Hamna atuqtaqtait atiliurniarlutit niruaqtit atiinut Nunavunmi uvvaluunniit nutaangurlugit ilitturutitit.
Hivuagut Nirauqtit Atiinut Atiliurvingmi, hapkua qauyimayakhatit:
- Ilauyukhait titiqhimayut niruaqtinit, niruarnap ubluanit 18-nik ukiuqaqtukhauyutit, Kanatamiutaulutit, Nunavunmiutaulutillu 12 tatqiqhiutinut hivuagut niruarnap ubluanit.
- Takugiarlugu titiqhimayait uvvaluunniit atiliurniarlutit :
Tuyugakhait maligatigut atiit (piqataa atuqtaraluarungni hivulliulugu maligakkut atiit titiqhimaniatutu Kavamatkunnit Naunaipktarnit uvvaluunniit Kanataup ahiinuarniarlutit naunaipkutait), aimavvingnut turaarutiit, titiraqarvikkuunnittuq turaarutiit) unalu inuulirvikpit ublua. Ahimut aimavviqaliruvit, ahidjirlugu atiit, uvvaluunniit ihuaqhigiarlugu aimaivvikpit turaarutaa (aimavvigiluaqtaqtait) atiliuruti titirlugu. - Nutaanguqtirlugit ilitturutitit, kinguagut naunairuvit atiliuravit Nutaanguqtirniaqtait ilitturutitit ahillu nutaanguqtiqtut.
- Naunaipkutit pitquyauyut atiliurniarlutit uvvaluunniit nutaangurlugit ilitturutitit
Niruaqtit atiinuarniarluni, adjikutaanganit tuyuiyukhauyutit naunaipkutarnit takukhauyut, aimavviit, atiliuqhimayaillu. Qauyiyungnaqtutit adjigiinngitut qanurittuni naunaipkutanik angiqhimayavut.
Nirauqtit Atiinut Atiliurvingmuarlutit
Ilitturutit naunaiqtaukpata Nunavunmi Niruaqtuliqiyinit niruaqtit atiinuaqtauniaqhutit. Qauyigiaqtaqtait qanurinniit qaritauyakkut naunairniarlutit atiliuqhimaniit. Maanna naunaipkutarnit takukhauluni nutaaq aimavvivit turarutaa naunairniarlugu ahidjiqtuq aimavviit unalu atiit ahidjirningit.
Ilitturutitit titirvingmit kititauttaqtut pitquyauniagut Nunavunmi Niruaqtulirinirmut Maligaryuarmit. Ilitturutiit atuqtauttaqtut kihimi niruaqtittinirnut, niruaqtittiffaarnirnut unalu apirhuutit mighaanut niruaqtittinirnut. Apirhuutit hamunga tuyuqtauyungnaqtut: Atanguyaq Angiagiayauyunut Havakti, Nunavunmi Niruaqtuliqiyit: privacy@elections.nu.ca uvvaluunniit hivayarlutit 800-267-4394.
Atulairuvit qaritauyakkut niruaqtit atiinut atiliurnirmik, Nunavunmi Niruaqtuliqiyitkut talvaulutit talafuukullu, titiraqarvikkut unalu faaksikkut pitaqarlutik naammaktut naunaipkutanik. Niruarnami, niruaqtiit atiliuqtarmiyut nunaani niruaqtuliqiyit havagvianit uvvaluunniit niruarvingmit.
Takulutit Kinaliqqaaq Niruaqtaqpa ilitturutinik piniarlutit uvvaluunniit havayarluta hamni info@elections.nu.ca uvvaluunniit hivayarlutit 1-800-267-4394.
