Niruarutikhaq apiqhiniaqtait Iqalungni niruaqtunik niruaqulugit angirlutik qingilutikluuniin ukununga ataani apiqhuutimun: “Ilvit ilagijumajatit haffumani hilataanit niuviqtittijut qaangiqtaugialik uvani Iqalungni?”
Anginiqaqtun tikiliqtunun ublunginni:
Inungnun naunaitkutikhanun katimaniaqtun – Tattiarnaqhilirvia 12, 2022.
Hivuatigun niruarvikhaat ublua – Tattiarnaqhilirvia 17, 2022.
Niruarvikhalluanga ublua – Tattiarnaqhilirvia 24, 2022.
Vutiqtaqtutit:
- Kanatamiutauguvit;
- 19-nik ukiuqarlutit angayukhiulutilluuniit taangaliqinirmut apirhuutinut niruaqtittinirmit;
- Iqaluitmiutaq atauhiq ukiurmit hivuaniungittuq; uvaloni
- Nunavunmiutaulirlutit.
_________________________________________________
Qanuq hamna angiqhimajaat niruaqtunit tukiqaqqa?
Una angiqhimajuq niruaqtauniq tukiqaqtuq ilvit angiqhimajatit haffumani imirnigut atatakhanut tigumiaqtut pilaaqhuni tukhiutigilaaqtangit uvunga Nunavut Taanngaq unalu Higaarlungnigut Katimajit laisiqarialik niuviqtittijut imaatut 12 qulit malruk 355 milaliitas iluittuq imalgit imiq hiquliannuat pianit upluq atauhiq niuvirumajunut niuqqaqtakhaat aimavingnit.
Qanuq hamna qinngihimajut niruaqtunit tukiqaqqa?
Una qinngihimajaat niruaqtunit tukiqaqtuq hamna imirnigut atatakhanut tigumiaqtuq inmi niuviqtittilaaqtut pianit niuqqautikhangit niuvirvingmi, niuviqtittijut, uuminngaluuniit uvunga Nunavut Taanngaq unalu Higaarlungnigut Parnaijit (NULC). Tahapkuat atuqhimajangit maliktangit laisiqaqhutik imirnigut atatalik tigumiaqtut.
Aahiittauq niruaqtittijangit pitqujaujut tahamna hilataanit niuviqtittinngittut laisiit pigiaqanngittut pingahunit ukiunganit, uuminngaluuniit 2025 mi atulihaaqtunut.
Hamnattauq naiglihimajaujut uvanngat Nunavut Taanngaq unalu Higaarlungnigut Parnaijit NULC itiinnarialik niuvirvik (Pia unalu Uain niuvirvik)?
Hilataaniinngittut niuvirvingnit niuviqtittijut ilagijaujut naiglinahuarlugit uvani Nunavut Taanngaq unalu Higaarlungnigut Parnaijit NULC niuvirvik. Ahinut hiaminnaittumik tukiqaqtut, una Nunavut Taanngaq unalu Higaarlungnigut Parnaijit NULC avvautigilimaittangit niuviqtunut niuviakhat nalunaitkutaq ukunanngat ahinut ilagijaujunut, haffuminnganit aulattittijaujut ukunanngat imirnijut atataq unalu/uuminngaluuniit hilataanit niuviqtittijut laisinit.
Kinaliqaak atiliulaaqqat haffumani hilataanit niuviqtittijut niuviakhat laisinit?
Angiqtaunniqqat, una Taanngaq Maliguarutit pitquinnaqtaaq unainnaq imirnigut atataq tigumiaqtut tukhiutigilaaqtangit hilataanit niuviqtittijut niuviakhat laisinit.
Niuviqtittilaaqqat angajaarnaqtumik taanngat, imiit, uainiglu uuminngaluuniit aallat ikittunik taanngalgit niuqqakhat haffuminngatut hiirnaqtut angilrautijakhaat?
Angiqtaunnirumik, tigumiaqtuq haffumani hilataanit niuviqtittijut niuviakhat laisinit taimaa pianginnarnit niuviqtittilaaqtut niuqqaqtakhaanit uvunga hilataanit niuviqtittijut.
Hamnainnaq tukhiutigijaat nunaliit hilataanngat Iqalungnit?
Haffuminngat hilataanit niuviqtittijangit laisinit tukhirnaqtut uvunga imirnigut atataq tigumiaqtunut – tadja, atauhiinnarmik laisilingnit imirnigut atataq tigumiaqtuq Nunavunmi, najugaani Iqaluit. Una kiunnigut niruaqtittijuq aturnaqtuq Iqalungmi, hivunngani imirnigut angmarniaqqata ahini nunalingnit, nutaamik niruaqtittinirnut pigiaqaqhuni niuviqtinnatik niuviakhaq hilataanit niuviqtittijut.
Hungmalli niruaqtittihimainnaqtut Iqalungmi?
Una Taanngaq Maligaq pigiaqaqhuni qanilruanganit niruaqtittinirnut niruaqtaujukhaq humiliqaak Nunavut Taanngaq unalu Higaarlungnigut Katimajit NLCB tunijaujut tukhiutikhainit nutaamik laisikhamik uvani nunalingnit. Piqaraluaqhuni tukhiutigijangit nutaamik laisikhaq iluani Iqaluit – hanna hilataanit niuviqtittijukhaq laisikhaq – talvanngaanit niruaqtittijakhanut amirijauvluni Iqaluit kihimi.
Inuit ahinirmiutaujut Iqaluit angilrautilaaqtut piamik?
Inuit pulaaqhimajut ahinirmiutaujut niuvilaaqtut piamit Iqaluit imirnigut ukunanngat hilataanit niuviqtittijukhaq niuviakhanut laisinit, kihimi malikhimajakhaat maligautit humiliqaak agjaqtuijut.
Qakugu nguviqtittilaaqtut piamik hilataanit niuviqtittijukhaq?
Angiqtauhimagumik, una niruaqtittijukhanut angiqhimanngitkumik hamna pia angiqtaunnirumik niuviqtauhimajut uvanngat hilataanit niuviqtittijukhanut niuqqarvikhaq. Taimaa ajurnaittumik imirnigut atataq tigumiaqtunut tukhiutigilaaqtangit laisikhanut niuviqtittigiami piamik uvanngat hilataanit niuviqtittijukhanut niuqqaqtakhainit, unalu Nunavut Taanngaq unalu Higaarlungnigut Katimajit NLCB atiliuriami hamna laisikhaq.
Imirnigut attar tigumiaqtut taimaa tukhiutigiaqaqtangit haffumani hilataani niuvirvingnit laisikhaq uvuuna Nunavut Taanngaq unalu Higaarlungnigut Katimajit NLCB. Una Nunavut Taanngaq unalu Higaarlungnigut Katimajit NLCB taimaa qimilrulaaqtangit angiqhimalugillu laisinut hamna pia niuviqtautinnagut hilataanit niuvirvingnit niuqqaqtakhaanit.
Malikhugit una Taanngaq Maligaq unalu Taanngaq Maliguarutit, hamna malikhimajakhaat maliktakhaat aturialik:
- Una Nunavut Taanngaq unalu Higaarlungnigut Katimajit Nunavut, ilagijaat tukhiutigijangit piliriakhaq, ikaarnigut pianit niuviqtittinahuaqtut, 10:00 unnuktumi qaangiqtakhaunngittut, unalu,
- Piamik niuviqtakhaunngittut hilataanit niuvirvingnit Unaguiqhirnirmi.
Naunaitkutikhanun tikiliqtumun niruarutikhamun, qaritaujakkut titiqqilugu liquor@gov.nu.ca hivajarluguluuniin 867-222-9705.
https://www.gov.nu.ca/in/kiinauyaliqiyikkut/news/tikiliqtumun-taanganun…
