Ahidjiqtauniit niruarnirmut upaluapluni qalagyuarnamut nutqaumatittiyukahauyuq ilainik niruaqtittinirmit, unalu niruarnirmik, kitittinirnit unalu qanurinningit niruarutauyunik-unipkauhiqarnirmut kigliuyunit ungavariaqtauyukhauyut.
Havaqatigiyavut Atanguyaq Tamaat Inuit Aaniaqaqtailiyi nunalivut ilauniarlutik atqiiniarlutik kavamaptinnit qajangnaituqalailluni.
Qanuriliuramut maliguagavut
- Inuuqatigiitsiarniq: Qajangnaittuqanngillutik niruaqtiit, niruaqtaunahuaqtut, niruaqtuliqinirmut havaktiit unalu nunaliit hivulliqpautiyavut.
- Aajiiqatigiinniq: Havaqatigiyavut nunaliit, niruaqtaunahuaqtut, niruaqtiit unalu Atanguyaq Tamaat Inuit Aaniaqaqtailiyi niruaqtittinirmut ubluunit.
- Ikajuqtigiinniq: Qanuriliurniit niruarnamit maliguarniaqtut qanuriliuquyait Atanguyaq Tamaat Inuit Aaniaqaqtailiyip.
- Qanuqtuurniq: Aturniaqtavut akhururnautit kamaniarlugit hatqitpata, aturlugit iluittuungania niruaqtittinip unalu qauyimatillugit Nunavunmiut.
Huliravut qajangnaittuqaqtukhautillutit
- Maligait Nunavunmi Niruaqtulirinirmut Maligaryuarmit tuyuiyut Atanguyaq Niruaqtuliqiyinut atuqtauyungnaqtumik aanniaqaqtailitillugit unalu qajangnaittuqaqtillugit nunalivut niruaqtittinirmit.
- Qaritauyakkut niruaqtut atiinut atiliuqtaqtu hamani.
- Niruaqtaunahuaqtut tuyuqtauhimaniaqhutik qaritauyakkut atuqtauttaqtumik.
- Utiqtittiyivut qajangnaqaittunik aimavvingnut niruaqtittilutik aannialirungnaqtunut.
- Niruaqtiit atuqtukhauyut kiinamut himingnit niruaqtillugit niruarivingmit, uvvaluunniit tuyuqtaulutit.
- Tunihittarluta atauhiirlugu atuqtauttaqtuq titirarutinit.
- Aggangnut irmigiaqtuqtaqturviqarluta niruaqtinut tamainnit niruarvingnit.
- Irmiktarlugit niruarviit.
- Kinaliqqaaq qanigiittalilutik.
- Taluhimadjutitaqarlutik avikhimatillugit niruaqtiit niruarvingmit havaktinut.
Hamna qanurliqqaaq tukiqarami niruaqtaunahuaqtunut
- Niruaqtaunahuarumagami Uqariiyautiliqiniq ahidjituinnarialik amihuinniqhait talvauqatigiiktaililugit niruarvingmit havaktinut.
- Ilait kigliqaqtitauniaqtut niruaqtaunahuaqtunit aktulimaitillugit qalagyuarnamit.
- Niruaqtaunahuaqtuliqiniit aktuit iniannit, kamayauvvingnit uvvaluunnit aimavviulaupillaktunit ayuqtitautuinaqtukhauyut aanniaqtaaqtittaililugit aannialiqharainniqhait.
- Kigliqaqtittiyukhait talvan tautuglugit niruaqtut uvvaluunniit kitittiyut niruaqtaunahuaqtunit uvvaluunniit kivgangit.
- Niruarungaqtitauyungnaqhutik naittumik qauyipkaqtaulutik. Iliayukhauyut ungavariarlugit niruarnirmut ubluit, uvvaluunniit hivuagut niruarnamit, uvvaluunniit ungavariarlugu titirarvikkut aullaiyauyut niruarutiit havagviptingnuarniarlutik.
- Nutqaumaniit unipkauhiuningit niruarnamit qanirinniuyut qajangnaqtailinininginnut Nunavunmi Niruaqtuliqiyitkut
Hapkau qanurliqqaaq tukiqaqtukhauyut niruaqtinut
- Niruaqtiit niruaquyauyut niruaqtittiffaarnamit.
- Niruaqtiit ihuaqharniqhauyuliqqaaq titiraqarvikkut niruarutimik aturllutik niruarvingmuangillutik.
- Niruaqtiit niruaqtaunahuaqtumit talvauqatigilugit pilimaittukhauyut.
- Niruaqtiit aanniarumik uvvaluunniit inutuutitauyut titiraqarvikkut niruaquyauyut.
