhitiit piyauvaktuttauq. Hapkua pihimanngitkungnik, aallat naunaitkutat naammagiyaunginnaqtut avugiighutik. Naunaittiarumaguvit, hivayaqlugit Niruaqtittiyit Nunavunmi.

Niruaqtaqtut Naunaitkutaaniitkuvit, Niruaqtaqtut Naunaitkutaita Pinnainik tuyuqtauniaqtutit titiraqaqvikkut niruaqtittitinnatik taimaa ilittuqhitiyauniaqqutit qakugu nanilu nirualaaqtutit Niruaqtittiyut Upluutaanit, nanilu niruariami niruaqvighaq tikitinnagu.

Niruanginnarialiuyutit taimaitkuvit:

  • Kanatamiutauguvit
  • 18-nik avatquaniklu ukiuqaruvit
  • Nunavunmi nunaqaruvit

Ahivaqtaulaaqtutit niruaqtaqtunit taimaitkuvit:

  • Apiqhuiyinit pitquyauhimaguvit taimaa ilittuqhingittuliqutauguvit ihuinaarutingnik ihumaliulaitkuvillu ilingnik;
  • Ihuinaaqhimaguvit inuqarvingmiitkuvillu ihummaqluktut aimaviinit;
  • Itiqtauhimavakkuvit ihuinaaqhimayarnut niruaqtittiniqmut nanikiaq Kanatami ukiunit tallimanit atuqhimayunit.

Naunaittiarumaguffi, takulugu taamna Kina Nirualaaqqa?

Aallannguriami naunaitkutatit ilittuqhitingnit Niruaqtaqtut Naunaitkutainit, titiraqlugu taamna Aallanngurutit Ihuaqhautillu Titiraaghat qaritauyakkut. Talvanngat, titiranunngaqlugu tuyuqlugulu kayumiktukkut titiraqaqvikkulluuniit.

Malruuyut havauhighat iliyauyaami Niruaqtaqtut Naunaitkutainut:

  • Titiraqlugu taamna Niruaqtaqtut Titiraaghait qaritauyakkut. Titiranunngaqlugu tuyuqlugulu uvaptingnut.
  • Titiraqlugu titiraaghaq niruariaqturuvit. Ilingnut ilittuqhititit takuyauyumaniaqtut.

Nunallaaqmiut Arvianit, Iklulingmit, Kangiqliniqmit, Iqalungnilu aviktuqhimanianik ilittuqhilaaqtut atuqhugu taamna Maligaliuqtiit Qiniqhiatjutait Hanalrutait. Taapkua ahiillu nunallaaqmiut ilittuqhilaaqtuttauq naqiplugu aviktuqhimaniat talvani Kivgaqtiuyut Aviktuqhimaniit Nunauyait.

Niruaqtittiyit Nunavunmi maliktaghalgit malikpaktainik inuit naunaitkutainut, amirnaiqhimavaghutik havakviinit. Naunaitkutat niruaqtaqtunut (niruaqtaqtut titiraaghait), taapkualu niruaqtaqtut naunaitkutait TUNIYAUYUITTUT kitunut angiqtauhimaitkumik taapkuninnga Nunavunmi Niruaqtittiyit Maligait. Ilittuqhipkaittailiniq niruarutinik aghuuqnarivagaat Niruaqtittiyinit Nunavunmi. Pilaarutiqaqtutit niruaqhiyaami ilitturinnaittukkut, amihuniklu havauhiqaqtut taimaa ilittuqhititit ilingnut ilikkuuqtitauyaami niruarutingnit.

Aimaviitkuvit, nunallaaqmiutaunahugiyauyutit nanikiaq nirivigivaktaqni hiniktarvigiyuktarnilu, hinikvingnit nirivingnillu.

Aturuminaqnia

Hangutaqtumik Niruaqviqaqtut tamangnit nunallaaqnit niruarumayunut ayuqhautiqaqtunik timikkut iniqnirinullu aniaqattaruiqtunik, 7-nik uplunik hivuani Niruaqtittiyut.

Niruaqtittivianit, Tuklia Niruaqtittiyit Titiraqtia ikayuqniaqqaatit ikayuqtauyumaguvit. Ilannaqnik ilangnikluuniit piqatiqalaaqtutit ikayuqtighat.

Naunaittiarumagungnik hapkua uuktuqtaghat, takulugu taamna Qanuq Niruaqpaktut.

Niruaqtauyumayut

Ilittuqhivaallirumaguvit aallanik niruaqtauyumayunik, talvunngaulutit Kivgaqtiuyut Aviktuqhimaniit Nunauyait.

Niruaqtauyumayaami, hapkua havauhiit maliklugit:

1. Taiguaqlugit Niruaqtittiyit Nunavunmi maliktaghait:

2. Havakvingnit naunaiyailutit.

Ilangi havakviit maliktaghalgit havaktiinut niruaqtauyumayunik. Tahapkuatut, havaktailiniarungnaqhiyutit niruaqtittitinnatik.

3. Tikkuaqhilutit Maniliqiyimik Havaktimik Niruaqtauyughat Atannguyaghamiklu.

Niruaqtauyumaguvit, Maniliqiyimik Havaktiqaqtughauyutit. Una havaktiit munaqhivangniaq maningnik niruaqtauyumayunut. Manighaliqpaktut ikayuqtinik, akiliqtuivaghutik akiliqtaghanik, ikayuqpaghutiklu maningnik atuqhimayarnik niruaqtaaqhimagumik. Naunaqqutit ilvit Niruaqtauyughanik Atannguyaqarumaguvit. Ilvit piitkaluaqlutit.

4. Ilittuqhitilugu niruaqtauyumaniit.

Titiraqlugu titiraaghaq taamna Ilittuqhitit Niruaqtauyumaniqmut. Atiliqtauhimayughaq ilingnit Maniliqiyiniklu Havaktinit.

  • Tunilugu nunallaaqnit Niruaqtittiyit Titiraqtianut Tuklianulluuniit.
  • Tuniyaghariyatit 35-nik 31 nikluuniit upluit naatinnatik Niruaqtughat Upluutaanit. Umiktitauniaqtut kingulliqpaamit upluanit 2-munngaqqat (nunallaavit upluqhiutaagut).
  • Iliqahiutiyughauyutit $200 taalamik Ilittuqhitingnut Niruaqtauyumaniqmut.

Ilittuqhivaallirumaguvit niruaqtauyumaniqmik, takulugu taamna Kitut Niruaqtauyumalaaqqat? ahiniklu naunaitkutanik Niruaqtauyumayunut Niruaqtauyughaniklu hamani qaritauyakkuurutinit.